நவம்பர் 19, 2024 அன்று இசையமைப்பாளர் AR Rahman-ன் முன்னால் மனைவி சைரா பானு தனது திருமண பந்தத்தில் இருந்து விலகுவதாகவும், அதை குறித்த உருக்கமான அறிக்கையையும் அவரின் வழக்கறிஞர் வெளியிட்டார்.
அடுத்த நாள், தனது X தளத்தில், ஏ.ஆர்.ரஹ்மான் இது குறித்து தனது உணர்ச்சி மிகுந்த வார்த்தைகளை பதிவிட்டிருந்தார். ஆனால், அதன் பிறகு பல சமூக ஊடகங்கள் பல விதமான ஜோடிக்கப்பட்ட கதைகளை கூறி வந்த நிலையில், அதற்கு முற்றுப்புள்ளி வைக்கும் விதமாக, இசையமைப்பாளர் AR Rahman-னின் சட்ட குழு அறிக்கை ஒன்றை வெளியிட்டுள்ளது.
Notice to all slanderers from ARR's Legal Team. pic.twitter.com/Nq3Eq6Su2x
— A.R.Rahman (@arrahman) November 23, 2024
சில சமூக ஊடகத் தளங்களும், YouTuber-களும் அவர்களின் கற்பனை திறன்கள் கொண்டு, அவதூறு மற்றும் களங்கம் விளைவிக்கும் கதைகளை கூற தொடங்கி விட்டதாகவும், அதில் சிலர் சில நேர்காணல்களில் அவர்களின் சொந்த வாழ்க்கையில் நடந்த நிகழ்வோடு அவரின்(AR Rahman) வாழ்க்கையோடு ஒப்பிட்டு கூறியதை சுட்டிக்காட்டியுள்ளனர். தற்போதுவரை கூறப்பட்டு வரும் பொய்யான செய்திகள் திரு.ஏ.ஆர்.ரஹ்மான் மற்றும் அவரின் குடும்பத்தாரையும் புண் படுத்தும் விதத்தில் உள்ளது, இதற்கு காரணம், “குறுகிய கால விளம்பரம்” என்றும் கூறப்பட்டுள்ளது.
தனது 29 ஆண்டு கால திருமண பந்தத்தை முறித்துக் கொண்டார் AR Rahman!
மேலும் அந்த அறிக்கையில் அடுத்த ஒரு மணி நேரத்திற்குள் “Section 356 Bharatiya Nyaya Sanhita” என்ற சட்டத்தின் அடிப்படையில், 24 மணி நேரத்திற்குள் இதுவரை பதிவேற்றப்பட்ட அனைத்து பதிவுகளையும் அகற்றும்படி அறிவுறுத்தப்பட்டுள்ளது. அப்படி நீக்கவில்லை என்றால், சட்ட ரீதியான நடவடிக்கைகளை எதிர்கொள்ள வேண்டியிருக்கும் என்று கூறி நிறைவு செய்யப்பட்டுள்ளது.
Don't miss out on the Latest Updates! Join our official WhatsApp channel and follow us on, YouTube, Instagram, Facebook, and Twitter for Breaking News. Send your press releases to: [email protected]
