இயக்குனர் மணிரத்னம் உலக நாயகன் கமல் ஹாசன் காம்போவில் அடுத்த படைப்பான “Thug Life” படத்தின் ஷூட்டிங் கடந்த சில மாதங்களாக நடைபெற்று வந்த நிலையில் தற்போது முடிவுக்கு வந்துள்ளது. திரிஷா, சிம்பு, ஜோஜு ஜார்ஜ், ஐஸ்வர்யா லட்சுமி, கவுதம் கார்த்திக், நாசர், அசோக் செல்வன், அபிராமி உள்ளிட்ட பலரும் நடித்துள்ளனர்.
இசைப்புயல் ஏ.ஆர்.ரகுமான் இசையில், ராஜ்கமல் பிலிம்ஸ், மெட்ராஸ் டாக்கீஸ், ரெட் ஜெயன்ட் மூவிஸ் இணைந்து படத்தை தயாரித்துள்ளனர். ஆக்சன் படமாக உருவாக்கப்பட்ட இந்த படத்தில் கமல் 3 வேடங்களில் நடித்துள்ளதாக தகவல் வந்துள்ளது. படப்பிடிப்பு தொடங்கப்பட்ட பிறகு ஷூட்டிங் தேதிகள் காரணமாக துல்கர் சல்மான் மற்றும் ஜெயம் ரவி ஆகியோர் விலக வேண்டிய சூழ்நிலை உருவானது.
இந்தியாவில் சென்னை, ஜெய்சால்மர் மற்றும் புதுடெல்லி போன்ற பகுதிகளில் படத்தின் ஷூட்டிங் நடைபெற்று வந்த நிலையில் செர்பியாவிலும் படப்பிடிப்பு நடைபெற்றது. உலக நாயகன் கமல்ஹாசன் சினிமா உலகில் அறிமுகமாகி 65 ஆண்டுகள் ஆனதை கொண்டாடும் வகையில் “Thug Life” படக்குழுவினர் சமீபத்தில் போஸ்டர் வெளியிட்டிருந்தனர்.
களத்தூர் கண்ணம்மா படத்தில் சிறுவனாக சினிமாவுக்கு அறிமுகமான கமல்ஹாசன் இதுவரை 233 படங்களில் நாயகனாக நடித்து இந்திய சினிமா உலகில் தவிர்க்க முடியாத ஹீரோவாக வலம்வருகிறார். சினிமாவில் இத்தகைய சாதனை படத்துவந்த கமலுக்கு பல மொழிகளின் முன்னணி இயக்குநர்கள், நடிகர்கள் என பலரும் வாழ்த்து தெரிவித்து வந்துள்ளனர்.
புஷ்பா 2 படம் இன்னும் 50 நாளில் ரிலீஸ் ஆகவுள்ளதை அப்டேட் செய்த படக்குழு.
சமீபத்தில் பெரிய எதிர்பார்ப்புகளுக்கு மத்தியில் கமல்ஹாசன் நடிப்பில் வெளியான இந்தியன் 2 படம் எதிர்மறையான விமர்சனங்களை கொண்டு பல ட்ரோல்களுக்கு ஆளானது. தற்போது வர இருக்கும் மணிரத்னம், கமல் ஹாசன் கூட்டணி முந்தைய படத்திற்கு பதிலடி தரும் வகையில் இருக்கும் என எதிர்பார்க்கப்படுகிறது. இவர்களின் காம்போவில் இதற்க்கு முன்பு வெளியான நாயகன் படம் மிகப்பெரிய வெற்றியை தந்தது.
தற்போது படப்பிடிப்பை முடிந்த நிலையில் படத்தின் டிஜிட்டல் உரிமையை 149.7 கோடிக்கு Netflix OTT Platform கைப்பற்றி இருப்பதாக தகவல் வந்துள்ளது. இதுவரை இல்லாத வகையில் டிஜிட்டல் உரிமம் அதிகம் கொண்டு விலைக்கு போன தமிழ் படம் என்ற சாதனையை படைத்துள்ளது.
இதுவரை சூர்யாவின் கங்குவா படம் 100 கோடிக்கும், அஜித்குமாரின் குட் பேட் அக்லி படம் 95 கோடிக்கும், விஜய்யின் GOAT படம் 110 கோடிக்கும் டிஜிட்டல் உரிமையில் விற்பனை ஆனது. அதிக தொகைக்கு விலைக்கு போன Thug Life படம் 2025 கோடை விடுமுறையில் வெளியாகும் என தெரிவித்துள்ளனர்.
படப்பிடிப்பு மட்டுமே முடிந்த நிலையில் இதுவரை இல்லாத வகையில் டிஜிட்டலில் வசூல் சாதனை படைத்த Thug Life படம் அடுத்தாண்டு திரைக்கு வரும்போது ரசிகர்களின் எதிர்பார்ப்பை பூர்த்தி செய்யுமா என பார்க்கலாம்.
