அறிமுக இயக்குனர் பிரதாப் இயக்கத்தில், காதலர் தினத்தில் வெளியாகியுள்ள நகைச்சுவை ,கலாட்டா நிறைந்த பேபி & பேபி படம் மக்களிடையில் வெற்றியடையுமா?
அறிமுக இயக்குனர் பிரதாப் இயக்கத்தில் நடிகர் ஜெய், யோகி பாபு, சத்யராஜ், ஆனந்த ராஜ், தங்கதுரை, மொட்டை ராஜேந்திரன் போன்ற பலர் நடித்துள்ள இப்படம் ஒரு காமெடி கலாட்டா நகைச்சுவை நிறைந்த படமாக காதலர் தினத்தில் வெளியாகியுள்ளது. இரண்டு குழந்தைகள் தவறுதலாக கை மாறி சென்று அதன் பின் வரும் பிரச்சனைகளையும் இன்னல்களையும் நகைச்சுவை கலந்த உணர்வுகளோடு வெளிப்படுத்தும் படம் தான் ‘பேபி & பேபி’. ஆக்ஷன், திரில்லர் என்று எண்ணாமல் நகைச்சுவை நிறைந்த படம் பார்க்க வேண்டும் என்று நினைப்பவர்களுக்கு இப்படம் ஒரு சிறப்பான படமாக இருக்கும்.
பேபி & பேபி திரைக்கதை
படத்தின் தொடக்கத்தில் இருந்து இறுதி வரை கலாட்டா காமெடிக்கு பஞ்சம் இல்லாத அளவிற்கு அனைத்து காட்சிகளும் உள்ளன. படத்தின் முதல் பாகம் எந்த அளவிற்கு நகைச்சுவையாக இருந்ததோ அதை போலவே மறுபாகமும் உள்ளது. ஒரு பக்கம் பெற்றோர் சம்மதம் இல்லமால் காதல் திருமணம் செய்து கொண்டு வெளிநாட்டிற்கு சென்று விடும் நடிகர் ஜெய் (சிவா) மற்றும் ப்ரக்யா நாக்ரா (ப்ரியா). மறு பக்கம் வேலைக்காக வெளிநாடு சென்று அங்கே ஒரு பெண்ணை காதலித்து திருமணம் செய்து கொள்ளும் நடிகர் யோகி பாபு (குணா). இப்படத்தில் ஆண் குழந்தைதான் குடும்ப வாரிசு மற்றும் கவுரவம் என என்னும் ஜெய்யின் தந்தை சத்யா ராஜ் ஒரு பக்கம். சாஸ்திரம் சம்பர்தாயங்களை வைத்து பெண் குழந்தைதான் அதிஷ்டம் என்று என்னும் யோகி பாபு தந்தை மறு பக்கம். பெற்றோர்களை சந்திக்க வெளிநாட்டில் இருந்து வரும் போது சென்னை ஏர்போர்ட்டில் ஜெய் யின் ஆண் குழந்தை யோகி பாபுவிடனும், யோகி பாபு பெண் குழந்தை ஜெய் யிடமும் தவறுதலாக மாறிவிடுகிறது. அதன் பின் நடக்கும் பிரச்சனைகள் கலாட்டா, நகைச்சுவை, உணர்வுபுயூர்வமான தருணங்கள் ஆகியன கலந்து குழந்தைகள் எப்படி பெற்றோரிடம் சரியாக வந்து சேருகிறது என்பதே இப்படத்தின் கதை. ஆக்ஷன் படமாக இல்லாமல் குடும்பத்துடன் சென்று சிரித்து மகிழ்ந்து பார்ப்பதற்கு ஒரு நல்ல படமாகவோ இப்படம் உள்ளது. ஆக மொத்தத்தில் குழந்தையை மையப்படுத்தி எடுத்த ஒரு படமாக இப்படம் உள்ளது.
