‘Love Today’ படத்தின் மூலம் கதாநாயகனாக களமிறங்கிய பிரதீப் ரங்கநாதன், கதாநாயகனாக நடித்துள்ள ஒரு அசத்தலான திரைப்படம்தான் ‘Dragon’. இப்படத்தை ‘ஓ மை கடவுளே’ படத்தை இயக்கி ரசிகர்கள் மத்தியில் நீங்கா இடம் பெற்ற இயக்குனர் அஸ்வந்த் மாரிமுத்து இயக்கியுள்ளார். பிப்ரவரி 21 ம் தேதி இந்தியாவில் வெளியாகி ரசிகர்களிடையில் அதிக வரவேற்பை பெற்று திரையரங்குகளில் வெற்றிகரமாக ஓடிக்கொண்டிருக்கும் இப்படம் அதன் வெற்றியை தொடர்ந்து தற்போது நியூசிலாந்திலும் வெளியாகவுள்ளது.
இப்படத்தில் கே.எஸ். ரவிகுமார், கவுதம் வாசுதேவ் மேனன், மிஷ்கின், வி.ஜே. சித்து, ஹர்ஷத் கான், அனுபமா பரமேஸ்வரன், கயாது லோஹார், மரியம் ஜார்ஜ், இந்துமதி மணிகண்டன், தேனப்பன் போன்ற பல நடிகர்கள் நடித்து இப்படத்திற்கு வெற்றி கொடுத்துள்ளார். லியோன் ஜேம்ஸ் இப்படத்திற்கு இசையமைத்துள்ளார்.
‘Dragon’ படத்தின் மாபெரும் வெற்றிக்கு காரணம் இப்படத்தின் நகைச்சுவை நிறைந்த கருத்துள்ள கதையும், கதைக்கு ஏற்ப நேர்த்தியாக நடித்திருக்கும் கதாபாத்திரங்களுமே ஆகும். தன்னுடைய வாழக்கைக்காக எதையும் செய்ய துணியலாம் என்றும், அதே சமயம் தன்னுடைய வாழ்க்கைக்காக மற்றவர்களின் வாழ்க்கையை கெடுக்க கூடாது என்றும் ஒரு சிறப்பான கருத்தை நகைச்சுவை கலந்த உணர்வுகளோடு வெளிப்படுத்துவதாலும், காதல், காதல் தோல்வி என இக்காலத்து இளைஞர்கள் சந்திக்கும் அனைத்து பிரச்சனைகளையும் எடுத்துக்காட்டுவதாலும் இந்த படம் அனைவரின் மனதையும் தொடும் அளவிற்கு தற்போது பிரபலமாகியுள்ளது.
நியூசிலாந்தில் ‘Dragon’ திரைப்படம் வெளியீட்டு தேதி
இந்தியாவில் அனைவரின் மனதை கொள்ளைக் கொள்ளும் அளவிற்கு வெற்றிகரமாக வெளியாகி ஓடிக்கொண்டிருக்கும் Dragon திரைப்படம் நியூசிலாந்தில் வரும் பிப்ரவரி 27 ம் தேதி திரையரங்குகளில் வெளியாகவுள்ளது.
Don't miss out on the Latest Updates! Join our official WhatsApp channel and follow us on, YouTube, Instagram, Facebook, and Twitter for Breaking News. Send your press releases to: [email protected]
