இயக்குனர் ராம், நடிகர் நிவின் பாலி, சூரி மற்றும் அஞ்சலியை வைத்து இயக்கியுள்ள படம் ‘ஏழு கடல் ஏழு மலை’. இந்த படம் ஏற்கனவே சர்வதேச திரைப்பட விழாக்களில் திரையிடப்பட்டு நல்ல வரவேற்பு பெற்று வருகிறது.
ஒரு ரயில் பயணத்தில் சாதாரண மனிதர், 8000 ஆண்டுகள் வயதான சாவில்லா மனிதன் மற்றும் ஒரு எலிக்கு நடுவில் நடக்கும் கதை தான் ‘ஏழு கடல் ஏழு மலை’. படத்தின் போஸ்டர் மற்றும் சிறு வீடியோக்களுக்கு ரசிகர்கள் மத்தியில் நல்ல வரவேற்பு கிடைத்துள்ளது.
இந்த படத்தை தயாரிப்பாளர் சுரேஷ் காமாட்சி, V புரொடக்சன்ஸ் கீழ் தயாரிக்கிறார். இயக்குனர் ராம் எழுதி இயக்கியுள்ளார். யுவன் சங்கர் ராஜா இசையமைக்க பிப்ரவர் 14, 2024ல் நடிகர் சித்தார்த் குரலில் ‘மறுபடி நீ’ பாடல் வெளியானது.
இதையடுத்து இன்று யுவன் இசையில் முதல் முறையாக சந்தோஷ் நாராயணன் பாடி ஒரு பாடல் வெளியாகி பேசு பொருளாக உள்ளது. இந்த பாடலை கவிஞர் மதன் கார்க்கி எழுதியுள்ளது குறிப்பிடத்தக்கது.
Don't miss out on the Latest Updates! Join our official WhatsApp channel and follow us on, YouTube, Instagram, Facebook, and Twitter for Breaking News. Send your press releases to: [email protected]
