திரைக்கு வந்த படங்கள் ஒரு மாதத்திற்கு மேலான நிலையில் OTT தளத்தில் வெளியாவதை வழக்கமாக வைத்துள்ளனர். அந்த வகையில் திரையில் வெளியான படங்கள் பெரிய வரவேற்பை பெற தவறிய நிலையிலும் OTT தளத்தில் வரும் போது கவனம் பெரும்.
அக்டோபர் கடைசி வாரத்தில் யோகி பாபு, ஏகன் நடிப்பில் கவனம் பெற்ற கோழிப்பண்ணை செல்லத்துரை படமும், ஹிப் ஹாப் ஆதி நடிப்பில் வெளியான கடைசி உலகப்போர், கார்த்தி, அரவிந்த் சாமி நடிப்பில் வெளியான மெய்யழகன் படம், அட்டகத்தி தினேஷ், ஹரிஷ் கல்யாண் நடிப்பில் வெளியான லப்பர் பந்து , சாய் தன்ஷிகா நடிப்பில் வெளியான ஐந்தாம் வேதம் போன்ற படங்கள் வரும் அக்டோபர் மாதம் OTT தளத்தில் வரவுள்ள படங்கள்.
மெய்யழகன்
இயக்குனர் பிரேம் குமார் இயக்கத்தில், 2D எண்டர்டைன்மெண்ட் நிறுவனம் சார்பில் செப்டம்பர் 27 -ல் வெளியான படம் மெய்யழகன். படத்தின் தலைப்பை போலவே படம் முழுவதும் அழகாகவும், ரசிக்கும்படியான காட்சிகைளையும் கொண்டிருந்தது.
தமிழ் சினிமாவில் கத்தி, ரத்தம், சண்டை இல்லாமல் மன அமைதியை ஏற்படுத்தும் வகையில் கார்த்தி, அரவிந்த் சாமி நடிப்பு இருந்தது. ஸ்ரீ திவ்யா, ராஜ்கிரண், தேவதர்ஷினி, இளவரசு, கருணாகரன் போன்றோரும் நடித்திருந்தனர்.
சூர்யா, ஜோதிகாவின் தயாரிப்பு நிறுவனமான 2D எண்டர்டைன்மெண்ட் சார்பில் வெளியான மெய்யழகன் படத்திற்கு கோவிந்த் வசந்தா இசையமைத்திருந்தார்.
கடந்த மாதம் 27-ல் திரையரங்கில் வெளியான நிலையில் தற்போது அக்டோபர் 27 -ல் நெட்பிலிஸ் OTT தளத்தில் வெளியாகவுள்ளது. தமிழ், தெலுங்கு, மலையாளம், கன்னடம், ஹிந்தி என 5 மொழிகளில் படம் வெளியாகவுள்ளது.
லப்பர் பந்து
அட்டகத்தி தினேஷ், ஹரிஷ் கல்யாண், ஸ்வாசிகா, சஞ்சனா, காளி வெங்கட், பாலா சரவணன், தேவதர்ஷினி, ஜேசன் திவாகர், TSK நடிப்பில் வெளியாகி பட்டைய கிளப்பிய படம் லப்பர் பந்து. லோக்கல் கிரிக்கெட் விளையாட்டை மையப்படுத்தி, காதல், செண்டிமெண்ட் என படம் முழுவதும் ரசிக்க வைத்திருப்பார்.
தமிழரசன் பச்சமுத்து இயக்கத்தில், சீன் ரோல்டன் இசையில், பிரின்ஸ் பிக்சர்ஸ் தயாரிப்பில் செப்டம்பர் 20 -ல் வெளியாகி இன்னும் சில தியேட்டர்களில் ஓடிக்கொண்டுள்ளது. வரும் அக்டோபர் 31-ல் டிஸ்னி பிளஸ் ஹாட்ஸ்டார் OTT தளத்தில் லப்பர் பந்து படம் வெளியாகவுள்ளது.
கோழிப்பண்ணை செல்லத்துரை
எதார்த்த இயக்குனர் சீனு ராமசாமி இயக்கத்தில் யோகி பாபு, ஏகன், ப்ரகிடா, குட்டி புலி தினேஷ், ஐஸ்வர்யா தத்தா நடிப்பில் வெளியாகி அக்லெண்ட் திரைப்பட விழாவில் செப்டம்பர் 18 -ல் திரையிடப்பட்டது. செப்டம்பர் 20 -ல் தமிழில் திரையரங்கில் வெளியானது
.NR. ரகுநாதன் இசையில், விஷன் சினிமா ஹவுஸ் தயாரிப்பில் வெளியான படத்திற்கு நல்ல வரவேற்பு கிடைக்க வரும் அக்டோபர் 24-ல் பிரைம் வீடியோ, சிம்ப்ளி சௌத், ஆஹா தமிழ் போன்ற OTT தளத்தில் வெளியாகவுள்ளது.
கடைசி உலகப்போர்
இசையமைப்பாளராக திரைப்படத்துறையில் நுழைந்த ஆதி நடிகர், இயக்குனர் என அப்டேட் செய்து வருகிறார். கதை, திரைக்கதை, இயக்குனர் தயாரிப்பு, ஹீரோ என பல அவதாரத்தில் கடைசி உலக போர் என்ற படத்தை எடுத்திருந்தார். அனகா, நாசர், நட்டி நடராஜன், அழகம் பெருமாள், முனிஷ் காந்த், சிங்கம்புலி போன்றோரும் நடித்திருந்தனர்.
செப்டம்பர் 20 -ல் திரையரங்கில் வெளியான நிலையில் தற்போது அக்டோபர் 25 -ல் பிரைம் வீடியோ மற்றும் டெண்டுகொட்ட OTT தளத்தில் வெளியாகவுள்ளது.
ஐந்தாம் வேதம்
சாய் தன்ஷிகா, தேவதர்ஷினி, YG. மஹேந்திரன், சந்தோஷ் பிரதாப், பொன்வண்ணன் நடிப்பில் அக்டோபர் 25 -ல் Zee5 OTT தளத்தில் வெளியாகவுள்ளது. L. நாகராஜன் இயக்கத்தில், ரேவா இசையில், அபிராமி மீடியா ஒர்க்ஸ் தயாரிப்பில் வெளியாகவுள்ளது. தமிழ், தெலுங்கு ஆகிய மொழிகளில் வெளியாகவுள்ளது.
Don't miss out on the Latest Updates! Join our official WhatsApp channel and follow us on, YouTube, Instagram, Facebook, and Twitter for Breaking News. Send your press releases to: [email protected]
