ராஜ்குமார் பெரியசாமி இயக்கத்தில் மறைந்த ராணுவ வீரர் மேஜர் முகுந்த் வரதராஜன் உடைய வாழ்க்கை வரலாறை அமரன் படமாக உருவாக்கியுள்ளனர். இந்த படத்தில் நடிகர் சிவகார்த்தியேன் கதாநாயகனாக நிஜ வாழக்கையில் மேஜர் முகுந்த் வரதராஜனின் குடும்பம், அவரின் தேசப் பற்று ஆகியவற்றை திரையில் வெளிப்படுத்தி நடிக்கவுள்ளார்.
நடிகை சாய் பல்லவி, மேஜர் முகுந்த் வரதராஜன் உடைய மனைவி இந்து ரெபேக்கா வர்கீஸ் அவர்களின் கதாபாத்திரத்தில் நடிக்கிறார். இவரின் கண்ணோட்டத்தில் இப்படத்தின் கதையம்சம் இடம்பெறுகிறது. இன்று வெளியாகியுள்ள ட்ரைலரில் ஒவ்வொரு ராணுவ வீரரின் குடும்பத்தினரின் உணர்ச்சிகளை வெளிப்படுத்தும் விதமாக உள்ளது.
தொடக்கத்தில் உண்மையாக மேஜர் முகுந்த் வரதராஜன் அவரின் மகளுடன் ‘அச்சமில்லை அச்சமில்லை’ பாடலை பாடும் விடியோவுடன் ட்ரைலர் தொடங்குகிறது. அவரின் ராணுவ ஆர்வம், தனிப்பட்ட வாழ்க்கை ஆகிய காட்சிகள் தொடர்கிறது. இசையமைப்பாளர் ஜி வி பிரகாஷின் பின்னணி இசையில் ஏற்கனவே இரெண்டு பாடல்கள் வெளியாகி அதில் ‘ஹே மின்னலே’ பாடல் நல்ல வரவேற்பு பெற்றது.
அமரன் படத்தின் தயாரிப்பாளர் கமல் ஹாசன், படத்தை முழுமையாக பார்த்துவிட்டு கண்ணீர் விட்டதாகவும் பேசப்பட்டு வரும் நிலையில் ‘அமரன்‘ படத்திற்கான எதிர்பார்ப்பு அதிகமாகியுள்ளது. 2024 பொங்கலுக்கு ஒரு படம் தீபாவளிக்கு ஒரு படம் என சிவகார்த்தியேன் அமர்களப்படுத்தி வருகிறார். ‘Brother’ மற்றும் ‘Bloody Beggar’ ஆகிய படங்களுடன் இந்த ஆண்டு தீபாவளி போட்டி ரெடியாகவுள்ளது.
Don't miss out on the Latest Updates! Join our official WhatsApp channel and follow us on, YouTube, Instagram, Facebook, and Twitter for Breaking News. Send your press releases to: [email protected]
