தமிழில் ‘வெண்ணிலா கபடிகுழு, களவாணி, நான் மகான் அல்ல, சுந்தரபாண்டியன், கேடி பில்லா கில்லாடி ரங்கா, வருத்தப்படாத வாலிபர் சங்கம், ரஜினி முருகன், வேலைன்னு வந்துட்டா வெள்ளக்காரன்’ போன்ற பல படங்களில் காமெடியில் வேற லெவலில் அசத்திய சூரி ஹீரோ ரூட் எடுத்த படம் ‘விடுதலை’.
முன்னணி இயக்குநர் வெற்றிமாறன் இயக்கிய இந்த படத்தில் சூரி ‘குமரேசன்’ என்ற கதாபாத்திரமாகவே வாழ்ந்திருந்தார். இப்படத்தின் வெற்றியை தொடர்ந்து சூரி காமெடி ரோலில் நடிப்பதை முற்றிலும் தவிர்த்துவிட்டு, சீரியஸ் ரோலிலும், ஹீரோவாகவும் மட்டுமே கமிட்டாகி நடித்துக் கொண்டிருக்கிறார்.
இப்போது சூரி கைவசம் ‘விடுதலை பார்ட் 2‘, ‘கொட்டுக்காளி’, ‘கருடன்’, ‘ஏழு கடல் ஏழு மலை’ ஆகிய நான்கு படங்கள் உள்ளது. இதில் ‘விடுதலை பார்ட் 2’வின் ஷூட்டிங் பரபரப்பாக நடைபெற்று வருகிறது.
‘கொட்டுக்காளி’ மற்றும் ‘ஏழு கடல் ஏழு மலை’ ஆகிய இரண்டு படங்களும் முடிவடைந்து ரிலீஸுக்கு தயாராக இருக்கிறது. இந்நிலையில், நடிகர் சூரி தான் ஒப்பந்தமாகப்போகும் புதிய படங்களுக்கு ரூ.10 கோடி சம்பளம் கேட்பதாக தகவல் வெளியாகியுள்ளது.
Don't miss out on the Latest Updates! Join our official WhatsApp channel and follow us on, YouTube, Instagram, Facebook, and Twitter for Breaking News. Send your press releases to: [email protected]
