January 2025 முதல் வாரத்தில் இருந்து திரைப்படங்கள் மற்றும் வெப் தொடர்கள் தமிழ் மற்றும் தமிழ் டப்பிங் செய்யப்பட்டு வெளியான வண்ணம் இருக்கின்றன. இதையடுத்து இந்த மாதம் முழுவதும் சினிமா ரசிகர்களுக்கு மிகவும் பிடித்தமான மாதமாக அமையும் என்றே கூறலாம். சென்ற வருடம் திரையரங்கில் வெளியான திரைப்படங்கள் தற்போது ஒவ்வொன்றாக ஓடிடி தளங்களுக்கு வருகை தரவுள்ளது.
ஓடிடியில் வெளியாக உள்ள படங்கள்
1.சூக்ஷ்மதர்ஷினி
மலையாள மொழியில் வெளியான இந்த திரைப்படம் திரில்லர் மற்றும் பிளாக் காமெடி பாணியில் உருவாக்கப்பட்டுள்ளது. திருமணத்திற்கு பிறகு படங்களை தேர்ந்து எடுத்து நடித்து வரும் நடிகை நஸ்ரியா கரியரில் சிறப்பான படம் என்றே பல விமர்சகர்கள் கூறினர். பக்கத்து வீட்டில் மானுவேல் என்ற புது நபர் குடிவந்த பிறகு அவரின் சந்தேகத்திற்குரிய நடவடிக்கை, அவன் வீட்டின் அருகில் இருக்கும் பிரியாவின் வாழ்க்கையில் என்ன செய்கிறது என்பதே கதை. இந்த படம் தமிழில் டப்பிங் செய்யப்பட்டு வெளியாகவுள்ளது.
வெளியாகும் நாள் – ஜனவரி 11, 2025
ஓடிடி தளம் – Disney+Hotstar
2.பேமிலி படம்
திரைப்படங்களை கண்டு மகிழ்ச்சியுறும் நடுத்தர வர்க்கத்தில் பிறந்த கதாநாயகன் இயக்குனர் ஆக வேண்டும் என்ற கனவோடு நகரத்தை வலம் வர அவனின் கனவை நிறைவேற்ற மொத்த குடும்பமும் ஒரு படத்தை தயாரிக்க முடிவு செய்து போராடுகிறது. அந்த போராட்டத்தில் நிகழும் சுவாரஸ்யங்களே “பேமிலி படம்”.
வெளியாகும் நாள் – ஜனவரி 15, 2025
ஓடிடி தளம் – ஆஹா தமிழ்
3.Once Upon a Time in Madras
சென்ற ஆண்டு இறுதியில் வெளியான சிறந்த திரில்லர் திரைப்படங்களுள் ஒன்று தான் “Once Upon a Time in Madras”. ஒரு சம்பவத்தால் ஏற்படும் பாதிப்பு படத்தில் நான்கு வெவ்வேறு கோணங்களில் பயணித்து வரும் கதாபாத்திரங்களை எவ்வாறு பாதிக்கிறது அதன் பின்னணி என்ன என்ற கதையை மக்களின் ஆர்வத்தை தூண்டும் வகையில் இயக்கியுள்ளார் அறிமுக இயக்குனர் பிரசாத் முருகன்.
வெளியாகும் நாள் – ஜனவரி 17, 2025
ஓடிடி தளம் – ஆஹா தமிழ்
4.சூது கவ்வும் 2: நாடும் நாட்டு மக்களும்
இதற்கு முன் வெளியான மாபெரும் வெற்றிப் படத்தின் இரண்டாம் பாகமான சூது கவ்வும் 2 அதன் prequel என்று அறிவிக்கப்பட்டு வெளியானது. தற்போது இந்த திரைப்படம் விரைவில் வெளியாக உள்ளது.
வெளியாகும் நாள் – TBA
ஓடிடி தளம் – ஆஹா தமிழ்
5.திரு.மாணிக்கம்
சமுத்திரக்கனியின் யதார்த்தமான இயல்பான நடிப்பில் வெளியான படம் “திரு.மாணிக்கம்”. இந்த திரைப்படம் ஒரு மனிதன் தனது வாழ்க்கையில் எதிர்கொள்ளும் பலவிதமான உணர்ச்சிகளின் கலவையாக அமைந்துள்ளது.
வெளியாகும் நாள் – ஜனவரி 31, 2025
ஓடிடி தளம் – Zee5
ஓடிடியில் இந்த வாரம் வெளியான திரைப்படங்கள்
படம் | வெளியான நாள் | ஓடிடி பெயர் |
ஆரகன் | ஜனவரி 3, 2025 | ஆஹா தமிழ் |
திரும்பிப்பார் | ஜனவரி 3, 2025 | Simply South |
வேற மாறி ட்ரிப் (வெப் தொடர்) | ஜனவரி 9, 2025 | ஆஹா தமிழ் |
அதோமுகம் | ஜனவரி 10, 2025 | ஆஹா தமிழ் |
Miss You | ஜனவரி 10, 2025 | Amazon Prime Video |
Don't miss out on the Latest Updates! Join our official WhatsApp channel and follow us on, YouTube, Instagram, Facebook, and Twitter for Breaking News. Send your press releases to: [email protected]