தனது 50-வது படத்தை இயக்கி நடித்து அதன் பின் வெளியாகி தற்போது வரை ‘ராயனாக’ ரசிகர்கள் மத்தியில் வளம் வருகிறார் நடிகர் தனுஷ். தனது 52-வது படத்தையும் தானே இயக்கவுள்ளதாக அறிவித்து தலைப்பை “இட்லி கடை” என்று செப்டம்பர் மாதம் முதல் போஸ்ட்டரை வெளியிட்டார். ‘திருச்சிற்றம்பலம்’ படத்தில் மக்களால் கொண்டாடப்பட்ட கதாபாத்திரமான “ஷோபனா”-வாக நடித்த நடிகை நித்யா மேனன் இந்த படத்தில் இணைந்ததை புகைப்படத்தின் மூலம் அனைவருக்கும் அறிவித்தனர்.
‘இட்லி கடை’ – திறப்பு நாள்
#idlikadai release announcement pic.twitter.com/iNKNmfridz
— Dhanush (@dhanushkraja) November 8, 2024
இன்று காலை 11 மணிக்கு “Idli Kadai” திரைப்படம் வெளியிட்டு தேதி போஸ்டர் வெளியானது. தனுஷ் இயக்கத்தில் வெளியாகும் நான்காவது படமான ‘இட்லி கடை’ 2025 ஆம் ஆண்டு ஏப்ரல் 10 தேதி வெளியாகிறது. இந்த கடைக்கு “சிவனேசன் இட்லி கடை” என்ற பெயரும் இந்த போஸ்டரில் தெரியவருகிறது. தனுஷ் மற்றும் ஜி.வி.பிரகாஷ் கூட்டணியில் வெளியாகும் எட்டாவது திரைப்படம் ஆகும்.
ராஜ்குமார் பெரியசாமியின் “D-55”
இந்த அடக்க முடியாத ஆனந்தம் ரசிகர்கள் மத்தியில் ஓய்வதற்குள் கோபுரம் பிலிம்ஸ் தயாரிப்பு நிறுவனம் தங்களது 7-வது தயாரிப்பு படமும், நடிகர் தனுஷின் 55-வது படமும் ஆன “D-55” குறித்த அறிவிப்பை புகைப்படங்களுடன் வெளியிட்டனர். தீபாவளிக்கு வெளியாகி தற்போது திரையரங்கில் வெற்றி நடை போட்டுக் கொண்டிருக்கும் “அமரன்” திரைப்படத்தின் இயக்குநர் ராஜ்குமார் பெரியசாமி இந்த படத்தை இயக்குகிறார்.
#D55ByGopuramFilms 🔥
— Gopuram Films (@gopuramfilms) November 8, 2024
Happy & excited to announce that #GopuramFilmsProductionNo7 is #D55 ❤️
Updates parakuthaa.. Next photo set dropping soon#GNAnbuchezhian @dhanushkraja @Rajkumar_KP @Sushmitaanbu #Vetrimaaran @Gopuramfilms @Gopuram_Cinemas @TeamaimPR @thetabsofficial… pic.twitter.com/RnlgtiZKPn
தனுஷ் மற்றும் இயக்குனர் ராஜ்குமாரின் புத்தம் புதிய காம்பினேஷன் ரசிகர்களுக்குள் மிகுந்த எதிர்பார்ப்பை ஏற்படுத்தியுள்ளது.
இந்த பூஜையில் இயக்குனர் வெற்றிமாறன், நடிகர் தனுஷ், இயக்குநர் ராஜ்குமார் பெரியசாமி, தயாரிப்பாளர் சுஷ்மிதா அன்புச்செழியன் ஆகியோர் கலந்து கொண்டனர். இந்த படத்தில் நடிக்கும் மற்ற நடிகர்கள் குறித்த அப்டேட் மிக விரைவில் வெளியாகும் என அறியப்படுகிறது.
