தற்போது புது வருடத்தின் ஜனவரி மாதம் விரைவில் நிறைவு பெற உள்ளது, அதனால் 2025 February மாதம் வெள்ளித்திரைக்கு வருகை தரவிருக்கும் தமிழ் திரைப்படங்கள் பட்டியலை இந்த கட்டுரையில் காணலாம்.
1.விடாமுயற்சி
பொங்கல் திருநாள் அன்று வெளியாகும் என அறிவிக்கப்பட்டு அதன் பிறகு மாற்றம் செய்து தற்போது பிப்ரவரி மாதம் உறுதியாக வெளியாகும் என அறிவித்துள்ளது “விடாமுயற்சி” படக்குழு. 2023 ஆம் ஆண்டு வெளியான ‘துணிவு’ திரைப்படத்திற்கு பிறகு நடிகர் அஜித் குமார் நடிப்பில் வெளியாகும் இந்த படத்தின் வருகைக்காக அவரது ரசிகர்கள் ஆவலுடன் காத்துக் கொண்டிருக்கின்றனர்.
வெளியாகும் நாள் – பிப்ரவரி 6, 2025
2.காதல் என்பது பொதுவுடமை
காதலர் தினத்தை முன்னிட்டு வெளியாகும் திரைப்படங்களில் இந்த படமும் ஒன்று. தற்கால காதல் மற்றும் சமூக தடைகளை விவரிக்கும் கதையாக இந்த திரைப்படம் அமைந்துள்ளது. இதில் ‘ஜெய் பீம்’ பட நாயகி லிஜோ மோல் ஜோஸ், முன்னணி நடிகர்கள் வினீத், ரோகிணி ஆகியோர் இந்த படத்தில் முக்கிய கதாபாத்திரத்தில் நடித்துள்ளனர்.
வெளியாகும் நாள் – பிப்ரவரி 14, 2025
3.ஒன்ஸ் மோர்
மீண்டும் அதே காதலர் தினத்தில் வெளியாகவுள்ள மற்றொரு romcom திரைப்படம் தான் “ஒன்ஸ் மோர்”. இதில் அர்ஜுன் தாஸ் மற்றும் அதிதி ஷங்கரின் ஜோடி இளம் ரசிகர்கள் மத்தியில் நல்ல வரவேற்பை பெற்றுள்ளது. குறிப்பாக நடிகர் அர்ஜுன் தாஸ் இதற்கு முன் நடித்த படங்கள் ஆக்ஷன் மற்றும் த்ரில்லர் நிறைந்த ஒன்றாக இருந்து வந்தது. தற்போது நாயகனாக அதில் முழுநீள ரொமான்டிக் திரைப்படத்தில் நடித்திருப்பது அவரது விசிறிகளுக்கு பேரானந்தத்தை அளித்துள்ளது என்று கூறலாம்.
வெளியாகும் நாள் – பிப்ரவரி 14, 2025
4.டிராகன்
பீல் குட் மற்றும் rom com படங்களை ரசனையுடன் மக்களுக்கு திரையில் எடுத்து கூறும் இயக்குனர் அஸ்வத் மாரிமுத்து இயக்கத்தில், நடிகர் மற்றும் இயக்குனர் ஆன பிரதீப் ரங்கநாதன் நாயகனாக நடிக்கும் இரண்டாவது படம் “டிராகன்”. இதில் பணியாற்றியிருக்கும் நடிகர்கள் என்று கூறுகையில் KS ரவிக்குமார், கவுதம் வாசுதேவ் மேனன், மிஷ்கின், அனுபமா பரமேசுவரன், கயது லோஹர், VJ சித்து ஆகியோர் இந்த படத்தை வெள்ளித்திரையில் வெளியாகும் முதல் நாளில் காண வேண்டும் என்ற ஆர்வத்தை தூண்டியுள்ளனர்.
வெளியாகும் நாள் – பிப்ரவரி 21, 2025
5.நரகல் பேசேல்
காதலர் தினத்தன்று வெளியாகவுள்ள திரில்லர் திரைப்படம் ‘நரகல் பேசேல்’. ஒரு கொலை விசாரணையில் படத்தின் இரு முக்கிய கதாபாத்திரங்கள் இன்ஸ்பெக்டர் ராவணா மற்றும் ராபர்ட் புதிதாக ஒரு நபரை சந்திக்கின்றனர் அதன் பிறகு விசாரணை மட்டும் அல்ல அவர்களின் வாழ்க்கையும் வேகமாக எதிர்ப்பாராத விதத்தில் பயணிக்கிறது.
வெளியாகும் நாள் – பிப்ரவரி 14, 2025
6.நிலவுக்கு என் மேல் என்னடி கோபம்
நடிகர் தனுஷ் இயக்குனர் ஆக களம் இறங்கிய மூன்றாவது திரைப்படம் ‘நிலவுக்கு என் மேல் என்னடி கோபம்’. இந்த படத்தில் இருந்து வெளியான அனைத்து பாடல்களும் ரசிகர்கள் மீண்டும் மீண்டும் கேட்டு அவர்களின் செவிகளுக்கு விருந்து படைத்து வருகின்றனர். மேலும் இந்த படத்தின் திரை வெளியீட்டு தேதியை படக்குழு இன்று உறுதி செய்யப்பட்டது.
வெளியாகும் நாள் – பிப்ரவரி 21, 2025
7.ராமம் ராகவம்
தமிழில் மட்டும் அல்ல அனைத்து தென்னிந்திய மொழிகளில் தனது மிகச்சிறந்த நடிப்பாற்றலை வெளிக்காட்டி வரும் நடிகர் சமுத்திரக்கனியின், தெலுங்கு திரைப்படம் தமிழிலும் வெளியாக உள்ளது என்று படக்குழு அறிவித்துள்ளது. “ராமம் ராகவம்” என்று தலைப்பு இடப்பட்ட இந்த திரைப்படம் ஒரு தந்தை மற்றும் மகனிற்கு இடையே நடக்கும் வித்யாசமான கதைக்களத்தை உருவாக்கியுள்ளார் இயக்குனர் தன்ராஜ்.
வெளியாகும் நாள் – பிப்ரவரி 28, 2025
The (UN..) Usual Father & Son Story #RamamRaghavam 🏹 grand release in TamilNadu by #GRRMovies ❤️🔥
— Karthik Ravivarma (@Karthikravivarm) January 29, 2025
The emotional rollercoaster ride #RR in theatres on Feb 28th,#ராமம்ராகவம் pic.twitter.com/sQr7E8ZuSL
2025 ஆம் ஆண்டு கோலிவுட்டில் வெளியாக இருக்கும் பல திரைப்படங்களின் மேல் ரசிகர்களின் எதிர்பார்ப்பு அளவின்றி இருக்கிறது என்றே கூறலாம். தற்போது உள்ள பட்டியலின் அடிப்படையில் 2025 பிப்ரவரி காதல் மாதமாகவே மாறியுள்ளது.
Don't miss out on the Latest Updates! Join our official WhatsApp channel and follow us on, YouTube, Instagram, Facebook, and Twitter for Breaking News. Send your press releases to: [email protected]
