Home Cinema News கவின் நடிக்கும் ‘Bloody Beggar’ கதை என்ன? வெளியானது டிரைலர்! 

கவின் நடிக்கும் ‘Bloody Beggar’ கதை என்ன? வெளியானது டிரைலர்! 

தமிழ் சினிமாவில் வளர்ந்து வரும் ஹீரோவான கவின், தன்னுடைய திறமையை வித்தியாசமாக வெளிக்காட்டி நடித்துள்ள 'Bloody Beggar' படத்தின் ட்ரைலர் வெளியானது. 

by Vinodhini Kumar

தமிழ் சினிமாவில் ‘Dark Comedy’ வகை படங்களால் தனக்கென ஒரு ஸ்டைலை உருவாகியுள்ளனர் இயக்குனர் நெல்சன் திலீப்குமார். இவருடன் துணை இயக்குனராக பணியாற்றிய சிவபாலன் முத்துக்குமரன் மற்றும் நடிகர் கவின் இணைந்து உருவாகியுள்ள படம் தான் ‘Bloody Beggar‘. 

நெல்சன் திலீப்குமார் உடைய முதல் தயாரிப்பில் உருவாகியுள்ள இப்படத்திற்காக முழுமையாக தன்னுடைய ‘Chocolate Boy’ தோற்றத்தை மாற்றி ஒரு பிச்சைக்காரராக உருவெடுத்துள்ளார் நடிகர் கவின். பிச்சை எடுக்க தினமும் வித விதமாக வேடம் போட்டு ஊரை ஏமாற்றும் கவின், ஒரு நாள் திடீரென ஒரு முடிவு எடுக்க, அதனால் நடக்கும் சம்பவங்கள் தான் ‘Bloody Beggar’ படத்தின் கதை. 

இப்படத்தில் கவின் ஏற்கும் கதாபாத்திரம் பற்றிய அறிமுக வீடியோ, முதல் போஸ்டர், ‘நான் யார்’ பாடல் என அனைத்தும் வித்தியாசமாக அமைய, இப்போது வெளியாகியுள்ள ட்ரைலர் கூட நகைச்சுவையாக அமைந்துள்ளது. இயல்பாக தனக்கு கிடைக்கும் பணத்தை வைத்து எந்தவித எதிர்பார்ப்புகளும் இல்லாமல் இருக்கும் ஒருவர், திடீரென ஒரு ஆசை பிறக்க, அதை நோக்கி செல்கிறார். அங்கு அவர் சந்திக்கும் மனிதர்கள், பிரச்சனைகள் ஆகியவை படத்தை நகர்த்துகிறது. 

Bloody Beggar star Kavin

இந்த படத்தில் நடிகர் கவின், ரெட்டின் கிங்ஸ்லி அவர்களை தவிர யார் நடிக்கிறார்கள் என்று எதுவும் அறிவிக்கப்படாத நிலையில், இந்த ட்ரைலர் வழியாக படக்குழுவினர் அறிமுகமாகிறார்கள். சில பல படங்களில் நடித்துள்ள துணை நடிகர்களான மாருதி பிரகாஷ்ராஜ், சுனில் சுக்கடா, T M கார்த்திக், பதம் வேணு குமார், அர்ஷத் பிரியதர்ஷினி ராஜ்குமார், அக்ஷய ஹரிஹரன் மற்றும் பலர் நடித்துள்ளனர். 

Retro ஸ்டைலில் வெளியான ‘நான் யார்’ பாடல் – கவின் நடிக்கும் ‘Bloody Beggar’!

இந்த படத்துக்கு இளம் இசையமைப்பாளர் ஜென் மார்ட்டின் இசையமைக்க, சுஜித் சாரங் ஒளிப்பதிவு செய்துள்ளார். நடிகர் கவின் நடிக்கும் படம் மட்டுமல்லாமல் ஒரு புது இயக்குனர் சிவபாலன் முத்துக்குமரன் படமும் முதல் நுரையாக தீபாவளிக்கு வெளியாகிறது குறிப்பிடத்தக்கது. 

Don't miss out on the Latest Updates! Join our official WhatsApp channel and follow us on, YouTube, Instagram, Facebook, and Twitter for Breaking News. Send your press releases to: [email protected]

You may also like

Follow Us

Subscribe

Get the latest Tamil cinema news in Tamil on Kollywood Glam. From celebrity news to actor and actress photos, videos, updates, தமிழ் சினிமா செய்திகள் and more.

©2025 Kollywood Glam, Media News Company.

All Right Reserved.