இன்று மாலை சீரியல் ரசிகர்களுக்கு இன்ப அதிர்ச்சி அளிக்கும் விதமாக ஜீ தமிழ் தொலைக்காட்சி ‘Getti Melam’ என்ற புத்தம் புதிய சீரியலின் ப்ரோமோவை வெளியிட்டுள்ளது. இதில் முக்கிய கதாபாத்திரத்தில் நடிக்கும் நடிகர்களின் பெயருடன் இந்த ப்ரோமோ அமைந்துள்ளது.
ஜீ தமிழ் நிறுவனம் பல விதமான தொடர்களை மேட்னி மற்றும் ப்ரைம் டைமில் ஒளிபரப்பி வருகிறது. ஆனால் TRP ரேட்டிங்கில் சன் டிவி மற்றும் விஜய் டிவி சீரியல்கள் முன்னிலை வகித்து வருகிறது. இதில் சற்று ஏற்றம் காண புது விதமான யுக்தியை ஜீ தமிழ் கையில் எடுத்துள்ளது.
Getti Melam – 1 மணி நேர சீரியல்
தமிழ் தொலைக்காட்சியில் முதல் முறையாக 1 மணி நேரம் ஒளிபரப்பாகவுள்ளது புத்தம் புதிய மெகா தொடர் “Getti Melam”. பார்வையாளர்களின் கவனத்தை ஈர்க்கும் வகையில் ரம்யமான இயற்கை மற்றும் வண்ணமயமான பின்னணியில் ப்ரோமோ வெளியானது.
நட்சத்திர பட்டாளம்
தற்போது வெளியாகி உள்ள ப்ரோமோவில் ஒவ்வொரு நடிகர்களும் அவர்களின் பின்னணியுடன் அறிமுகம் செய்யப்படுகின்றனர். அதில் முதலாவதாக, சன் டிவி & விஜய் டிவியில் ஒளிபரப்பான “பிரியமானவள், ராஜா ராணி” தொடர்களில் அம்மா மற்றும் மாமியார் கதாபாத்திரங்களில் நடித்த நடிகை பிரவீனா, “ரோஜா” சீரியலின் நாயகனாக நடித்து தனக்கான ரசிகர் கூட்டத்தை உருவாக்கிய நடிகர் சிபு சூரியன், “பேரழகி, அன்பே வா” தொடர்களில் நடித்த விராத், மற்றும் ஜீ தமிழில் ஒளிபரப்பான “மீனாட்சி பொண்ணுங்க” தொடரின் நாயகி சௌந்தர்ய ரெட்டி முக்கிய கதாபாத்திரத்தில் நடிக்க உள்ளனர்.
மேலும், இவர்களுடன் கோலிவுட் பிரபலங்கள் நடிகர் பொன்வண்ணன் மற்றும் நடிகை சாயா சிங் இணைந்துள்ளனர்.
கதாபாத்திரங்களின் பெயர் & குணாதிசயங்கள்
| பொன்வண்ணன் | சிவராமன் | அன்பான அப்பா |
| பிரவீனா | லட்சுமி | குடும்பத்தை தாங்கும் அம்மா |
| சாயா சிங் | துளசி | சுதந்திரமான பெண் |
| சிபு சூரியன் | வெற்றி | ஆர்வமுள்ள அரசியல்வாதி |
| விராத் | மகேஷ் | கோபம் கொப்பளிக்கும் பிசினஸ்மேன் |
| சௌந்தர்யா | அஞ்சலி | எளிமையான இளம் பெண் |
புதுமையான முயற்சியில் வெளியான இந்த சீரியலின் ப்ரோமோ மக்களின் கவனத்தை ஈர்த்துள்ளது என்பது குறிப்பிடத்தக்கது. மேலும் இந்த தொடர் வரும் ஜனவரி 20 முதல் இரவு 7.30 மணிக்கு ஒளிபரப்பாக உள்ளது.
Don't miss out on the Latest Updates! Join our official WhatsApp channel and follow us on, YouTube, Instagram, Facebook, and Twitter for Breaking News. Send your press releases to: [email protected]
