‘கங்குவா’ ஃப்ளாப்பால் நொடிந்துபோய்விட்டார் Suriya. படம் தோல்வி என்பதைவிட தனிப்பட்ட முறையில் அவரைத்தாக்கி வந்த விமர்சனங்களால் ரொம்பவே அப்செட் ஆகி வரிசைகட்டி கோயில்களுக்கு பரிகாரம் செய்ய படையெடுக்க ஆரம்பித்துவிட்டார். அடுத்தப்படம் நிச்சயம் ஹிட் கொடுத்தே ஆகவேண்டிய கட்டாயத்தில் இருக்கும் நேரத்தில், பதட்டப்பட்டு எந்த முடிவையும் எடுத்துவிடக்கூடாது என்பதிலும் கவனமாக இருக்கிறாராம்.
‘’கதையில் அதிகம் தலையிடுகிறார்’’ என சுதா கொங்கரா, ஹரி, கெளதம் மேனன் உள்ளிட்டோர் தன் மேல் சுமத்திய குற்றச்சாட்டை பொய்யாக்கும் வகையில் தனது 45-வது படத்தை இயக்கிவரும் ஆர்ஜே பாலாஜிக்கு இயக்குநராக என்ன முடிவு வேண்டுமானாலும் எடுக்கலாம் என முழு சுதந்திரம் கொடுத்திருக்கிறாராம். தயாரிப்பாளர்களும், தனது உறவினர்களுமான டிரீம் வாரியர்ஸின் எஸ்.ஆர்.பிரபு, எஸ்.ஆர்.பிரகாஷிடமும் திரைக்கதை சம்பந்தமாக எந்தத் தலையீடும் இருக்கக்கூடாது என சொல்லி முழுக்க முழுக்க தன் நடிப்பில் மட்டுமே கவனம் செலுத்திவருகிறார் சூர்யா.
சூர்யா 45 படத்தின் ஷூட்டிங் கிழக்கு கடற்கரைச்சாலையில் உள்ள ஆதித்ய ராம் ஸ்டுடியோவில் நடந்துவரும் நிலையில் அக்டோபர் மாதம் ஆயுத பூஜைக்கு படத்தை ரிலீஸ் செய்துவிட வேண்டும் என வேலை பரபரப்பாக நடந்துவருகிறது. ஏப்ரல் கடைசி வாரத்தில் இந்தப்படத்தின் டைட்டில் ரிலீஸ் செய்யப்பட இருக்கிறது. மே 1-ம் தேதி கார்த்திக் சுப்பராஜ் இயக்கியிருக்கும் ‘ரெட்ரோ’ படம் ரிலீஸ். மே மாதம் மத்தியில் சூர்யா 45 படம் ஷூட்டிங் முடிந்ததும், ஜூனில் வெற்றிமாறனுடன் ‘வாடிவாசல்’ படத்தில் இணைய இருக்கிறார் சூர்யா.
‘வாடிவாசல்’ படத்தில் முதலில் ஜல்லிக்கட்டு போர்ஷனை படமாக்க இருக்கிறார்கள். இதற்காக வாடிவாசல் போன்று ஈவிபி-யில் செட் அமைக்கும் பணிகள் தொடங்கியிருக்கின்றன.
Don't miss out on the Latest Updates! Join our official WhatsApp channel and follow us on, YouTube, Instagram, Facebook, and Twitter for Breaking News. Send your press releases to: [email protected]
