புதிதாக வெளியாகும் சிறிய மற்றும் பெரிய பட்ஜெட் படங்களை விமர்சிக்க எண்ணில் அடங்கா பல விமர்சகர்கள் தற்போது உருவாகியுள்ளனர். இது பல சமயங்களில் தனிமனித தாக்குதலாகவும், ஒரு கலை வடிவம் குறித்த வெறுப்புணர்வை வெளிப்படுத்தும் தளமாகவும் சில youtube channel-கள் இருந்து வருகிறது. சமீபத்தில் இயக்குனர் சிவா இயக்கத்தில் வெளியான “கங்குவா” திரைப்படம் வெளியான முதல் நாளில் இருந்து பல விமர்சனம், மீம்ஸ், மோசமான கருத்துக்கள் என்ற பெயரில் தனிமனித தாக்குதல்களை எதிர்கொண்டு வருகிறது.
கண்டனத்தில் குறிப்பிட்டவை
வன்மத்தை விதைக்கும் இந்த விமர்சனங்களை கண்டித்து தமிழ் திரைப்பட தயாரிப்பாளர்கள் சங்கம், (Tamil Film Active Producers Association) TFAPA தங்களது கண்டனத்தை வெளியிட்டுள்ளனர். அவர்கள் கூறியதாவது,
“திரைப்பட விமர்சனம் என்கிற பெயரில் தனிமனித தாக்குதல் மற்றும் வன்மத்தை விதைத்தல் – நமது சங்கத்தின் கண்டனம்
திரைப்படங்களின் நிறை குறைகளை விமர்சிக்க அனைத்து ஊடகவியலாளர்களுக்கும் உரிமை உள்ளது. ஆனால் அது திரைப்படத்தை பற்றி மட்டுமே இருக்க வேண்டுமே தவிர, திரைப்படத்தின் தயாரிப்பாளர், இயக்குனர், கதாநாயகன் மீது தனிமனித தாக்குதல்கள் மற்றும் அவர்கள் மீது இருக்கும் வன்மத்தை பொதுவெளியில் கக்க ஒரு கருவியாக, திரைப்பட விமர்சனத்தை சில ஊடகங்கள் சமீப காலங்களில் பயன்படுத்தி வருவதை நாம் வன்மையாக கண்டிக்கிறோம்.”
“ஒரு திரைப்படத்தை மூன்று மணி நேரம் பொழுதுபோக்கு அம்சமாக மட்டுமே பார்க்காமல், அது ஏதோ மொத்த சமுதாயத்திற்கும் அநீதி விளைவித்தது போல பலர் பேசி வருவதை ஏற்றுக்கொள்ள முடியாத செயல் என்று கருதுகிறோம்.
இந்த சினிமா துறையால் வாழ்ந்து வரும் ஊடகவியலாளர்கள் இனிமேலாவது தங்களை திருத்தி கொண்டு, சரியான முறையில் விமர்சனங்கள் செய்வார்கள் என்று எதிர்பார்க்கிறோம்.
சமீபத்தில், “கங்குவா” திரைப்படத்திற்கு விமர்சனம் என்ற பெயரில் ஒரு பெரியவர், ஒரு திரையரங்குக்கு வெளியே தனிமனித தாக்குதல்களும், வன்மத்தை கக்கியதும், அனைவரும் பார்த்து அதிர்ச்சி அடைந்தனர். அத்தகைய கருத்துகளை பதிவு செய்து, மக்களிடம் அதை பெரிய அளவில் கொண்டு சென்ற Youtube Channel-களை நாம் வன்மையாக கண்டிக்கிறோம்”
தயாரிப்பாளர்களின் வேண்டுகோள்கள்
மேலும் ஒரு திரைப்பட விமர்சனம் தராசு போல் நிறை குறைகளை ஆராய்ந்து படத்தின் வளர்ச்சியை மேம்படுத்துவதாக இருக்க வேண்டுமே தவிர அதை முழுவதுமாக அழிப்பது போன்ற தனிமனித தாக்குதல்கள் நடத்தப்படுவதாக TFAPA அவர்களின் கண்டனத்தில் குறிப்பிட்டிருந்தனர். அதோடு ஒவ்வொரு மனிதனின் விமர்சனம் மற்றும் விருப்பு வெறுப்பு அவரவர் பார்வையில் வேறுபடும் ஆனால் சிலர் தங்களின் விமர்சனங்களை ஒட்டுமொத்த மக்களின் விமர்சனமாக கூறுவது தவிர்க்க வேண்டிய ஒன்று என்றும் கூறியுள்ளனர்.
திரைப்பட விமர்சனம் என்கிற பெயரில் தனிமனித தாக்குதல் மற்றும் வன்மத்தை விதைத்தல் – #TFAPA வன்மையாக கண்டிக்கிறது ✍️@offBharathiraja @TGThyagarajan @TSivaAmma @Dhananjayang @prabhu_sr #SSLalitKumar @sureshkamatchi pic.twitter.com/bQ1FMZZdMx
— Tamil Film Active Producers Association (@tfapatn) November 20, 2024
சூர்யா நடிப்பில் ‘Kanguva’ எப்படி இருக்கிறது? – திரை விமர்சனம்
மேலும் ஒரு திரைப்படம் வெளியாகும் நாள் Public Review/Public Talk என்ற பெயரில் திரையரங்கு வளாகங்களில் இருக்கும் youtube channel-களை, விமர்சகர்களை இனிமேல் அனுமதிக்க கூடாது என்றும், திரையரங்கு உள்ளே மட்டுமல்ல வெளியில் கூட நிற்க அனுமதி தர கூடாது என்று தமிழ்நாடு திரையரங்கு உரிமையாளர்கள் சங்க தலைவர் திரு.திருப்பூர் சுப்ரமணியம் கூறியதை மேற்கோள் காட்டி கூறப்பட்டது. Public Review போன்ற கலாச்சாரம் முற்றிலும் தவிர்க்கப்பட வேண்டும் என்றும், இது போன்ற youtube channel-களுக்கு எதிராக சட்ட ரீதியாக நடவடிக்கை எடுக்கப்பட வேண்டும் என்று வலியுறுத்தியுள்ளது தமிழ் திரைப்பட தயாரிப்பாளர் சங்கம்.
இதுபோன்ற youtube Channel-களால் ‘இந்தியன் 2, வேட்டையன், மற்றும் கங்குவா’ போன்ற படங்கள் கடும் எதிர்ப்பு, வன்மம், வெறுப்புணர்வை எதிர்கொண்டதை கூறி அவர்களின் கண்டனத்தை நிறைவு செய்துள்ளனர். இந்த கண்டன அறிக்கையில் தயாரிப்பாளர் சங்கத்தின் தலைவர் பாரதிராஜா, செயல் தலைவர் T.G.தியாகராஜன், மற்றும் பொது செயலாளர் T.சிவா அவர்களின் கையொப்பமுடன் வெளியிடப்பட்டுள்ளது.
Don't miss out on the Latest Updates! Join our official WhatsApp channel and follow us on, YouTube, Instagram, Facebook, and Twitter for Breaking News. Send your press releases to: [email protected]
