தொலைக்காட்சி தொடரில் துணை நடிகராக அறிமுகமாகி பின்னர் படிப்படியாக திரை துறையில் கதாயகனாக நடித்துவரும் நடிகர் கவின், யாரும் எதிர்பார்க்காத அளவிற்கு வித்தியாசமான ஒரு கதாபாத்திரத்தில் ‘Bloody Beggar’ படத்தில் நடித்துள்ளார்.

விஜய் டிவியில் ஒளிபரப்பான ‘கனா காணும் காலங்கள்’ தொடரில் நடிகராக அறிமுகமான கவின், மேலும் பல ஆண்டுகள் தொலைக்காட்சி தொடரில் நடித்துவந்தார். இவரின் பெயரை போலவே இவரின் உருவதாலும் உழைப்பாலும் இவருக்கான வாய்ப்புகள் தொடர்ந்து கிடைக்க தொடங்கியது.
தொலைக்காட்சி தொடரில் நல்ல வரவேற்பு கிடைத்தாலும், இவருக்கு சினிமாவில் மீது எழுந்த ஆர்வத்தால் இயக்குனர் நெல்சன் திலீப்குமாருடன் துணை இயக்குனராக பணியாற்ற தொடங்கினார். அப்போது சகா துணை இயக்குனராக இருந்த சிவபாலன் முத்துக்குமார் உடன் நட்பு ஏற்பட்டது.

இருவரும் இப்போது இணைந்து ‘Bloody Beggar’ என்ற படத்தில் முதல் நுரையாக இணைந்துள்ளனர். இயக்குனர் சிவபாலன் முத்துக்குமாருக்கு முதல் படமான இதில் நடிகர் கவின் நடிப்பது வரவேற்கப்பட்டது. இந்தப்படத்தில் கவின் உடைய கதாபாத்திரம் பற்றிய ஒரு வீடியோ வெளியாகி, படத்தை அறிவித்தனர்.
ஒரு பிச்சைக்காரராக, எந்தவித ஆசைகளும், அவசரமும் இல்லாமல், இந்த உலகில் எதையும் சாதிக்கவோ, சமாளிக்கவோ அவசியமில்லாத ஒரு பிச்சைக்காரர், ஒரு நாள் இரவில் தனக்கென ஒரு ஆசையை வளர்த்து அதை நோக்கி பயணிக்கும் கதை தான் ‘Bloody Beggar’.
இந்த படத்தில் கால் ஊனமுற்ற ஒரு பிச்சைக்காரராக நடித்துள்ளார் நடிகர் கவின். ‘Bloody Beggar’ படத்தின் டீசர் வெளியாகி வரவேற்பை பெற்றுவருகிறது. நகைச்சுவையான, ஒருவித dark comedy படமாக தெரியும் படத்தில் ஒரு பாடலும் வெளியாகியிருப்பது குறிப்பிடத்தக்கது.
Retro ஸ்டைலில் வெளியான ‘நான் யார்’ பாடல் – கவின் நடிக்கும் ‘Bloody Beggar’!
‘Bloody Beggar’ என்ற தலைப்பு முதல் கதாபாத்திர அறிமுக வீடியோ என இப்படத்தின் தயாரிப்பாளராக நெல்சன் திலீப்குமார், தன்னுடைய படத்தை போல இதை படத்திலும் ஆதரவு தந்துள்ளதாக சமீபத்தில் ஒரு நேர்காணலில் இயக்குனர் சிவபாலன் முத்துக்குமார் மற்றும் நடிகர் கவின் தெரிவித்தனர்.
இந்த படம் அக்டோபர் 31 தீபாவளிக்கு வெளியாகிறது. முதல் நுரையாக நடிகர் கவின் உடைய படம் ஒன்று தீபாவளிக்கு வெளியாவதும், 2024 தீபாவளிக்கு சிவகார்த்திகேயன் நடிக்கும் அமரன் மற்றும் ஜெயம் ரவி நடிக்கும் ‘Brother’ ஆகிய பெரிய ஹீரோக்களின் படங்களும் வெளியாகிறது. முதல் படத்தையே இப்படியான போட்டிக்கு மத்தியில் வெளியிடுவதால் ‘Bloody Beggar’ படத்துக்கான எதிர்பார்ப்பு அதிகமாகியுள்ளது.
Don't miss out on the Latest Updates! Join our official WhatsApp channel and follow us on, YouTube, Instagram, Facebook, and Twitter for Breaking News. Send your press releases to: [email protected]