23 ஆண்டுகள் இந்திய சினிமாவில் தனக்கான இடத்தை தனது விடா முயற்சியால் உருவாக்கிக்கொண்ட பன்முக கலைஞர் நடிகர் Dhanush. சினிமா மீது எந்த ஒரு விருப்பம் இல்லாமல் 2002 ஆம் ஆண்டு ‘துள்ளுவதோ இளமை’ படத்தின் மூலம் நாயகனாக தமிழ் ரசிகர்களுக்கு அறிமுகமானவர். ஆனால் வெற்றியும் வாழ்த்துக்களும் முதல் முயற்சியில் அவருக்கு அள்ளிக் கொடுக்கவில்லை. அவரின் தோற்றம் வைத்து பல ஆண்டுகளாக ஏன் இன்றும் கூட சில பேர் உருவ கேலி செய்வதுண்டு.
அதை பொருட்படுத்தாமல் தனது பயணம் இனி சினிமாதான் என்று முடிவு செய்து எடுத்து வைத்த ஒவ்வொரு அடியும் அவரின் வெற்றியின் மைல் கல்லாக மாறியது. ஒரு நடிகர் ஆக அறிமுகம் ஆகி பாடகர், பாடலாசிரியர், இயக்குனர், தயாரிப்பாளர் என்று தன்னைத்தானே செதுக்கிக் கொண்டார். மேலும் அவரின் வசீகரிக்கும் நடிப்பாற்றல் தமிழ் படத்தோடு நின்றுவிடவில்லை, தெலுங்கு, ஹிந்தி, ஆங்கிலம் வரை பரவி தற்போது அவர் சர்வதேச நடிகராக வலம் வருகிறார்.
அதனால் சினிமா ரசிகர்கள் கவனம் இவர் நடிப்பில் 2025 ஆம் ஆண்டு வெளியாகவிருக்கும் படங்களின் மீது படர்ந்துள்ளது. அவற்றின் முழு விவரங்கள் காண்போம்.
2025 ல் வெளியாக உள்ள Dhanush திரைப்படங்கள்
1.இட்லி கடை
நடிகர் Dhanush இயக்கி நடிக்கும் அடுத்த படம் ‘இட்லி கடை’. இந்த படத்தின் கதை பெரிதாக புலப்படவில்லை என்றாலும் ஆக்ஷன் காதல் கலந்த ட்ராமா திரைப்படமாக இருக்கும் என்று எதிர்பார்க்கப்படுகிறது.
- நடிகர்கள் – தனுஷ், அருண் விஜய், நித்யா மேனன், ராஜ்கிரண், பிரகாஷ் ராஜ்
- இயக்குனர் – தனுஷ்
- வெளியாகும் நாள் – 10 ஏப்ரல் 2025
- மொழி – தமிழ்
2.குபேரா
தெலுங்கில் மிகச் சிறந்த படைப்புக்களை வழங்கி வரும் முன்னணி இயக்குனர் சேகர் கம்முலா உடன் முதன் முறையாக கூட்டணி அமைத்துள்ளார். மேலும் குபேரா படம் இந்த உலகையே ஆட்டிப்படைக்கும் பணத்தை மையமாக உருவாக்கப்பட்டுள்ளது. இந்த படத்தின் வாயிலாக தெலுங்கு மொழியில் நேரடியாக நடிகர் Dhanush நடிக்கும் முதல் படம் இதுவாகும்.
- நடிகர்கள் – தனுஷ், நாகார்ஜுனா, ராஷ்மிகா மந்தனா
- இயக்குனர் – சேகர் கம்முலா
- வெளியாகும் நாள் – 20 ஜூன் 2025
- மொழி – தெலுங்கு/தமிழ்
Read More: தனுஷ் இயக்கத்தில் வெளியாகியுள்ள ‘நிலவுக்கு என்மேல் என்னடி கோபம்’ திரை விமர்சனம்
3.தேரே இஷ்க் மே
ஹிந்தியில் நடிகர் Dhanush-ஐ அறிமுகம் செய்த இயக்குனருடன் மீண்டும் இணைந்துள்ளார். இந்த படம் ரொமான்டிக் டிராமாவாக உருவாகி வருகிறது. ‘ராஞ்சனா’, ‘அத்ரங்கி ரே’ என இவர்கள் கூட்டணியில் வெளியான படங்களை ரசிகர்கள் கொண்டாடிய நிலையில் இந்த படம் அவர்களுக்கு ஹாட்ரிக் வெற்றியை அளிக்கும் என நம்பப்படுகிறது.
- நடிகர்கள் – தனுஷ், கிருத்தி சானோன்
- இயக்குனர் – ஆனந்த் L.ராய்
- வெளியாகும் நாள் – TBA
- மொழி – ஹிந்தி
4.இளையராஜா
இந்திய சினிமாவில் இனி இவரை போல் ஒரு இசை கலைஞன் உருவாக வாய்ப்பில்லை என்று கூறும் ஒரே நபர் ‘மேஸ்ட்ரோ இளையராஜா’ அவர்களை தான். அவரின் வாழ்க்கை வரலாற்றில் இளையராஜாவாக நடிக்கிறார் தனுஷ். பயோகிராபி திரைப்படத்தில் தனுஷின் அசுர நடிப்பை காண ரசிகர்கள் ஆவலுடன் உள்ளனர்.
- நடிகர்கள் – தனுஷ்
- இயக்குனர் – அருண் மாதேஸ்வரன்
- வெளியாகும் நாள் – TBA
- மொழி – தமிழ்
5.D55
கோபுரம் பிலிம்ஸ் தயாரிப்பு நிறுவனம் தங்களது 7-வது தயாரிப்பு படமும், நடிகர் தனுஷின் 55-வது படமும் ஆன “D-55” குறித்த அறிவிப்பை புகைப்படங்களுடன் வெளியிட்டனர். ‘அமரன்’ படத்தை இயக்கிய ராஜ்குமார் இந்த படத்தை இயக்குகிறார்.
- நடிகர்கள் – தனுஷ்
- இயக்குநர் – ராஜ்குமார் பெரியசாமி
- வெளியாகும் நாள் – TBA
- மொழி – தமிழ்
Don't miss out on the Latest Updates! Join our official WhatsApp channel and follow us on, YouTube, Instagram, Facebook, and Twitter for Breaking News. Send your press releases to: [email protected]
