சிவா மற்றும் சூர்யா கூட்டணியில் மிக பிரம்மாண்டமாக உருவாகியுள்ள கங்குவா படம் வரும் நவம்பர் 14 -ல் ரிலீஸ் ஆகவுள்ளது. பல எதிர்பார்ப்பிற்கு மத்தியில் Pan India படமாக தமிழ், தெலுங்கு, மலையாளம், ஹிந்தி, கன்னடம் உள்ளிட்ட 10 மொழிகளில் உலகம் முழுவதும் வெளியாகவுள்ளது.
3D தொழிநுட்பத்தில் உருவாகியுள்ள கங்குவா படத்தை ஸ்டுடியோ கிரீன் நிறுவனம் தயாரித்துள்ளது. விவேகா வரியில் தேவி ஸ்ரீ பிரசாத் இசையில் Fire song, yolo ஆகிய பாடல்கள் வெளியானது. வெற்றி பழனிசாமி ஒளிப்பதிவில், மதன் கார்க்கி படத்திற்கு வசனம் எழுதியுள்ளார்.
ஷூட்டிங் முடிவடைந்து ரிலீஸ்க்கு தயாராகியுள்ள கங்குவா படத்தின் ப்ரோமோஷன் பணிகளுக்காக மும்பை, டெல்லி, ஐதராபாத் போன்ற பகுதிகளுக்கு படக்குழுவினர் சென்று படத்தை ப்ரொமோட் செய்து வருகின்றனர்.
படத்தின் இசை வெளியீட்டு விழா சென்னையில் சமீபத்தில் நடைபெற்றது. தற்போது கங்குவா படத்தின் “தலைவனே என் தலைவனே” பாடல் வெளியாகியுள்ளது.
மதன் கார்க்கி வரியில் உருவான இந்த பாடல் முழுவதும் ஒரு இனத்தின் மக்கள் ஒரு தலைவனை போற்றும்படியாக இருந்தது. பாடலில் இடம் பெற்ற கிராபிக்ஸ் காட்சிகள் ரசிக்கும்படியாக இருந்தது.
கங்குவா மற்றும் பிரான்சிஸ் தியோடர் என சூர்யா இரண்டு கேரக்டரில் நடிக்கவுள்ளார். இதற்கு முன்பு வேல், மாற்றான், வாரணம் ஆயிரம், பேரழகன், மாசு என்கிற மாசிலாமணி போன்ற படங்களில் இரட்டை வேடத்தில் நடித்திருந்தார்.
படம் வெளியாவதற்கு முன்பே பாடல்கள், சூர்யாவின் கெட்டப் போன்றவை படத்தின் எதிர்பார்ப்பை அதிகரிக்க செய்துள்ளது.
