‘மீசைய முறுக்கு’ படத்தில் நடிகர் ஹிப் ஹாப் ஆதியின் தம்பியாக நடித்தவர் நடிகர் ஆனந்த். இவர் இயக்குனராக அறிமுகமாகும் படம் ‘நண்பன் ஒருவன் வந்தபிறகு‘. இந்த படத்தை சக்தி ஃபில்ம் ஃபேக்டரி நிறுவனம் தயாரித்துள்ளது.
இந்த ‘நண்பன் ஒருவன் வந்தபிறகு’ படத்தில் நாம் அனைவருக்கும் தெரிந்த யூடியூப் சேனல் influencers மற்றும் தொகுப்பாளர்கள் தான் நடித்துள்ளனர். அதாவது தற்போதைய சூழலுக்கு பிரபலமாக பேசப்படும் முகங்கள் யூடியூபர் இர்ஃபான், வில்லியம் பேட்ரிக் என்ற வில்ஸ் பேட், தொகுப்பாளர் விஜய், KPY பாலா, இளம் நடிகர்கள் மோனிகா, தேவ், ராஜேஷ், ஃபென்னி, தொகுப்பாளர் ஆனந்தி, சபரிஷ் ராமச்சந்திரன் என பிரபலமாக உள்ள பலரை இந்த படத்தில் இணைத்துள்ளார் இயக்குனர். இந்த படத்தில் முக்கிய வேடத்தில் நடிகை பவானி ஸ்ரீ நடிக்கிறார். இந்த படத்துக்கு ‘காற்றின் மொழி’, ‘பேச்சலர்’ படங்களுக்கு இசையமைத்த காஷிஃப் இசையமைத்துள்ளார்.
ஏற்கனவே ‘நண்பன் ஒருவன் வந்தபிறகு’ படத்தில் மூன்று பாடல்கள் வெளியாகியுள்ளது. ஹிப் ஹாப் ஆதி, நடிகர் தனுஷ் மற்றும் யுவன் சங்கர் ராஜா குரலில் இந்த பாடல்கள் வெளியாகியது. ஆகஸ்ட் மாதம் 2ம் தேதி படம் வெளியாக உள்ளது குறிப்பிடத்தக்கது.
Don't miss out on the Latest Updates! Join our official WhatsApp channel and follow us on, YouTube, Instagram, Facebook, and Twitter for Breaking News. Send your press releases to: [email protected]
