2024ல் இயக்குனர் ஷங்கர் இயக்கத்தில் வெளியான ‘இந்தியன் 2’ படத்தின் தோல்விக்கு பிறகு தெலுங்கு நடிகர் ராம் சரணை கதாநாயகனாக வைத்து அவர் இயக்கியுள்ள படம் ‘Game Changer’. அரசியல் பின்ணனியில் சமுதாயத்தில் நாடாகும் சீர்கேடுகளை எதிர்த்து போராடும் கதைகளை இயக்குனர் ஷங்கர் வழக்கமாக வைத்திருப்பது அனைவரும் அறிந்ததே.
‘Game Changer‘ படத்தின் டீசரில் நடிகர் ராம் சரண் பலவிதமான வேடங்களில் வர, அவர் UPSC தேர்வுக்கு பயிற்சி பெரும் வகையிலான காட்சிகளும் டீசரில் காட்டப்பட்டது. இந்த படத்தில் ராம் சரணுக்கு ஜோடியாக நடிகை கியாரா அத்வானி நடிக்கிறார். இவர்கள் இருவரும் இதற்கு முன் 2019 ‘வினய வித்ய ராமா’ என்ற படத்தில் நடித்தனர்.
டீசரில் கியாரா அத்வானியின் காட்சிகள் குறைவாகவே இருந்தது. இப்படத்தில் வில்லனாக நடிகர் எஸ். ஜெ. சூர்யா நடிக்கிறார், உடன் நடிகர்கள் ஸ்ரீகாந்த், சமுத்திரக்கனி, அஞ்சலி, சுனில் ஆகியோர் நடிக்கிறார்கள். 1 நிமிடம் 31 வினாடிகளில் பிரமாண்டமான செட்களும், அதிரடியான சண்டை காட்சிகளும் மிகுதியாக இருக்க, இப்படத்தில் ஆக்ஷனுக்கு குறைவிருக்காது என தெரிகிறது.
ஷங்கர் இயக்கத்தில் Ram Charan நடிக்கும் ‘Game Changer’- பாடல் வெளியானது!
பிரம்மாண்டமாக தன்னுடைய படங்களை எடுக்கும் இயக்குனர் ஷங்கர் இந்த படத்தில் மீண்டும் தன்னுடைய வெற்றி வேட்டையை தொடங்குவாரா என பார்க்க ரசிகர்கள் ஆர்வம் காட்டிவருகிறார்கள். இந்த படம் 2025 பொங்கல் பண்டிகைக்கு வெளியாகவுள்ளது.
Don't miss out on the Latest Updates! Join our official WhatsApp channel and follow us on, YouTube, Instagram, Facebook, and Twitter for Breaking News. Send your press releases to: [email protected]