ஸ்வினீத் எஸ் சுகுமார் இயக்கத்தில், நடிகர் ரியோ ராஜ் மற்றும் கோபிகா ரமேஷ் நடித்துள்ள 2k ஜெனெரேஷன் காதல் கதையை மையமாக கொண்டு உருவாக்கப்பட்டுள்ள Sweet Heart படத்தின் ட்ரைலர் தற்போது வெளியாகி இணையதளங்களில் வைரலாகி வருகிறது. இப்படத்திற்கான பாடல்கள் ஏற்கெனவே இணையதளங்களில் வெளியாகி ரசிகர்களின் மனதில் ஒரு எதிர்பார்ப்பை ஏற்படுத்தி இருந்தது. அனைவரின் எதிர்பார்ப்புகளுக்கும் பதிலடியாக அட்டகாசமாக வெளியாகியுள்ளது Sweet Heart படத்தில் ட்ரைலர்.
இப்படம் இக்காலத்து காதல் கதையையும், காதலித்தவர்கள் கல்யாணத்திற்கு முன் சேர்ந்து வாழ்வதையும் அதன் பின் வரும் பிரச்சனைகள், காதல் தோல்வி என அனைத்தையும் வெளிக்காட்டுவதாக அமைந்துள்ளது என இப்படத்தின் ட்ரைலர் மூலம் அறியலாம். எப்பொழுதும் போல் காதல் கதையை சார்ந்த படமாக இருந்தாலும், காமெடி நிறைந்து எண்டெர்டைன்மெண்ட்க்கு பஞ்சம் இல்லாத அளவிற்கு இப்படம் இருக்கும் என எதிர்பார்க்கப்படுகிறது.
ரியோ ராஜ் நடிப்பில் இதற்கு முன் வெளியாகியுள்ள காதல் கதையை மையமாக கொண்ட படமான ஜோ, ரசிகர்களின் மத்தியில் பெரும் வரவேற்பை பெற்றிருந்தது. அதை போல், Sweet Heart படமும் ரசிகர்கள் மற்றும் இக்காலத்து இளைஞர்கள் விரும்பும் வகையில், அமையும் என எதிர்பார்க்கப்படுகிறது. ரியோ ராஜூடன் இணைந்து பல பிரபல நடிகர்கள் நடித்துள்ள இப்படம் வரும் மார்ச் 14 ம் தேதி திரையரங்குகளில் வெளியாகவுள்ளது.
Sweet Heart படக்குழு
| நடிகர்கள் | ரியோ ராஜ், கோபிகா ரமேஷ், ரெடின் கிங்ஸ்லி, ரெஞ்சி பனிக்கர், துளசி, அருணாசலேஸ்வரன் பா, சுரேஷ் சக்ரவர்த்தி மற்றும் பௌஸி |
| இயக்குனர் | சுவினீத் எஸ் சுகுமார் |
| இசை & தயாரிப்பாளர் | யுவன் ஷங்கர் ராஜா |
| தயாரிப்பு நிறுவனம் | YSR Films |
| வெளியீட்டு தேதி | 14 மார்ச் 2025 |
Don't miss out on the Latest Updates! Join our official WhatsApp channel and follow us on, YouTube, Instagram, Facebook, and Twitter for Breaking News. Send your press releases to: [email protected]
