‘Kingston’ திரைப்படம் முதல் முறையாக கடலில் நடக்கும் மர்மமான அமானுஷ்யம் நிறைந்த கதையை தமிழ் சினிமாவில் புதிய முயற்சியாக வெளியிட்டுள்ளனர். இசையமைப்பாளரும் நடிகருமான ஜிவி பிரகாஷ் இப்படத்தின் மூலம் தயாரிப்பாளராக அறிமுகமாக, இப்படத்தை இயக்குனர் கமல் பிரகாஷ் இயக்கியுள்ளார். ஏற்கனவே ‘Bachelor’ படத்தில் இணைந்து நடித்த நடிகை திவ்யபாரதி இப்படத்திலும் நாயகியாக வருகிறார். உடன் பரிட்சயமான நடிகர்கள் அழகம் பெருமாள், இளங்கோ குமாரவேல் ஆகியோர் நடித்துள்ளனர்.
‘Kingston’ படத்தின் கதை
தூத்துக்குடி அருகே தூவத்தூர் கிராமத்தில் மீனவ மக்கள் கடலுக்கு மீன் பிடிக்க செல்லமுடியாமல் தங்களின் வாழ்வாதாரத்தை இழந்து இருக்க, அந்த ஊரில் பணம் சம்பாதித்து கடலுக்குள் சென்று தன்னுடைய தந்தைக்கு நடந்த மர்மம் என்ன என்று கண்டுபிடிக்க 1982ல் இருந்து நிலவும் சாபத்தை மீறி, தன்னை ஏமாற்றிய தாதாவையும் பகைத்து ஊர் மக்களின் உயிரை காப்பாற்ற கதாநாயகனும் அவரின் நண்பர்களும் கடலுக்கு செல்ல முடிவெடுக்கிறார்கள். கடலுக்குள் ஒளிந்திருக்கும் மர்மங்களும் அதன் பின்னால் இருக்கும் கதை உண்மையில் கட்டுக்கதையா என்பது தான் ‘Kingston’ படத்தின் கதை.
Read More: March 2025 – திரையரங்கில் வெளியாக உள்ள தமிழ் திரைப்படங்கள்
கிங்ஸ்டன் படத்தின் பலம்
இயக்குனர் கமல் பிரகாஷ் விதிக்கப்பட்ட பட்ஜெட்டில் பிரம்மாண்டமான மற்றும் வியக்கவைக்கும் VFX மற்றும் கிராபிக்ஸ் காட்சிகளை அற்புதமாக இயக்கியுள்ளார். குறிப்பாக இரண்டாம் பத்தியில் வரும் மர்மமான உயிரினங்களும், பெருங்கடலின் சீற்றத்தையும் பிரம்மிக்கும் வகையில் குறைந்த பட்ஜெட்டில் எடுத்திருப்பது பாராட்டத்தக்கது.
நடிகர் ஜிவி பிரகாஷ் முதல் பாதியில் எவ்வித கவலையுமின்றி தன்னுடைய வாழ்க்கைக்கு பணம் மட்டுமே குறிக்கோளாகக் கொண்டு பின்னர் அவரின் முதலாளி தன்னுடைய ஊர் மக்களை கஞ்சா கடத்துவதற்கு கடலுக்கு இரையாக்குவதை தெறிந்து அதை தடுக்கும் பொறுப்பான இளைஞனாக மிக நன்றாக நடித்துள்ளார்.
துணை நடிகர்கள் அழகம் பெருமாள், சேத்தன், இளங்கோ குமாரவேல் ஆகியோர் தங்களின் திருத்தமான நடிப்பால் படத்தின் முக்கியமான காட்சிகளை சுவாரஸ்யமாக்குகிறார்கள். குறிப்பாக 1982ல் நடக்கும் சூழ்ச்சிகளையும் கொடூரங்களையும் தெளிவாக ஏற்று நடித்துள்ளனர்.
Read More: நடிகர் Dhanush-ன் நடிப்பில் 2025ல் வரவிருக்கும் திரைப்படங்கள் இத்தனையா!
கிங்ஸ்டன் படத்தின் பலவீனம்
என்னதான் படத்தின் தொடக்கம் முதல் கடலிலிருந்து கரையொதுங்கும் மீனவர்களின் மர்மமான சாவிற்கு காரணமாக இருக்கும் கன்னி பெண்களின் பிணங்கள் பார்ப்பதற்கு ஆழ்கடல் உயிரினங்களைப்போல கோரமாக இருந்தாலும், இரண்டாம் பாதியில் அவைகளின் பங்கும் மிகக்குறைவாக இருந்தது. முதல் பாதியில் குறிப்பிட்ட காரணங்கள் இரண்டாம் பத்தியில் வலுவிழந்து காட்டப்பட்டது படத்தின் பின்னடைவு.
ஒரு புதிய முயற்சியாக, ஆங்கில படங்களான ‘Pirates of the Caribbean’, ‘Harry Potter’ போன்ற பாண்டஸி கதைங்களை தமிழில் பார்ப்பதற்கு புதுமையாக இருந்தாலும், அதில் நல்ல திரைக்கதையும் அதற்கேற்ப சில இடங்களில் தடுமாற்றம் இருக்கிறது. குடும்பமாக சென்று பார்க்கும் ஒரு ஆவரேஜ் படம் தான் ‘Kingston’.
Don't miss out on the Latest Updates! Join our official WhatsApp channel and follow us on, YouTube, Instagram, Facebook, and Twitter for Breaking News. Send your press releases to: [email protected]
