‘லால் சலாம்’ படத்துக்கு பிறகு கோலிவுட்டின் டாப் ஹீரோவான ‘சூப்பர் ஸ்டார்’ ரஜினிகாந்த், ‘வேட்டையன்‘ மற்றும் ‘தலைவர் 171′ என 2 படங்கள் மட்டுமே கைவசம் வைத்திருக்கிறார். இதில் ‘ஜெய் பீம்’ புகழ் இயக்குநர் த.செ.ஞானவேல் இயக்கிக் கொண்டிருக்கும் ‘வேட்டையன்’ படத்தின் படப்பிடிப்பு இறுதிக்கட்டத்தில் உள்ளது.
இந்நிலையில், இப்படத்தை இந்த ஆண்டு (2024) அக்டோபர் மாதம் ரிலீஸ் செய்யத் திட்டமிட்டிருப்பதாக தகவல் வெளியாகியுள்ளது. இந்த தகவலை இதன் தயாரிப்பு நிறுவனமான ‘லைகா புரொடக்ஷன்ஸ்’ஏ தங்களது எக்ஸ் பக்கத்தில் அதிகாரப்பூர்வமாக அறிவித்துள்ளது.
Kuri vechachu. 🎯 VETTAIYAN 🕶️ is all set to take charge in cinemas 📽️ this OCTOBER 🗓️ Get ready to chase down the prey! 🦅😎#VETTAIYAN 🕶️ @rajinikanth @SrBachchan @tjgnan @anirudhofficial @LycaProductions #Subaskaran @gkmtamilkumaran #FahadhFaasil @RanaDaggubati @ManjuWarrier4… pic.twitter.com/VXvhN8ZBdm
— Lyca Productions (@LycaProductions) April 7, 2024
இதில் ‘சூப்பர் ஸ்டார்’ போலீஸ் கேரக்டரில் நடித்துக் கொண்டிருக்கிறார். மேலும், அமிதாப் பச்சன், ஃபஹத் ஃபாசில், ராணா டகுபதி, மஞ்சு வாரியர், கிஷோர், ரித்திகா சிங், துஷாரா விஜயன், ஜி.எம்.சுந்தர், ரோகிணி, ராவ் ரமேஷ், ரமேஷ் திலக், ரக்ஷன் ஆகியோர் முக்கிய கதாபாத்திரங்களில் நடிக்கிறார்கள்.
கடந்த ஆண்டு (2023) இதன் டீசர் வெளியான நாளில் இருந்தே ஆடியன்ஸின் எக்ஸ்பெக்டேஷன் எகிறி விட்டது. இந்த படத்துக்கு 2K கிட்ஸின் ஃபேவரைட் இசையமைப்பாளர் அனிருத் தான் இசையமைத்துக் கொண்டிருக்கிறார், எஸ்.ஆர்.கதிர் ஒளிப்பதிவு செய்கிறார், பிலோமின் ராஜ் படத்தொகுப்பாளராக பணியாற்றுகிறார்.
