குக் வித் கோமாளி நிகழ்ச்சி வழியாக தற்போதைய தமிழ் சினிமா மற்றும் தொலைக்காட்சி ரசிகர்களுக்கு பரிட்சயமான முகமாக மாறியவர் Shrutika Arjun. இவரின் கலகலப்பான பேச்சும், அழகான சிரிப்பும் இவரை மக்களிடையே மிக எளிதாக பேசும்பொருளாக மாற்றி, இவருக்கான ரசிகர்களும் பெருகினர்.
இவர் Bigg Boss நிகழ்ச்சியில் பங்கேற்பதாக வெளியான தகவலை அடுத்து, தமிழ் பிக் பாஸ் நிகழ்ச்சியில் பங்கேற்கிறார் என கணிக்க பட்டது. அப்படி பேசிய அனைவருக்கும் ஒரு பெரிய திருப்பத்தை கொடுத்துவிட்டார் Shrutika Arjun. இவர் தற்போது ஹிந்தி மொழியில் நடக்கும் Bigg Boss நிகழ்ச்சியில் போட்டியாளராக சேர்ந்துள்ளது பாலருக்கும் அதிர்ச்சியாக அமைந்துள்ளது.
ஹிந்தி Bigg Boss நிகழ்ச்சியில் பங்கேற்கும் Shrutika Arjun யார்?
தமிழ் சினிமாவில் பிரபல குணச்சித்திர நடிகராக இன்றளவும் பேசப்படுபவர் நடிகர் தேங்காய் ஸ்ரீனிவாசன். இவரின் பேத்தி Shrutika, தன்னுடைய 16 வயதில் நடிக்க முதல் வாய்ப்பு கிடைக்க, அதிலும் நடிகர் சூரியா கதாநாயகனாக நடித்து 2002ல் வெளியான ‘ஸ்ரீ’ படத்தில் அறிமுகமானார். இந்த படத்தில் முக்கியமான கதாபாத்திரத்தில் நடித்தவருக்கு நல்ல விமர்சனங்கள் கிடைத்தது. மேலும் அதே வருடம் ‘Album’ என்ற படத்திலும் நடித்தார்.
பின்னர் 2003ல் நடிகர் மௌலி இயக்கத்தில் கமல் ஹாசன் எழுதிய ‘நள தமயந்தி’ படத்தில் மாதவன், கீது மோகன்தாஸ் ஆகியோருடன் Shrutika Arjun நடித்திருந்தார். இந்த படத்திலும் இவரின் நடிப்பு நன்றாக இருப்பதாக பலரும் குறிப்பிட்டிருந்தனர். தொடர்ந்து மலையாளம் சினிமாவில் ‘ஸ்வப்னம் கொண்டு துலாபாரம்’ என்ற படத்திலும் நடித்தார்.
‘ஸ்ரீ’ படத்துக்கு பின் Shrutika பிரபலமான படம் ‘தித்திக்குதே’. நடிகர் ஜீவா, நடிகை ஸ்ரீதேவி விஜயகுமார் நடித்த படத்தில் ‘ஸ்ருதி’ என்ற துணை கதாபாத்திரத்தில் நடித்திருப்பார். இந்த படத்தின் தோல்விக்கு பின் தன்னுடைய திரை பயணத்தை தொடராமல், படிப்பில் கவனம் செலுத்தினார்.
திரைப்படங்களில் நடிப்பதை நிறுத்திய Shrutika, பட்டப்படிப்பில் தங்க பதக்கம் பெற்று பின்னர் நடிப்பதில் ஆர்வம் காட்டவில்லை. இவர் தொழிலதிபர் Arjun என்பவரை திருமணம் செய்துகொண்டு நடிப்பதை ஒத்திவைத்திருந்தார். இவருக்கு தற்போது ஒரு மகன் உள்ளார்.
இவர் 2020 முதல் மீண்டும் நடிக்க தயாராக உள்ளதாக தெரிவித்ததை அடுத்து, இவர் ஒரு ஆயுர்வேத cosmetics நிறுவனத்தை தொடங்கி வெற்றிகரமாக நடத்திவருகிறார். இவருக்கு 2021ல் ET Inspiring Leader விருது கிடைத்தது. மேலும் 2022ல் She Beauty Awards சார்பாக சிறந்த தொழிலதிபர் விருதும் கிடைத்தது.
24-hrs முதல் eviction பல twist-களுடன் தொடங்கியது Big Boss Tamil Season 8!!
இவர் 2022ல் குக் வித் கோமாளி சீசன் 3ல் போட்டியாளராக பங்கேற்றார். முதலில் இவரின் நடவடிக்கையை பார்த்து அனைவரும் வேண்டுமென்றே ரசிகர்களை சேர்க்க இப்படி நடிக்கிறார் என பேசினாலும், வாராவாரம் அவரின் நிஜ குணம் இப்படி தான் என மக்கள் அறிந்துகொண்டனர்.
இப்போது Bigg Boss ஹிந்தியில் போட்டியாளராக அறிமுகமாகியுள்ள Shrutika Arjun, பொய்யாக நடிக்கிறார், இவர் ஹிந்தி பிக் பாஸில் தாக்குபிடிக்கமாட்டார் என்றும், நிஜமான Chennai Express படத்தில் வரும் தீபிகா படுகோன் என்றெல்லாம் விமர்சிக்கப்படுகிறார். இதற்கு முன் ஹிந்தி பிக் பாஸ் நிகழ்ச்சியில் தென்னிந்தியாவை சேர்ந்த யாருமே பங்கேற்கவில்லை என்பதும், இவர் தான் முதல் தமிழ் போட்டியாளர் என்பதும் குறிப்பிடத்தக்கது.
முதல் நாள் முடிவில் Shrutikaவுக்கு அவரின் ரசிகர்கள் நல்ல ஆதரவு தந்திருப்பதும், இவரை போல ஒரு நகைச்சுவையான, எதார்த்தமான போட்டியாளர் ஹிந்தி பிக் பாஸ் நிகழ்ச்சியில் ஒரு புது திருப்பமாக இருக்கும் என்றும் பேச்சு எழுந்துள்ளது. பிற மொழி பிக் பாஸில் பங்கேற்பதும், அதில் எப்படி இவர் பயணிக்க போகிறார் என்பதும் போக போக தெரியவரும்.
