வெள்ளித்திரையில் தோன்றி உலகம் முழுவதும் பிரபலம் அடையும் நடிகர் நடிகைகள் பல சமயங்களில் ரசிகர்களின் நினைவில் இருந்து நீங்கக்கூடும். ஆனால், சின்னத்திரையில் நடிக்கும் ஒவ்வொரு சிறு கதாபாத்திரம் முதல் முக்கிய கதாபாத்திரங்கள் வரை, அனைவரும் வாரம் முழுவதும் தோன்றுவதால் அவர்கள் குடும்பத்தின் ஒரு அங்கமாக மாறிவிடுகின்றனர். அதோடு கதாநாயகன், நாயகி ஜோடியை காட்டிலும் துணை கதாபாத்திரங்கள் ஜோடி தற்போது மக்களின் கவனத்தை ஈர்த்துவருகின்றனர்.
Read More: விஜய் டிவியில் ஒளிபரப்பாகும் சீரியல்களின் பட்டியல் இதோ!
நடிகை Saai Gayatri விலகிய காரணம் என்ன?
அந்த வகையில், விஜய் டிவியில் மாலை 6 மணிக்கு ஒளிபரப்பாகும் ‘நீ நான் காதல்’ என்ற தொடரில் நாயகியின் அக்கா கதாபாத்திரத்தின் பெயர் தான் அணு. இந்த பாத்திரத்தில் நடிகை Saai Gayatri நடித்து வந்தார், இவரின் இயல்பான நடிப்பு சின்னத்திரை ரசிகர்களை கவர்ந்த காரணத்தால் அவரின் விசிறிகள் கூட்டம் பெருகியது. மேலும் அவரின் இணை பாத்திரத்தில் நடிக்கும் நடிகர் சங்கரேஷ் குமார் கதாபாத்திரமான ஆகாஷ் ரசிகர்கள் மத்தியில் கூடுதல் கவனத்தை பெற்றது. சில மாதங்களுக்கு முன் தனது உடல்நிலையில் சில பிரச்சனையை சந்தித்த காரணத்தால் தற்காலிகமாக ‘நீ நான் காதல்’ தொடரிலிருந்து விலகுவதாக நடிகை Saai Gayatri தனது இன்ஸ்டாகிராம் பக்கத்தில் அறிவித்தார். இது அவரின் ரசிகர்களுக்கு பேரதிர்ச்சியாக அமைந்தது.
Read More: ஜீ தமிழில் புத்தம் புதிய மெகா தொடர் ‘Raman Thediya Seethai’!!
மீண்டும் இணையும் Saai Gayatri
அதன் பிறகு ‘அணு’ பாத்திரத்தில் நடிகை அஷ்ரிதா நடித்து வந்தார். தற்போது உடல்நிலையில் நல்ல ஏற்றம் கண்ட பிறகு மீண்டும் அணு கதாபாத்திரத்தில் தான் இணைந்துவிட்டதாக ஷூட்டிங்கில் இருந்து புகைப்படம் எடுத்து உறுதி செய்தார் Saai Gayatri. இதையடுத்து ரசிகர்கள் தங்களின் சமூக வலைதள பக்கத்தில் தங்களின் மகிழ்ச்சியை வெளிப்படுத்தி வருகின்றனர்.
| தொடரின் பெயர் | நீ நான் காதல் |
| ஒளிபரப்பாகும் டிவி சேனல் | விஜய் டிவி |
| நேரம் | மாலை 6 மணி |
Don't miss out on the Latest Updates! Join our official WhatsApp channel and follow us on, YouTube, Instagram, Facebook, and Twitter for Breaking News. Send your press releases to: [email protected]
