தொலைக்காட்சியில் தொகுப்பாளராக தொடங்கி “Black Sheep” என்ற YouTube சேனலில் சிலகாலம் இருந்து பல நகைச்சுவை காணொளிகள், prank காணொளிகள் மூலம் இளைஞர்கள் மத்தியில் பிரபலம் அடைந்தார் Vj சித்து அவர்கள். அதே Black Sheep காணொளியில் பணியாற்றினார் ஹர்ஷத் கான். சித்து மற்றும் ஹர்ஷத் காம்போ மிகப்பெரிய வரவேற்பை பெற்று வந்த நிலையில் 2023 ஆம் ஆண்டு “Vj Siddhu Vlogs” என்ற தனது புது YouTube சேனலை தொடங்கினார் சித்து.
ஹர்ஷத் கான், சேட்டை ஷெரீப் என தனது நண்பர்களுடன் அடிக்கும் அரட்டை, பார்ப்பவர்களை எந்த வகையிலும் புண்படுத்தாத நகைச்சுவை, நண்பர்களுடன் செல்லும் பயணங்கள், என ஒவ்வொன்றையும் சீரிஸ் ஆக வெளியிட்டு ஒரு வருடத்தில் 3.57 மில்லியன் subscribers-ஐ சம்பாரித்து மக்கள் மனதில் நீங்கா இடத்தை பெற்றுள்ளனர்.
“மொட்டை மாடி பார்ட்டி” என்ற தலைப்பில் தங்களின் படங்களை promote செய்வதற்காக Vj சித்து காணொளியில் RJ பாலாஜி, ஹிப்ஹாப் ஆதி, கவின், யோகி பாபு, கவுதம் வாசுதேவ் மேனன், ஜி.வி.பிரகாஷ், மற்றும் மணிகண்டன் என பல பிரபலங்கள் பங்கேற்றுள்ளனர்.
‘Love Today’ பிரபல பிரதீப் ரங்கநாதன் – அஸ்வத் மாரிமுத்து கூட்டணியில் ‘Dragon’!
“Dragon”-ல் சித்து மற்றும் ஹர்ஷத்
“Positivity”-ஐ தனது நகைச்சுவை மிகுந்த காணொளிகளில் மக்களுக்கு அளிக்கும் சித்து மற்றும் அவரது நண்பர் ஹர்ஷத் கானுக்கு, அவர்களின் சினிமா கனவுகள் நிறைவேற இந்த தளம் பெரிதும் உதவியிருக்கிறது என்றே கூறலாம்.
தற்போது நடிகர் பிரதீப் ரங்கநாதன் நடிக்கும் “Dragon” படத்தின் புதிய போஸ்டரில் Vj சித்து மற்றும் ஹர்ஷத் கான் இடம்பெற்றுள்ளனர்.
2020-ல் வெளியான ரொமான்டிக் காமெடி படமான “ஓ மை கடவுளே” பட இயக்குனர் அஸ்வத் மாரிமுத்து இயக்கும் இரண்டாவது படமான “Dragon”-ல் Vj சித்து மற்றும் ஹர்ஷத் கான் “அன்பு” மற்றும் “வெற்றி” என்ற முக்கிய கதாபாத்திரத்தில் நடித்துள்ளனர். புதிதாக வெளியான இந்த போஸ்டர் சித்து மற்றும் ஹர்ஷத் ரசிகர்களுக்கு பெரும் மகிழ்ச்சியை அளித்துள்ளது அதனை வெளிப்படுத்தும் விதமாக சமூக வலைத்தளங்களில் பகிர்ந்து தெரிவிக்கின்றனர்.
இயக்குனர் அஸ்வத் மாரிமுத்து தனது இன்ஸ்டாகிராம் பக்கத்தில் இருவரையும் மனநிறைவுடன் பாராட்டி பதிவிட்டுள்ளார்.
“உங்கள் YouTube சேனல் Vj Siddhu Vlogs மூலம் மக்களை அவர்களின் மறந்து சிரிக்க வைத்துள்ளீர்கள்…. பிரதீப் ரங்கநாதனுடன் இணைந்து நமது படமான “Dragon”-ல் நீங்கள் செய்த அரட்டைகளை இந்த உலகத்திற்கு வெளிக்காட்ட ஆவலுடன் காத்து கொண்டு இருக்கிறேன்” என்று கூறியுள்ளார்.
ஏற்கனவே இந்த படத்தின் நாயகியாக நடிகை கயது லோஹரை “பல்லவி” என்ற கதாபாத்திரமாக படக்குழு அறிமுகப்படுத்தியது என்பது குறிப்பிடத்தக்கது.
Don't miss out on the Latest Updates! Join our official WhatsApp channel and follow us on, YouTube, Instagram, Facebook, and Twitter for Breaking News. Send your press releases to: pressrelease@southmoviez.com
