இந்தியளவில் பெரும் எதிர்பார்ப்புடன் நவம்பர் 14ம் தேதி வெளியாக காத்திருக்கும் ‘கங்குவா’ படத்தின் கதாநாயகன் சூரியா, இப்படத்தின் ப்ரோமோஷன் நிகழ்ச்சிகளில் தீவிரம் காட்டி வரும் நிலையில், கேரளா மாநிலம் கொச்சியில் நடந்த ரசிகர்கள் உடனான உரையாடலில் படத்தை பற்றிய கேள்விகளுக்கு பதிலளித்தார்.
மேலும் நடிகர் சூரியாவின் நடிப்பில் அடுத்தடுத்து வரவிருக்கும் படங்கள் பற்றிய ரசிகர்கள் கேள்வி எழுப்பினர். அதில் லோகேஷ் கனகராஜ் இயக்கத்தில் 2022ல் வெளியான ‘விக்ரம்’ படத்தில் கடைசி 10 நிமிடங்கள் மட்டுமே சிறப்பு தோற்றத்தில் தோன்றி, ஒட்டுமொத்த கரதோஷங்களையும் தன்பக்கம் திருப்பிக்கொண்டு, ‘Rolex’ கதாபாத்திரத்துக்கான ரசிகர் கூட்டத்தை பெருகிக்கொண்டார்.
இதுவரை நடிகர் சூரியா வில்லன் பாத்திரங்களில் நடிக்கவில்லை என்பதாலும், குறிப்பாக ‘Rolex’ பாத்திரத்தின் கெட்டப் ஆகியவற்றுக்கான ரசிகர்கள் பெருகினர். இதனை தொடர்ந்து லோகேஷ் கனகராஜும் நடிகர் சூரியா உடன் மீண்டும் பணியாற்றி ‘ரோலெக்ஸ் ‘ பாத்திரத்திற்கான தனி படத்தை இயக்கவுள்ளதாக பேசப்படுகிறது. இந்த படம் கண்டிப்பாக LCU அதாவது Lokesh Cinematic Universe படங்களில் சேரும் என்றும் தெரிகிறது.
At #Kanguva Kerala press meet !!
— AmuthaBharathi (@CinemaWithAB) November 5, 2024
Q: Will Lokesh explore the positive side of ROLEX character❓#Suriya: I don't think Lokesh will do & compromise that😁. Rolex character won't have need to do positive things. It will be out & out Negative zone🔪🩸 pic.twitter.com/JTFg3oMdXw
Source: X (CinemaWithAB)
நடிகர் சூரியாவிடம் ரோலெக்ஸ் படத்தில் அவரின் பின்னணி கதையை கூறும்போது Rolex உடைய நல்ல குணங்கள் காட்டப்படுமா? என்ற கேள்விக்கு நடிகர் சூரியா அதற்கு வாய்ப்பில்லை என்றும், கண்டிப்பாக லோகேஷ் கனகராஜ் இந்த கதாபாத்திரத்தை வில்லத்தனமாக தான் எழுதுவார் என்றும் கூறினார். இன்னும் LCU வரிசை படங்களில் ‘கைதி 2’, ‘Benz’ மற்றும் ‘Rolex’ ஆகிய படங்கள் வெளியாகவுள்ளது. ரசிகர்களில் கொண்டாட்டத்திற்கு பஞ்சமில்லாமல், அதிரடியான கதைக்களத்தில் தமிழ் சினிமாவின் முன்னணி நடிகர்களை ஒன்று சேர்க்கும் இந்த LCU படங்களுக்கான எதிர்பார்ப்பு, எவ்வளவு சிறிய தகவல் கிடைத்தாலும் இணையத்தில் வைரலாகி வருகிறது.
2024 -25ல் Suriya ரசிகர்களுக்கு விருந்தாக வெளிவரவுள்ள படங்கள்!
#LokeshKanagaraj teases the future of the #LCU hinting at the next film’s releases. He even dropped hints about where this universe could be heading, sparking speculation on how it might all come together for a epic endgame.🥵❤🔥🔥🔥 #Kaithi2 #Vikram2 #leo2#rolexsuriya pic.twitter.com/0Hq2bqU93P
— ɴᴇᴏɴ (@DarlingDevaa) November 4, 2024
Source: X (DarlingDevaa)
தற்போது லோகேஷ் கனகராஜ் ரஜினிகாந்த் உடன் ‘கூலி’ படத்தில் பணியாற்றி வருகிறார். நாகார்ஜுனா, சௌபின் ஷாஹிர், உபேந்திரா என இந்தியாவின் பெரிய நடிகர்கள் பலரும் ஒன்று சேரும் இந்த படம் ஒரு Pan இந்தியா படமாக பார்க்கப்படுகிறது. ‘கூலி’ படம் LCU படங்களில் சேராமல் தனிப்பட்ட கதையாக இருக்கும் என இயக்குனர் லோகேஷ் கனகராஜ் சமீபத்தில் குறிப்பிட்டிருந்தார்.