🎶 #BabyAndBaby Jukebox OUT NOW! 🎶
— D.IMMAN (@immancomposer) February 8, 2025
From soulful melodies to high-energy peppy numbers, experience the magic of the tracks❤️🔥✨
Listen now: https://t.co/9j8N6AWzWa
A #DImmanMusical
Praise God!@iYogiBabu @yuvarajfilms27 @pk790787974059@PragyaNagra @sarathy_skype @dhan__yaa… pic.twitter.com/o6M8meZnmA
தனித்துவ கதாபாத்திரங்கள்
எப்பொழுதும் போல் யோகி பாபு அவரது கதாபாத்திரத்தில் தனது நகைச்சுவை திறனையும், ஒருவர் பேச்சுக்கு உடனை கவுண்டர் கொடுக்கும் திறமையையும் அதே சமையத்தில் தன் கதாபாத்திரத்திற்கு ஏற்றவாரு ஒரு சில காட்சிகளில் உணர்ச்சிபொங்கும் தருணங்களையும் வெளிக்காட்டி இருப்பது சிறப்பு வாய்ந்ததாக உள்ளது. நடிகை ப்ரக்யா நாக்ரா மற்றும் சாய் தன்யா தனது கதாபாத்திரத்திற்கு ஏற்றவாறு தாய்மை உணர்வை வெளிப்படுத்தி சிறப்பான பாத்திரத்தில் நடித்துள்ளார்கள். ஜெய் படம் என்றாலே காமெடி நிறைந்த படமாகத்தான் இருக்கும் என்பது அனைவரும் அறிந்தது. அதற்கு ஏற்ப ஜெய் தனது கதாபாத்திரத்தில் நகைச்சுவையாகவும் உணர்ச்சிமிகுந்த தந்தையாகவும் ரசிகர்கள் ரசிக்கும் ஹீரோவாகவும் காட்சியளிக்கிறார். மேலும் இப்படத்தில் நடித்துள்ள ராமர், மொட்டை ராஜேந்திரன், தங்கதுரை, ரெடின் கிங்ஸ்லி ஆகியோர் தனக்கு குடுத்த கதாபாத்திரதிற்கு ஏற்றவாறு நகைச்சுவை நடிகர்களாக அசத்தியுள்ளார்.
Baby and Baby Tamil Review:
படத்தின் பலம்
காமெடி, எண்டெர்டைன்மெண்ட் படம் என்பதற்கு ஏற்றவாறு சரியாக அனைத்து காட்சிகளிலும் சிரித்து மகிழ்விக்கும் அளவிற்கு நகைச்சுவை நிறைந்துள்ளது. சண்டை காட்சிகளில் கூட சிறு சிறு காமெடி நிறைந்து இப்படம் ஒரு காமெடி பேமிலி எண்டர்டெயினர் படமாக உள்ளது சிறப்பு வாய்ந்தது. தமிழ் சினிமாவில் முழுவதும் காமெடி நிறைந்த கலாட்டா மூவிஸ் வருவது அரிதாகிவிட்டது. அந்த வகையில் இப்படம் குடும்ப உறவுகளின் பின்னணியில் குழந்தைகளை மையப்படுத்தி அனைத்து தரப்பினரும் கொண்டாடும் வகையில் இயக்குனர் உருவாக்கி உள்ளது சிறப்பு வாய்ந்து. மேலும் இசையமைப்பாளர் இப்படத்திற்கு ஏற்றவாறு உணர்ச்சிமிகு பாடலையும் குடும்பங்கள் கொண்டாடும் பாடலையும் இசையமைத்துள்ளது சிறப்பு.
படத்தின் பலவீனம்
இப்படம் காமெடி படம் என்பதற்கு ஏற்றவாறு அனைத்து காட்சிகளும் இருந்தாலும் படத்தில் எவ்வித திருப்புமுனையும் இல்லாமல் பார்வையாளர்களுக்கு எவ்வித எதிர்பார்ப்பும் இல்லாமல் ஒரே போக்கில் படத்தை நகர்த்தியுள்ளது பார்ப்பவர்களுக்கு சற்று சலிப்படைய செய்கிறது. காமெடி படம் என்று கேட்டு பார்ப்பவர்களுக்கு இப்படம் சரியாக இருக்கும். அனால் ஆக்ஷன் காட்சிகள் திரில்லர் காட்சிகளை எல்லாம் எதிர்பார்ப்பவர்களுக்கு இப்படம் சலிப்பை தான் ஏற்படுத்தும்.
விமர்சனம்
இப்படத்தில் வரும் கதாபாத்திரங்கள் அனைவரும் தங்களுக்கு கொடுக்கப்பட்ட பாத்திரத்தை சரியாகவும் நேர்த்தியாகவும் அழகாகவும் காட்டியுள்ளனர். ஆக்ஷன், திரில்லர் படம் அளவிற்கு இல்லாவிட்டாலும் நகைச்சுவை, கலாட்டா, எமோஷன்ஸ் அனைத்தும் சம அளவில் கலந்து குடும்பத்துடன் பார்த்து மகிழும் அளவிற்கு ஒரு நல்ல பேமிலி எண்டர்டெயினர் படமாக பேபி & பேபி படம் அமைந்துள்ளது.
Don't miss out on the Latest Updates! Join our official WhatsApp channel and follow us on, YouTube, Instagram, Facebook, and Twitter for Breaking News. Send your press releases to: [email protected]
