2003ல் ‘ஜெயம்’ படத்தின் வாயிலாக தமிழ் சினிமாவிற்குள் கதாநாயகனாக அறிமுகமானார் நடிகர் ரவி மோகன். எல்லாவிதமான ரசிகர்களையும் தனது வசீகரிக்கும் நடிப்பால் கவர்ந்துள்ளார், அதனால் அவரின் ரசிகர்கள் எல்லா வயதினராக உள்ளனர். சாக்லேட் பாய் கதாபாத்திரத்தில் தோன்றிய ‘சந்தோஷ் சுப்பிரமணியம்’, ‘உனக்கும் எனக்கும்’, ‘தாஸ்’, ‘எங்கேயும் காதல்’, மிடுக்கான அதிகாரியாக தோன்றிய ‘பேராண்மை’, ‘தனி ஒருவன்’, ‘மிருதன்’, ‘அடங்க மறு’, ‘இறைவன்’ இப்படி அவர் எடுத்த எல்லா பாத்திரத்தில் இருக்கும் தனித்துவம் காலம் கடந்து இன்று வரை நிலைத்து நிற்கிறது.
நடிகர் ரவி மோகன் டு இயக்குனர்?
கோலிவுட்டில் தவிர்க்க முடியாத நடிகராக உள்ள ரவி இயக்குனர் ஆக வேண்டும் என்ற கனவு தனக்கு இருப்பதாக பல மேடைகளில் கூறியிருக்கிறார். அதற்கான பணியும் சென்று கொண்டிருக்கிறது என்று என்று அறிவித்திருந்தார். அதை மேலும் உறுதி செய்யும் விதமாக அமைந்தது தற்போது வைரல் ஆக பகிரப்படும் நடிகர் யோகி பாபுவின் நேர்காணல். சினிமா விகடன் YouTube சேனலில் ஆறு வருடங்களுக்கு முன் ஒளிபரப்பான நேர்காணலில் தனது சினிமா பயணம் குறித்து பகிர்ந்து கொண்ட நடிகர் யோகி பாபு தன்னை வைத்து நடிகர் ரவி மோகன் இயக்கவுள்ளதாக பகிர்ந்து கொண்டார். இன்னும் அதை குறித்து உறுதி செய்யவில்லை என்றாலும், ஆங்காங்கே கிசுகிசுத்து வருகின்றனர்.
அப்படி இந்த செய்தி விரைவில் உறுதியானால் எம்.ஜி.ஆர், கமல்ஹாசன், தனுஷ், விஜயகாந்த், சிம்பு, சசிகுமார், சமுத்திரக்கனி வரிசையில் இவரும் இணைந்து விடுவார்.
Don't miss out on the Latest Updates! Join our official WhatsApp channel and follow us on, YouTube, Instagram, Facebook, and Twitter for Breaking News. Send your press releases to: [email protected]
