தமிழ் சினிமாவில் குழந்தை நட்சத்திரமாக நடித்த விஷ்ணு வரதன், இப்போது தமிழில் மட்டுமல்லாமல் ஹிந்தி சினிமாவிலும் இயக்குனராக தன்னுடைய திறமையை பதித்து வருகிறார். இவர் அடுத்ததாக தமிழில் ஒரு இளம் படக்குழுவுடன் சேர்ந்து ‘நேசிப்பாயா’ என்ற படத்தை இயக்கிவருகிறார்.
‘நேசிப்பாயா’ படத்தை பற்றிய முதல் அறிவிப்பு ஜூன் மாதம் வெளியான நிலையில், இந்த படத்தில் ஹீரோவாக அறிமுகமாகிறார் மறைந்த பிரபல தமிழ் நடிகர் முரளியின் மகன் ஆகாஷ் முரளி. ஏற்கனவே தனக்கான ஒரு பாதையை சினிமாவில் அமைத்து வளம் வருபவர் இவரின் அண்ணன் அதர்வா முரளி.
ஆகாஷ் முரளி கதாநாயகனாக ஒரு ஆக்ஷன் கலந்த காதல் படத்தில் நடித்திருப்பதும், இந்த படத்திற்கு இயக்குனர் விஷ்ணு வரதன் இயக்குனர் என்பதும் முடிவாகி, இந்த படத்தை XB film creators தயாரிக்கிறார்கள். இந்த படத்துக்கு யுவன் ஷங்கர் ராஜா இசையமைக்கிறார். ஏற்கனவே இயக்குனர் விஷ்ணு வரதனுடன் ‘பில்லா’, ‘அறிந்தும் அறியாமலும்’ ஆகிய படங்களில் யுவன் சங்கர் ராஜா இசையமைத்துள்ளார்.
இப்போது ‘நேசிப்பாயா’ படத்தின் முதல் பாடலான ‘Tholanja Manasu’ பாடல் வெளியாகியுள்ளது. இந்த பாடலை இசையமைப்பாளர் யுவன் சங்கர் ராஜாவே பாடியுள்ளார். பாடல் வரிகளை கவிஞர் பா விஜய் எழுதியுள்ளார். ‘Tholanja Manasu’ பாடல் உடைய lyrical வீடியோ வெளியாகியுள்ளதை ரசிகர்கள் கேட்டு, ‘பையா’ படத்தில் கேட்ட யுவன் பாடல்களை போல உள்ளதாக கருத்து தெரிவித்து வருகிறாரக்ள்.
‘இதயம்’ முரளியின் மகன் ஆகாஷ் முரளி ஹீரோவாக அறிமுகமாகும் ‘நேசிப்பாயா’ – Teaser வெளியானது!
Meet the "Most-Hardworking, Dedicated and Outstandingly Sincere", @_akashmurali as #Arjun with his unpredictable charm that will defy expectations and win us all😍✨ #Nesippaya🥀 coming soon.#VV10 #ArjunDiya@AditiShankarofl @realsarathkumar #PrabhuGanesan @khushsundar pic.twitter.com/T4s1KthDag
— vishnu varadhan (@vishnu_dir) July 8, 2024
‘நேசிப்பாயா’ படத்திற்கான ப்ரோமோஷன் விடியோக்கள் கூட நகைச்சுவையாகவும், எளிமையாகவும் அமைந்துள்ளது. இந்த படத்தில் ஆகாஷ் முரளி , அதிதி ஷங்கர், குஷ்பு, கல்கி கெக்கலின், பிரபு, சரத்குமார் என பல பிரபலங்கள் நடித்துள்ளனர். இப்படத்தில் ரிலீஸ் தேதி பற்றிய தகவல் வெளியாகவில்லை.
Don't miss out on the Latest Updates! Join our official WhatsApp channel and follow us on, YouTube, Instagram, Facebook, and Twitter for Breaking News. Send your press releases to: [email protected]
