தமிழ் திரைத்துறையை உலகறிய செய்த மாபெரும் கலைஞர்களில் மணி ரத்னம் மற்றும் கமல் ஹாசன் அவர்களின் பங்கு அதிகம். இவர்களின் கூட்டணியில் 1987ல் வெளியான ‘நாயகன்’ படத்துக்கு கிடைத்த புகழும் வெற்றியும் அளக்கமுடியாதது. இதனை தொடர்ந்து பல வருடங்களுக்கு பின் இருவரின் கூட்டணியில் ‘Thug Life’ என்ற படம் வெளியாகும் என ஓராண்டுக்கு முன்னர் அறிவிக்கப்பட்டது. இப்போது ‘Thug Life’ படத்தின் டீசர் வெளியாகி ரசிங்கர்களை ஆச்சரியத்தில் ஆழ்த்தியுள்ளது.
கமல் ஹாசன் அவர்களின் 70வது பிறந்தநாளான இன்று, ‘Thug Life’ படத்தின் டீசரை படக்குழு வெளியிட்டுள்ளது. ‘ரங்கராய சக்திவேல் நாயக்கர்’ என்ற கதாபாத்திரத்தில் நடிகர் கமல் ஹாசன் நடிக்க, இப்படத்தில் சிலம்பரசன், நாசர், திரிஷா கிருஷ்ணன் மற்றும் பலர் இணைந்து நடித்துள்ளனர். இன்று வெளியான டீசரில் கமல் ஹாசன் மற்றும் சிலம்பரசன் நடித்துள்ள காட்சிகள் மட்டுமே வெளியாகியுள்ளது.
வெறும் 44 விநாடிகள் கொண்ட இந்த டீசரில் அதிரடியான சண்டை காட்சிகள், அழகான இயற்கை நிறைந்த காட்சிகள் என படத்தின் களம் இப்படித்தான் இருக்கும் என்று வெளிப்படுத்தியுள்ளனர். இயக்குனர் மணி ரத்னம் தன்னுடைய வழக்கமான frame களால் தொடக்கம் முதல் முடிவு வரை நம்மை ஈர்த்துள்ளார். கமல் ஹாசன் இந்த படத்தில் ஒரு ஆக்ஷன் பாத்திரத்தில் நடிப்பது தெரிகிறது.
‘Thug Life‘ படத்தின் அறிவிப்பு வீடியோவில் கமல் ஹாசனை நோக்கி 5 பேர் ஆயுதங்களுடன் ஓடி வருவதை போலவே இந்த டீசரில் இமைக்கும் வேகத்தில் சண்டை காட்சிகள் நகர, நடுவே சிலம்பரசன் நடிக்கும் கதாபாத்திரமும் அவரின் பங்குக்கு ஆக்ஷன் செய்வது காட்டப்பட்டுள்ளது. அடர் தாடியும், முடியுடன் இதுவரை வெளியான அப்டேட்களில் இருந்த கமல் ஹாசன், டீசரின் முடிவில் தாடி மீசையின்றி ஸ்டைலாக தோன்றி இரண்டு வெவ்வேறு வேடத்தில் வருகிறார்.
ரிலீஸ் செய்வதற்கு முன்பே வசூல் வேட்டை நடத்திய Thug Life. 150 கோடிக்கு ஏலம் போன டிஜிட்டல் உரிமம்.
ஏ ஆர் ரஹ்மானின் பின்னணி இசையில், ரவி கே. சந்திரன் உடைய ஒளிப்பதிவில் ஒவ்வொரு காட்சியும் பிரம்மிக்க வைக்கிறது. இந்த படம் 2025 ஜூன் 5ம் தேதி வெளியாகும் என்றும் அறிவிக்கப்படுகிறது. கமல் ஹாசனுடைய தயாரிப்பு நிறுவனமான ‘ராஜ் கமல் பிலிம்ஸ் இன்டர்நேஷனல்’ நிறுவனமும் மணி ரத்னம் அவர்களின் ‘மெட்ராஸ் டாக்கீஸ்’ நிறுவனமும் இணைத்து ‘ரெட் ஜெயண்ட் மூவிஸ்’ நிறுவனம் இணைந்து இப்படத்தை தயாரிக்கிறது.
‘Thug Life’ படத்தின் நடிகர்கள் மற்றும் படக்குழு
நடிகர்கள்
- கமல் ஹாசன்
- நாசர்
- சிலம்பரசன்
- திரிஷா கிருஷ்ணன்
- அசோக் செல்வன்
- ஐஸ்வர்யா லட்சுமி
- அபிராமி
- ஜோஜு ஜார்ஜ்
- ரோஹித் சரஃப்
படக்குழு
- மணி ரத்னம் – இயக்குனர்
- ஏ ஆர் ரஹ்மான் – இசையமைப்பாளர்
- ரவி கே. சந்திரன் – ஒளிப்பதிவாளர்
- ஸ்ரீகர் பிரசாத் – எடிட்டர்
- அன்பறிவு – சண்டை இயக்குனர்கள்
