சந்தானம் ஹீரோவாக நடித்த கலகலப்பான படங்கள்

லொள்ளு சபா மூலம் சின்னத்திரையில் அறிமுகமாகி நக்கல், கிண்டல் பேச்சு மூலம் வெள்ளி திரையில் காமெடி ஸ்டார் ஆக வலம்வந்து, தற்போது ஹீரோவாக ஒரு சில படங்களில் மாஸ் காட்டி வருகிறார் Santhanam . 

விஜய் டிவியில் லொள்ளு சபா என்ற காமெடி ஷோ மூலம் தமிழ் படங்களின் ஸ்பூப் வீடியோவில் காமெடி செய்து வந்தார் Santhanam. முதலில் சிம்புவின் மன்மதன் படத்தின் மூலம் சினிமா பக்கம் வந்தார். முதல் படத்திலேயே தனது காமெடியால் தமிழ் சினிமா தன்னை பற்றி பேசும்படியாக கவனிக்க வைத்தார். 

அடுத்து சச்சின், பொல்லாதவன் போன்ற படங்களில் இவரது காமெடி ரசிக்கும் படியாக அமைந்தது. காமெடியில் கலக்கி வந்த போது அறை எண் 305-ல் கடவுள் என்ற காமெடி கலந்த கற்பனை கதைக்களத்தில் கஞ்சா கருப்பு, Santhanam இருவரும் லீட் ரோலில் நடித்திருந்தனர். கடவுளை கூட வைத்துக்கொண்டு நினைத்ததை அனுபவிக்கும் கேரக்டரில் இருவரும் காமெடி கலந்து, சில கருத்துக்களை கூறியிருப்பார்கள். 

அதனை தொடர்ந்து காமெடியில் கலக்கிவந்த Santhanam காமெடி ஸ்டார் ஆக தமிழ் சினிமாவின் உச்சம் தொட்டார். கண்ணா லட்டு தின்ன ஆசையா என்ற படத்தில் லீட் ரோலில் பவர் ஸ்டார் உடன் இவரது காமெடி அல்டிமேட் ஆக இருந்தது. 

காமெடியில் லீட் ரோலில் நடித்து வந்த Santhanam ஆக்சன் பக்கம் திருப்பி வல்லவனுக்கு புல்லும் ஆயுதம், தில்லுக்கு துட்டு, இனிமேல் இப்படித்தான் போன்ற படங்களில் நடித்த போது சுமாரான வரவேற்பை பெற்றது. 

கவுண்டமணி பாணியில் ஹீரோ, வில்லன், ஹீரோயின் என யாராக இருந்தாலும் கிண்டல் செய்து அவர்களை கலாய்த்துக்கொண்டிருந்தார். ஒரு கட்டத்தில் தமிழில் ஹீரோவாக நடிக்க தொடங்கிய பிறகு காமெடி ரோலில் நடிப்பதை நிறுத்திவிட்டார்.   

சிவா மனசுல சக்தி படத்தில் ஜீவாவுடன் செய்யும் காமெடிக்கு அளவே இல்லை என்று கூறலாம். அதே போல பாஸ் என்கிற பாஸ்கரன் படத்தின் வெற்றிக்கு Santhanam காமெடி தான் முக்கிய காரணம் என்றே கூறலாம். 

உதயநிதி ஸ்டாலின் அறிமுக படமான ஒரு கல் ஒரு கண்ணாடி படத்தில் கதாநாயகனே Santhanam செய்யும் காமெடி தான். சிறந்த காமெடிக்காக விஜய் டிவி விருது, SIIMA, ஆனந்த விகடன் விருது போன்றவை பெற்றார். 

விஜய் டிவியில் லொள்ளு சபா நிகழ்ச்சிக்கு முன்பு win டிவியில் டீ கடை பென்ச், விஜய் டிவியில் சகல vs ரகளை போன்ற ஷோக்களில் நடித்திருந்தார்.  

சந்தானம் ஹீரோவாக நடித்த படங்கள்.