அட்டக்கத்தி படத்தின் மூலம் இயக்குநராக அறிமுகமான ரஞ்சித் தொடர்ந்து கவனிக்கும் படியான படங்களை இயக்கி தனக்கென்று ஒரு இடத்தை பிடித்து விட்டார். இயக்குனராக வெற்றிப்படங்களை தந்த ரஞ்சித் 2018 -ல் வெளியான பரியேறும் பெருமாள் படத்தின் மூலம் தயாரிப்பாளராகவும் மாறினார்.
அவரின் நீலம் புரொடக்சன்ஸ் தயாரிப்பு நிறுவனம் மூலம் பரியேறும் பெருமாள், இரண்டாம் உலகப்போரின் கடைசிகுண்டு, ரைட்டர், சேத்துமான், குதிரைவால், நட்சத்திரம் நகர்கிறது, பொம்மை நாயகி, Blue Star, ஜெ பேபி என ரசிக்கவைக்கும் படைப்புகளை தந்து வருகிறார்.
“அட்டக்கத்தி” தினேஷ், மெட்ராஸ் படத்தில் கார்த்தியின் காளி கேரக்டர், கபாலி, காலா படத்தில் சூப்பர் ஸ்டாரின் கேரக்டர், சர்பட்டா பரம்பரை படத்தில் கபிலன், வேம்புலி, டான்சிங் ரோஸ் என இவரின் படங்களில் ஏதெனும் ஒரு வகையில் ஹீரோவின் பெயர் ரசிகர்களிடையே கவனிப்பை ஏற்படுத்துகிறது.
தற்போது அதியன் ஆதிரை இயக்கத்தில் தண்டகாரண்யம் படத்தை ரஞ்சித்தின் நீலம் புரடக்சன்ஸ் தயாரிக்கிறது. அதியன் ஆதிரை இதற்க்கு முன்பு இரண்டாம் உலகப்போரின் கடைசிகுண்டு படத்தை இயக்கியிருந்தார்.
“The Hollywood Reporter India”-வில் கலந்து கொண்ட வெற்றிமாறன், ப.ரஞ்சித்
இந்த படத்தில் அட்டகத்தி தினேஷ், கலையரசன் ஆகியோர் முக்கிய கதாபாத்திரங்களில் நடித்துள்ளனர். மேலும் பாலசரவணன், முத்துக்குமார், ரித்விகா, வின்சு, அருள்தாஸ் , யுவன்மயில்சாமி, சரண்யா ரவிச்சந்திரன் ஆகியோரும் நடித்துள்ளனர்.
படத்திற்க்கு ஜஸ்டின் பிரபாகர் இசையமைக்க, பிரதீப் காளிராஜா ஒளிப்பதிவு செய்துள்ளார். சமீபத்தில் “கெத்து” தினேஷ், ஹரிஷ் கல்யாண் நடிப்பில் வெளியான லப்பர் பந்து நல்ல வரவேற்பை பெற்றது. தினேஷ் பிறந்தநாளை முன்னிட்டு தண்டகாரண்யம் படத்தின் முதல்பார்வை போஸ்டரை வெளியிட்டுள்ளது தயாரிப்பு நிறுவனம்.
படத்தின் ஷூட்டிங் முடிவடைந்த நிலையில் தண்டகாரண்யம் படத்தின் அப்டேட் வெளியாகும் என ரஞ்சித் X பக்கத்தில் பதிவிட்டிருந்தார். அதில் “காடுன்னா வெறும் மரம், செடி, கொடி மட்டும் கெடையாது” என்று கூறி படத்தின் first look வெளியாகும் என பதிவிட்டார்.
தற்போது “ஒரு நாட்டை பாதுகாக்க வெறும் துப்பாக்கி பீரங்கி அணுகுண்டுகளால மட்டுமே முடியாது” என்று பதிவிட்டு ஒரு புறம் கலையரசன் துப்பாக்கி வைத்துக்கொண்டும் மற்றொரு புறம் தினேஷ் வெறும் பனியன் அணிந்து கொண்டும் இருக்கும்படியான போஸ்டரில் இருவருக்கும் நடுவில் காய்ந்த மரம் எரிந்துகொண்டிருப்பது போன்ற படத்தை first look ஆக வெளியிட்டுள்ளது படக்குழு.
Don't miss out on the Latest Updates! Join our official WhatsApp channel and follow us on, YouTube, Instagram, Facebook, and Twitter for Breaking News. Send your press releases to: [email protected]