2024-ம் ஆண்டில் 34வது வாரத்துக்கான TRP தரவரிசை இன்று வெளியானது. இந்த வாரமும் விஜய் டிவியின் சிறகடிக்க ஆசை முதலிடம் பிடித்திருந்தாலும், விஜய் டிவி, சன் டிவி என இரண்டு முன்னணி சேனல்களும் சரிவை சந்தித்திருக்கின்றன.
ஜீ தமிழ் தொலைக்காட்சி மட்டுமே இந்த வாரம் ஏற்றத்தைக் கண்டிருக்கிறது. சேனல்களுக்கு இடையேயான TRPயில் சன் டிவி 790 TRPயுடன் முதலிடத்தில் இருக்க, விஜய் டிவி 618 புள்ளிகளுடன் இரண்டாவது இடத்தில் இருக்கிறது.
சன் டிவியின் ஷேர் 37.3 சதவிகிதமாகவும், விஜய் டிவியின் ஷேர் 29.2 சதவிகிதமாகவும் குறைந்திருக்கிறது. காரணம் கடந்த வாரம் சன் டிவி 833, விஜய் டிவி 664 TRP புள்ளிகளுடன் இருந்தன. இந்த வாரம் இரண்டு சேனல்களுமே முறையே 43, 46 TRP புள்ளிகள் குறைந்திருக்கின்றன.
மாறாக ஜீ தமிழ் தொலைக்காட்சியோ 427 TRP புள்ளிகள் மட்டுமல்லாது 20.2 சதவிகித ஷேர் பெற்று மூண்றாம் இடம்பிடித்திருக்கிறது. பல மாதங்களுக்குப் பிறகு ஜீ தமிழ் மீண்டும் 20 சதவிகித ஷேரை எட்டியிருக்கிறது.
அதுமட்டுமல்லாத கிராமங்களுக்கான ரூரல் ரேட்டிங்கில் ஜீ தமிழ் விஜய் டிவியை வீழ்த்தி இரண்டாம் இடம்பிடித்திருக்கிறது. ரூரல் ரேட்டிங்கில் சன் டிவி 719 TRP புள்ளிகளும், ஜீ தமிழ் 412 புள்ளிகளும், விஜய் டிவி 404 புள்ளிகளும் பெற்றிருக்கிறது.
இந்த வார டாப் 10 சீரியல்கள்
TRP தரவரிசை | தமிழ் சீரியல் | TRP மதிப்பு |
---|---|---|
1 | சிறகடிக்க ஆசை | 9.42 TRP |
2 | சிங்கப்பெண்ணே | 7.74TRP |
3 | கயல் | 7.56TRP |
4 | மூன்று முடிச்சு | 7.12TRP |
5 | பாக்கியலட்சுமி | 7.12TRP |
6 | மல்லி | 7.04TRP |
7 | மருமகள் | 6.88TRP |
8 | பாண்டியன் ஸ்டோர்ஸ் | 6.75TRP |
9 | சின்ன மருமகள் | 6.43TRP |
10 | சுந்தரி | 6.30TRP |