சென்ற ஆண்டு தொடங்கிய Bigg Boss Tamil 8ல், போட்டியாளர்கள் மட்டும் அல்ல தொகுப்பாளர் கூட புத்தம் புதிய நபர்களாக மக்களுக்கு அறிமுகம் செய்யப்பட்டனர். நடிகர் விஜய் சேதுபதி விஜய் டிவியில் ஒளிபரப்பாகும் ஒரு ரியாலிட்டி ஷோவிற்கு தொகுப்பாளர் ஆக முதல் முறை அறிமுகம் ஆகி, தனது தடாலடியான பேச்சு, நகைச்சுவை, நக்கல் மற்றும் ஆழமான கருத்துக்கள் மூலம் மக்களின் ஆதரவு பெற்று இந்த சீசன் அவருக்கு சிறப்பாக அமைந்தது என்றே கூறலாம்.
இருபத்து நான்கு போட்டியாளர்களுடன் தொடங்கிய இந்த சீசன் ஒவ்வொரு வாரமும் மக்கள் அளிக்கும் வாக்கு அடிப்படையில் ஒன்று மற்றும் இரு போட்டியாளர்கள் BB தமிழ் வீட்டில் இருந்து வெளியேற்றப்பட்டனர். இறுதியில் “Grand Finale” வாரத்தில் டாப் 5 போட்டியாளர்களாக “முத்துக்குமரன், ராயன், பவித்ரா ஜனனி, சௌந்தர்யா, விஷால்” ஆகியோர் இடம் பிடித்தனர்.
Bigg Boss Tamil 8 – Grand Finale, வெற்றியாளர், ரன்னர் அப்!
நேற்று நடைபெற்ற இறுதி எபிசோட் இதற்கு முன் நடைபெற்ற சீசன்கள் போலவே மிகவும் சிறப்பாகவும், பிரமாண்டமாகவும் நடைபெற்றது. இதில் BB வீட்டில் இருந்து வெளியேறிய மற்ற போட்டியாளர்கள் மக்களுக்கு அருகில் அமர்திருந்து மக்கள் செல்வன் விஜய் சேதுபதியின் பல்வேறு விதமான கேள்விகளுக்கு தங்களின் பதிலை கூறி, கலகலப்பான கலந்துரையாடலில் ஈடுபட்டனர். மேலும் அவர்களும் நிகழ்ச்சியின் தொகுப்பாளர் ஆன விஜய் சேதுபதியிடம் கேள்வியும் எழுப்பினர். ‘Grand Finale’ நிகழ்ச்சியில் டாப் 5 பைனலிஸ்ட்ஸ் போட்டியாளர்களின் குடும்பம் மற்றும் நண்பர்களும் பங்கேற்றனர்.
BB Tamil சீசன் 8 வீட்டிற்குள் இறுதியாக சென்று அங்கிருந்த டாப் 5 போட்டியாளர்களுக்கு நினைவு பரிசை தனது அழகான அன்பு நிறைந்த வார்த்தைகளை கூறி வழங்கினார், விஜய் சேதுபதி. இறுதிக்கட்டத்தை நோக்கி நிகழ்ச்சி செல்ல செல்ல ஒவ்வொரு போட்டியாளர்களாக வெளியேற்றப்பட்டனர், முதலில் ராயன், பின்னர் பவித்ரா, விஷால்.
‘Grand Finale’ நிகழ்ச்சியில் டாப் 5 பைனலிஸ்ட்ஸ் போட்டியாளர்களின் குடும்பம் மற்றும் நண்பர்களும் பங்கேற்றனர்.
பரிசுத்தொகை
படபடப்புடன் நின்று கொண்டிருந்த முத்துக்குமரன் மற்றும் சௌந்தர்யாவை ஆசுவாசப்படுத்திய மக்கள் செல்வன் சேதுபதி, இறுதியாக மக்களின் பேராதரவுடன் வெற்றியாளராக “முத்துக்குமரன்” அறிவிக்கப்பட்டார். சக போட்டியாளர்கள் தங்களின் மனமார்ந்த வாழ்த்துக்களை இருவருக்கும் கூறி மேடையில் மகிழ்ச்சி மற்றும் ஆரவாரத்துடன் கொண்டாடினர். ஏற்கனவே இறுதி வாரத்தில் யாரும் எதிர்பாரா வண்ணம் நடத்தப்பட்ட “Money Box” டாஸ்க்கில் சில போட்டியாளர்கள் பணத்தை வென்ற நிலையில், டைட்டில் வின்னர் முத்துவிற்கு வழங்கப்பட்ட தொகை,
- முத்துக்குமரன் – 40,50,000
BB Tamil சீசன் 8 ரன்னர் அப் சௌந்தர்யா பெற்ற பரிசுத்தொகை எவ்வளவு என்று இதுவரை அதிகாரபூர்வமாக வெளியிடப்படவில்லை.
Money Box டாஸ்க்கில் வெற்றி பெற்ற பரிசு தொகை
- விஷால் – 5,00,000
- பவித்ரா – 2,00,000
- ராயன் – 2,00,000
பரிசுத்தொகையில் இவ்வாறு மாற்றம் நிகழ்ந்து வழங்கப்பட்டது இதுவே முதல் முறை என்பது குறிப்பிடத்தக்கது.
கடந்த Bigg Boss Tamil சீசன்கள்
BB Tamil சீசன் | வெற்றியாளர் | ரன்னர் அப் |
சீசன் 1 | ஆரவ் நபீஸ் | சினேகன் |
சீசன் 2 | ரித்விகா | ஐஸ்வர்யா தத்தா |
சீசன் 3 | முகின் ராவ் | சாண்டி |
சீசன் 4 | ஆரி அர்ஜுனன் | பாலாஜி முருகதாஸ் |
சீசன் 5 | ராஜு ஜெயமோகன் | பிரியங்கா தேஷ்பாண்டே |
சீசன் 6 | முகமத் அசீம் | விக்ரமன் ராதாகிருஷ்ணன் |
சீசன் 7 | அர்ச்சனா ரவிச்சந்திரன் | மணிச்சந்திரா |
சீசன் 8 | முத்துக்குமரன் | சௌந்தர்யா நஞ்சுண்டன் |
Don't miss out on the Latest Updates! Join our official WhatsApp channel and follow us on, YouTube, Instagram, Facebook, and Twitter for Breaking News. Send your press releases to: [email protected]