கோலிவுட்டின் டாப் ஹீரோக்களில் ஒருவரான அஜித் கைவசம் ‘விடாமுயற்சி, குட் பேட் அக்லி’ ஆகிய இரண்டு படங்கள் இருக்கிறது. இதில் ‘விடாமுயற்சி’யை இயக்குநர் மகிழ் திருமேனியும், ‘குட் பேட் அக்லி’யை இயக்குநர் ஆதிக் ரவிச்சந்திரனும் இயக்குகின்றனர்.

‘விடாமுயற்சி’யின் புதிய ஷெட்யூல் ஷூட்டிங் அடுத்த வாரத்தில் இருந்து வெளிநாட்டில் தொடங்கப்போகிறது. ‘குட் பேட் அக்லி’யின் படப்பிடிப்பு வருகிற ஜூன் மாதத்திலிருந்து தான் ஆரம்பமாகப்போகிறது.
இந்நிலையில், அஜித் நெகட்டிவ் கேரக்டரில் நடித்து வேற லெவல் ஹிட்டான ‘மங்காத்தா’ படத்தை வருகிற மே 1-ஆம் தேதி திரையரங்குகளில் ரீ-ரிலீஸ் செய்யத் திட்டமிட்டிருப்பதாக தகவல் வெளியாகியுள்ளது. மே 1 அஜித்தின் பிறந்த நாள் என்பது குறிப்பிடத்தக்கது.
வெங்கட் பிரபு இயக்கிய ‘மங்காத்தா’வில் அஜித்துடன் இணைந்து த்ரிஷா, ‘ஆக்ஷன் கிங்’ அர்ஜுன், ஆண்ட்ரியா, ஜெயப்பிரகாஷ், பிரேம்ஜி, ராய் லக்ஷ்மி, வைபவ், மஹத், அரவிந்த் ஆகாஷ், சுப்பு பஞ்சு, அஷ்வின் ககுமனு ஆகியோர் நடித்திருந்தார்கள்.
Don't miss out on the Latest Updates! Join our official WhatsApp channel and follow us on, YouTube, Instagram, Facebook, and Twitter for Breaking News. Send your press releases to: [email protected]