கலகலப்பான வானொலி பேச்சு, கிரிக்கெட் கமென்டரி, நகைச்சுவை உணர்ச்சி மிகுந்த திரைப்படத்தை இயக்கும் இயக்குனர், ஒவ்வொரு படத்திலும் தன் நடிப்பை மெருகேற்றிக் கொள்ளும் நடிகர் என பன்முக திறமை கொண்டவராக வளம் வருகிறார் RJ பாலாஜி. இன்று அவர் நடித்த “Sorgavaasal” திரைப்படத்தின் ட்ரைலர் வெளியானது.
RJ பாலாஜி திரைப்பயணம் – recap
2013-ல் துணை நடிகராக தனது திரை பயணத்தை தொடங்கிய RJ பாலாஜி தற்போது கதாநாயகனாக பல திரைப்படங்களில் நடித்து வருகிறார். நகைச்சுவையை மையமாக வைத்து “வடகறி, இது என்ன மாயம், நானும் ரவுடி தான், LKG, மூக்குத்தி அம்மன்” போன்ற பல திரைப்படங்களில் நடித்தும் இயக்கியும் வந்துள்ளார், 2023 ஆம் ஆண்டு வெளியான “ரன் பேபி ரன்” படத்தின் மூலம் ஆக்ஷன் மற்றும் த்ரில்லர் வகை படங்களில் கவனம் செலுத்த தொடங்கினார்.
அந்த தேடலில் கிடைத்த ஒரு மாறுபட்ட படம் தான் “Sorgavaasal”. அறிமுக இயக்குனர் சித்தார்த் விஸ்வநாத் இயக்கும் ஆக்ஷன் திரைப்படமான “Sorgavaasal”-லின் ட்ரைலர் இன்று வெளியாகி ரசிகர்கள் மத்தியில் மிகுந்த எதிர்பார்ப்பை ஏற்படுத்தியுள்ளது.
Thank you all this BANGER response 🔥🔥🔥 #SorgavaasalTeaser https://t.co/BYmTEKn9nU pic.twitter.com/Gh1ttOs4bn
— RJ Balaji (@RJ_Balaji) October 22, 2024
நரகத்தில் இருந்து தப்பிப்பாரா RJ பாலாஜி?
முற்றிலும் மாறுபட்ட ஆக்ஷன் நாயகனாக RJ பாலாஜி களமிறங்கும் திரைப்படம் தான் “Sorgavaasal”. இந்த படத்தில் ஜெயிலில் சிறை தண்டனையை அனுபவிக்கும் கைதியாக நடித்துள்ளார்.
மேலும் அந்த சிறையில் இருக்கும் இரு பிரிவினருக்கிடையே ஏற்படும் கலவரம், சண்டை, அதை சமாளிக்க பாடுபடும் காவல் துறை அதிகாரிகள் என இவை அனைத்தையும் விவரிக்கும் காட்சிகள் “Sorgavaasal” படத்தின் ட்ரைலரில் இடம் பெற்றது.
சிறைச்சாலையை “நரகம்” என்றும், வெளியுலகத்தை “சொர்க்கம்” என்றும் குறிப்பிடப்பட்டுள்ளது. சிறைச்சாலையின் கதவே “சொர்க்க வாசல்”, அந்த சொர்க்க வாசலின் கதவை திறக்க தேவைப்படும் சாவியை பலர் தேடுகின்றனர். தேடுபவர் உண்மையில் யார்? அவர்களின் பின்னணி என்னென்ன? அதனால் ஏற்படப்போகும் இன்னல்கள் என்ன? இவற்றின் பதிலே இந்த திரைப்படம். மேலும், RJ பாலாஜியின் ரத்தம் படிந்த கைகள், கைதியாக மாறிய பின்னணி கதை, ட்ரைலரில் காண்பிக்கப்பட்ட காதல் காட்சிகள் என இவை அனைத்தும், இந்த திரைப்படத்தை காண்பதற்கான ஆர்வத்தை மேலும் கூட்டுகிறது.
இந்த திரைப்படத்தின் ott உரிமத்தை Netflix நிறுவனம் பெற்றுள்ளது.
சீரியஸான கேரக்டரில் RJ . பாலாஜி நடிக்கும் சொர்க்கவாசல் பட டீஸர்.
Sorgavaasal – படக்குழு
| இயக்குனர் | சித்தார்த் விஸ்வநாத் |
| நடிகர்கள் | RJ பாலாஜி,செல்வராகவன், கருணாஸ்,நடராஜன் சுப்ரமணியம், சானியா ஐயப்பன், பாலாஜி சக்திவேல் |
| இசை | கிறிஸ்டோ சேவியர் |
| வெளியாகும் நாள் | நவம்பர் 29, 2024 |
Don't miss out on the Latest Updates! Join our official WhatsApp channel and follow us on, YouTube, Instagram, Facebook, and Twitter for Breaking News. Send your press releases to: [email protected]
