தமிழ் சினிமா ரசிகர்களுக்கு தீபாவளி மற்றும் பொங்கல் பண்டிகையில் வெளியாகும் படங்களை குடும்பத்துடன் திரையரங்கிற்கு சென்று பார்ப்பது ஒரு வழக்கமாக உள்ளது. அப்படி முன்னணி நடிகர்கள் பலரின் படங்கள் பொங்கல் மற்றும் தீபாவளிக்கு வெளியாக போட்டிபோடும் நிலையம், அந்த நாட்களில் வெளியிட வரிசை கட்டி காத்திருப்பதும் நடைமுறையாக உள்ளது.
வருகிற தீபாவளிக்கு ரஜினிகாந்த், கமல் ஹாசன், விஜய், அஜித் ஆகியோரின் படங்கள் வெளியாகவில்லை என்றாலும், முன்னணி நடிகர்கள் சிலரின் படங்கள் வெளியாகிறது. அதே போல் 2025 பொங்கல் பண்டிகைக்கு குடும்பத்துடன் சென்று பார்க்கும்படியாக பல படங்கள் வெளியாக காத்திருக்கிறது.
வீர தீர சூரன் -2
S. U, அருண் குமார் இயக்கத்தில் நடிகர்கள் சியான் விக்ரம், துஷாரா விஜயன், எஸ். ஜெ. சூர்யா, சூரஜ் வெஞ்சரமூடு, சித்திக்கி ஆகியோர் நடிக்கும் படம் ‘வீர தீர சூரன்’. இந்த படத்துக்கு ஜி வி பிரகாஷ் இசையமைக்கிறார். மேலும் இப்படத்தை பற்றிய தகவல் எதுவும் வெளியாகவில்லை என்பதால், முதல் பாகத்தை போல இந்த படமும் ஒரு ஆக்ஷன் படமாக அமையும் என ரசிகர்கள் காத்திருக்கிறார்கள். 2025 பொங்கல் பண்டிகைக்கு இந்த படம் வெளியாகும் என படக்குழு அறிவித்தனர்.
Game Changer
దసరా శుభాకాంక్షలతో!
— Game Changer (@GameChangerOffl) October 12, 2024
தசரா நல்வாழ்த்துக்களுடன்!
दशहरा की शुभकामनाएं!#GameChanger Worldwide In Cinemas On January 10th ❤️🔥✊🏼 pic.twitter.com/gdVnEkytLv
இயக்குனர் ஷங்கர் அடுத்ததாக ‘RRR’ கதாநாயகன் ராம் சரண் உடன் இணைந்து உருவாக்கியுள்ள படம் ‘Game Changer’. இந்த படத்துக்கு இயக்குனர் கார்த்திக் சுப்பாராஜ் கதையாசிரியராக உள்ளார். படத்தில் கதாநாயகியாக கியாரா அத்வானி, அஞ்சலி, சமுத்திரக்கனி, எஸ். ஜெ. சூர்யா, ஸ்ரீகாந்த் ஆகியோர் நடித்துள்ளனர். வழக்கமான ஷங்கர் படம் போல பிரம்மாண்டமாக உருவாகியுள்ள இந்த படத்துக்கு தமன் இசையமைக்கிறார். இந்த படம் ஜனவரி 10ம் தேதி 2025 பொங்கல் பண்டிகைக்கு வெளியாகிறது.
Suriya 44
கார்த்திக் சுப்பாராஜ் இயக்கத்தில் நடிகர் சூரியா, நடிகை பூஜா ஹெக்டே, ஜோஜு ஜார்ஜ், நாசர், பிரகாஷ் ராஜ் ஆகியோர் நடித்துள்ள பெயரிடப்படாத படம் ‘Suriya 44’. இயக்குனர் கார்த்திக் சுப்பாராஜின் வழக்கமான western gangster படமாக இதுவும் உருவாகியுள்ளது தெரிகிறது. சந்தோஷ் நாராயணன் இசையில் இந்த படத்தின் கதாபாத்திர முன்னோட்டத்தி தவிர வேறு எந்த செய்தியும் வெளியாகவில்லை. சமிபத்தில் படப்பிடிப்பு முடிந்த நிலையில், இப்படத்தை 2025 பொங்கலுக்கு வெளியிட திட்டமிட்டுள்ளனர்.
2024 -25ல் Suriya ரசிகர்களுக்கு விருந்தாக வெளிவரவுள்ள படங்கள்!
Good Bad Ugly
இயக்குனர் ஆதிக் ரவிச்சந்திரன் இயக்கத்தில் அஜித் குமார், திரிஷா கருஷ்ணன், பிரசன்னா, சுனில் ஆகியோர் நடித்துள்ள படம் ‘Good Bad Ugly’. இந்த படத்தில் நடிகர் அஜித் உடைய கதாபாத்திரத்தின் போஸ்டர் வெளியாகி இணையத்தில் அதிர்வலைகளை ஏற்படுத்தியது. அதை தொடர்ந்து இந்த படத்தின் படப்பிடிப்பு தளத்தில் எடுக்கப்பட்ட படங்களும் வைரலானது. இந்த படத்தை 2025 ஜனவரி மாதத்தில் வெளியிட திட்டமிட்டுள்ளனர் படக்குழுவினர்.
Thug Life
மணிரத்னம் மற்றும் கமல் ஹாசன் கூட்டணியில் அற்புதமான படக்குழுவுடன் உருவாகும் படம் ‘Thug Life’. தமிழ், மலையாளம், ஹிந்தி என பல மொழி திறமையாளர்களை கொண்டு ஒரு Pan Indian படமாக உருவாக்கப்பட்டுள்ள இந்த படத்தின் படப்பிடிப்பு நிறைவானது. இந்த படத்தின் முதல் அதிகாரப்பூர்வ அறிவிப்பிலேயே வித்தியாசத்தையும், திறமையின் உச்சகட்டமாக காட்சியமைப்பையும் பார்த்து வியந்த ரசிகர்கள், இந்த படத்துக்காக ஆவலாக காத்திருக்கிறார்கள். இது ஜனவரி மாதம் வெளியாக அதிக வாய்ப்புகள் உள்ளது.
Don't miss out on the Latest Updates! Join our official WhatsApp channel and follow us on, YouTube, Instagram, Facebook, and Twitter for Breaking News. Send your press releases to: [email protected]
