ராணுவ அதிகாரியின் வாழ்க்கையில் உள்ள கரடுமுரடான அனுபவங்களை பல கோணங்களில் தமிழ் சினிமாவில் நாம் கண்டுள்ளோம். ஆனால், 2024 ஆம் ஆண்டு இயக்குநர் ராஜ்குமார் பெரியசாமி இயக்கத்தில் வெளியான “Amaran” திரைப்படம் மேஜர் முகுந்த் வரதராஜன் அவர்களின் வாழ்க்கையை அவரின் அன்பு மனைவி இந்து ரெபேக்கா வர்கீஸின் வாயிலாக கூறப்படும் ஆக்ஷன் மற்றும் காதல் படமாக உருவாக்கப்பட்டது.
Amaran – 100 நாள்!
தீபாவளி திருநாள் அன்று தமிழ்நாடு உள்பட இந்தியா முழுவதும் உள்ள திரையரங்கில் வெளியாகி அனைத்து விதமான சினிமா ரசிகர்களின் வரவேற்பும், பாராட்டும் பெற்றது. “Amaran” திரைப்படத்தை மக்கள் தங்களது கதையாக ஏற்றுக்கொண்டு கொண்டாடி தீர்த்ததன் அடையாளமாக வெள்ளித்திரையில் “100 நாள்” கடந்துள்ளதை படக்குழுவினர் இன்று வெளியிட்டது.
இந்த திரைப்படம் நடிகர் சிவகார்த்திகேயன் மற்றும் சாய் பல்லவி திரைப்பயணத்தில் மைல்கல் என்றே கூறலாம். இதுவரை அவர்கள் மேற்கொண்ட கதாபாத்திரங்களுக்கு முற்றிலும் மாறானது; மேலும் உண்மையில் வாழ்ந்த மற்றும் வாழ்ந்து கொண்டிருக்கும் மனிதர்களை திரையில் உயிரோட்டத்துடன் காண்பித்தது “Amaran” படத்தின் தனித்துவம் ஆகும். இயக்கத்தில் தொடங்கி, இசை, எடிட்டிங், நடிப்பு என அனைத்து குழுவின் கடின உழைப்புக்கு கிடைத்த மற்றொரு மகுடம் தான், இந்த “100 நாள்” சாதனை.
Amaranக்கு கிடைத்த வெற்றி மாலைகள்…
- 22வது சென்னை சர்வதேச திரைப்பட விழா விருது
சிறந்த திரைப்படம் – Amaran
சிறந்த நடிகை – சாய் பல்லவி
சிறந்த இயக்குநர் – ராஜ்குமார் பெரியசாமி
சிறந்த ஒளிப்பதிவாளர் – CH சாய்
- பாக்ஸ் ஆபிஸ் வசூல் – 335 கோடி
- 2024 ஆம் வெளியான தமிழ் திரைப்படங்களில் முதல் நாள் அதிக வசூலை ஈட்டிய நான்காவது திரைப்படம்.
- Amaran முதல் நாள் – 35 கோடி
Don't miss out on the Latest Updates! Join our official WhatsApp channel and follow us on, YouTube, Instagram, Facebook, and Twitter for Breaking News. Send your press releases to: [email protected]
