நடிகர் Sivakarthikeyan நடிப்பில் ‘அமரன்’ படம் வரும் அக்டோபர் 31, தீபாவளிக்கு வெளிஉயர்வதை தொடர்ந்து, அவர் அடுத்ததாக இயக்குனர் ஏ ஆர் முருகதாஸ் இயக்கத்தில் உருவாகும் ஒரு ஆக்ஷன் படத்தில் நடித்துவருகிறார். இந்த படத்தில் ஒரு சிறிய வேடத்தில் ‘மகாராஜா’ படத்தில் நடித்து இப்போது ‘பிக் பாஸ்’ நிகழ்ச்சியில் பங்கேற்றுள்ள சாச்சனா நடிக்கிறார்.
இந்த தகவலை பிக் பாஸ் 8 நிகழ்ச்சியில் தன்னுடைய ‘அமரன்’ படத்தை விளம்பரப்படுத்த சென்றபோது நடிகர் Sivakarthikeyan கூறினார். வெள்ளிக்கிழமை பிக் பாஸ் 8 நிகழ்ச்சியில் பங்கேற்ற நடிகர் சிவகார்த்திகேயன், இந்த சீசன் போட்டியாளர்களை சந்தித்து அவர்களுக்கு ‘அமரன்’ படத்தின் ட்ரைலரை காண்பித்தார். அதோடு இப்போது போட்டியாளராக இருக்கும் சாச்சனா, தன்னுடைய படத்தில் நடிப்பதை பற்றியும் கூறினார்.
“என்னோட ஏ. ஆர். முருகதாஸ் சார் படத்துல ஒரு Role பண்ணியிருக்காங்க சாச்சனா” என Sivakarthikeyan தன்னையுடைய SK23 படத்தை பற்றியும் அதில் சாச்சனா ஒரு சிறிய வேடத்தில் நடித்திருப்பதையும் உறுதி படுத்தினார். மேலும் படப்பிடிப்பின் போது சாச்சனாவை பள்ளி மாணவி என நினைத்ததாகவும், அவரிடம் பேசியபின்னர் தான் அவர் வேலைக்கு செல்லும் பெண் என்றும் தெரியவந்ததாக சிவகார்த்திகேயன் தன்னுடைய படப்பிடிப்பு நாட்களை பிக் பாஸ் 8 போட்டியாளர்களுடன் பகிர்ந்துகொண்டார்.
மகாராஜா படத்தில் நடிகர் விஜய் சேதுபதியின் மகளாக நடித்த சாச்சனா நமிதாஸ், அந்த படத்தின் மாபெரும் வெற்றியை தொடர்ந்து இப்போது பிக் பாஸ் 8ல் பங்கேற்றுள்ளார். மகாராஜா படத்தில் இவரின் பலராலும் பாராட்டப்பட்டதால் இவருக்கான வாய்ப்புகள் அதிகம் இருக்கும் என எதிர்பார்க்கப்பட்டது. அதே போல SK23 படத்தில் இவர் நடித்துள்ள செய்தி வெளியாகியுள்ளது.
SK23 படத்தில் நடிகர் Sivakarthikeyan உடன் கன்னட நடிகை ருக்மிணி வசந்த், ‘துப்பாக்கி’ படத்தில் வில்லனாக நடித்த நடிகர் வித்யுத் ஜம்வால் நடிக்கிறார். மேலும் நடிகர் விக்ராந்த், நடிகர் பிஜு மேனன், நடிகர் ஷபீர் கள்ளரக்கள் ஆகியோர் நடித்துள்ளனர். இப்படத்தின் படப்பிடிப்பு சென்னை மற்றும் புதுச்சேரியில் வேகமாக நடந்துவருகிறது. இந்த பெயரிடப்படாத படத்துக்கு அனிருத் ரவிச்சந்தர் இசையமைக்கிறார். இப்படத்தின் ரிலீஸ் தேதி மற்றும் இதர தகவல்கள் அறிவிக்கப்படவில்லை.
Don't miss out on the Latest Updates! Join our official WhatsApp channel and follow us on, YouTube, Instagram, Facebook, and Twitter for Breaking News. Send your press releases to: [email protected]
