Home Cinema News ‘லேடி சூப்பர் ஸ்டார்’ பட்டம் வேண்டாம் என அறிவித்த நடிகை நயன்தாரா!

‘லேடி சூப்பர் ஸ்டார்’ பட்டம் வேண்டாம் என அறிவித்த நடிகை நயன்தாரா!

நடிகர் அஜித் மற்றும் கமல்ஹாசன் பாணியில் தனது பெயருக்கு முன்னாள் புனைபெயரை வைத்து அழைக்க வேண்டாம் என்று நடிகை நயன்தாரா ரசிகர்களிடமும், திரையுலக பிரமுகர்களிடமும் வேண்டுகோள் விடுத்துள்ளார்.

by M Abinaya

தமிழ் சினிமாவில் சூப்பர் ஸ்டார் ரஜினிகாந்த், உலகநாயகன் கமல்ஹாசன், தளபதி விஜய் போன்ற பல நடிகர்களுக்கு தங்களது பெயர்களுக்கு முன்னாள் அவர்களின் நடிப்புத் திறமைக்கேற்ப ஒரு புனைபெயர் பட்டமாக வழங்கப்பட்டுள்ளது. 

அதைப் போல், நடிகைகள் தமிழ் சினிமாவில் ஜொலித்தாலும், ரசிகர்களுக்கிடையில் பெரும் வரவேற்பு பெற்றாலும், அதிகளவில் நடிகைகளுக்கு இப்படி புனைபெயர்கள் வழங்கப்படவில்லை. இதை மாற்றியமைத்து, தனது நடிப்புத் திறமையால் தமிழ் சினிமாவில் அனைவராலும் லேடி சூப்பர்ஸ்டார் என அன்புடன் அழைக்கப்பெற்றவர் நடிகை நயன்தாரா.

லேடி சூப்பர்ஸ்டார் Nayanthara நடிப்பில் வெள்ளித்திரையில் வரவிருக்கும் திரைப்படங்கள்!

நடிகர் சரத்குமாரருக்கு ஜோடியாக ‘ஐயா’ படத்தின் மூலம் தமிழ் திரையுலகில் அறிமுகமான நடிகர் நயன்தாரா அடுத்த படத்திலையே சூப்பர் ஸ்டாருடன் இணைந்து ‘சந்திரமுகி’ படத்தில் நடித்தார். அதன் பின், ‘பில்லா’, ‘ராஜா ராணி’ போன்ற வெற்றி படங்களிலும், ‘அறம்’, ‘நெற்றிக்கண்’, ‘இமைக்கா நொடிகள்’ போன்ற படங்களில் முன்னணி கதாபாத்திரங்களிலும் நடித்து, தனக்கென தனி ரசிகர்கள் கூட்டத்தையே வைத்திருக்கிறார். 

இப்படித் தனது நடிப்புத் திறமையால், ரசிகர்கள் மத்தியில் ‘லேடி சூப்பர் ஸ்டார்’ என பெயர் பெற்ற நடிகை நயன்தாரா, ரசிகர்களிடம் “என் பெயர்தான் எனக்கு மிகவும் நெருக்கமான ஒன்று. நீங்கள் பலரும் என்னை ‘லேடி சூப்பர்ஸ்டார்’ என்று அன்புடன் அழைத்து வாழ்த்துகளை தெரிவித்துள்ளீர்கள். உங்கள் பேராதரவால் உருவான இந்தப் பட்டத்திற்கு நான் மிகவும் கடமைப்பட்டிருக்கிறேன். ஆனால், இனிமேல் என்னை நயன்தாரா என்று அழைக்குமாறு பணிவுடன் கேட்டுக்கொள்கிறேன்” என வேண்டுகோள் விடுத்துள்ளார்.

இதற்கு முன்னதாக , நடிகர் கமல்ஹாசன் மற்றும் அஜித்குமார் தங்களது பெயருக்கு முன்னாள் புனைபெயர் வைத்து அழைக்க வேண்டாம் என அறிவித்திருந்தனர். அதைத் தொடர்ந்து, தற்போது நடிகை நயன்தாராவும் ‘லேடி சூப்பர் ஸ்டார்’ பட்டம் வேண்டாம் என முடிவெடுத்துள்ளார். 

Don't miss out on the Latest Updates! Join our official WhatsApp channel and follow us on, YouTube, Instagram, Facebook, and Twitter for Breaking News. Send your press releases to: [email protected]

You may also like

Leave a Comment

Follow Us

Subscribe

Get the latest Tamil cinema news in Tamil on Kollywood Glam. From celebrity news to actor and actress photos, videos, updates, தமிழ் சினிமா செய்திகள் and more.

©2025 Kollywood Glam, Media News Company.

All Right Reserved.