பல்வேறு தமிழ் டப்பிங் செய்யப்பட்ட ஹிந்தி சீரியல்கள் வெளிவந்து வெற்றி பெற்று வரும் நிலையில் அந்த வரிசையில் புதிய சீரியல் மயில் -இன் ப்ரோமோ வீடியோவை வெளியிட்டது கலர்ஸ் தமிழ் நிறுவனம். இது தமிழ் பார்வையாளர்களிடையே பெரும் வரவேற்பைப் பெற்றுள்ளது.
அதீப் கான், அஜய் குமார், பவன் குமார், ராகுல் திவாரி மற்றும் ஸ்ரீனிவாஸ்தவ் என ஐந்து இயக்குநர்களால் இயக்கப்பட்ட இம்லி (Imlie) சீரியல் 16 November 2020 முதல் 12 May 2024 வரை Star Plus Network- இல் வெளியாகி மிகப்பெரிய வெற்றியை பெற்றது. சும்புல் தவுக்கீர் மற்றும் காஷ்மீர் மஹாஜனி நடித்துள்ள இத்தொடர் ரேட்டிங் வாரங்களில் முதலிடம் பிடித்து வந்துள்ளது.
இம்லி என்னும் இளம் மற்றும் புத்திசாலி கிராமத்துப்பெண், கடுமையான மழையின் போது ஒரு பத்திரிகையாளருடன் குடிசையில் இரவு முழுவதும் தங்குவதால், அவரையே திருமணம் செய்து கொள்ள வேண்டிய கட்டாயம் ஏற்படுகிறது. அதன் பிறகு அவள் டெல்லிக்கு சென்று தனது புதிய வாழ்க்கையை தொடங்குகிறாள்.
அங்கு அவள் மேற்கொள்ளும் சவால்கள், வாழ்க்கைத்திருப்பங்கள் என பல்வேறு சுவாரசியமான கதைக்களத்துடன் கதை நகர்கிறது. சாதாரணமான குடும்ப கதையாக மட்டும் இல்லாமல், வெகுளியான பெண், வாழ்வில் நடந்த ஒரு திருப்பத்தால், எப்படி புத்திசாலியாக மாறுகிறாள் என்னும் கோணத்தில் கதை செல்வதால், ரசிகர்களிடம் ஏகபோக வரவேற்பைப்பெற்றது.
இந்த சீரியல் மொத்தம் 3 சீசன் 1176 எபிசோடுகளாக வெளியானது. இதன் தமிழ் டப்பிங்கான மயில் சீரியலின் ப்ரோமோவை கலர்ஸ் டிவி யூடுபியில் வெளியிட்டுள்ளது. விரைவில் வெளியாகும் என அறிவித்துள்ள நிலையில் இன்னும் ரிலீஸ் தேதி தெரிவிக்கப்படவில்லை.
மயில் சீரியலின் குழுவினர்
| நடிகர்கள் | சும்புல் தவுக்கீர் மற்றும் காஷ்மீர் மஹாஜனி |
| இயக்குனர்கள் | அதீப் கான், அஜய் குமார், பவன் குமார், ராகுல் திவாரி மற்றும் ஸ்ரீனிவாஸ்தவ் |
| இசை | தபாஸ் ரெலியா |
| வெளியீட்டு தேதி | அறிவிக்கப்படவில்லை |
| நேரம் | அறிவிக்கப்படவில்லை |
Don't miss out on the Latest Updates! Join our official WhatsApp channel and follow us on, YouTube, Instagram, Facebook, and Twitter for Breaking News. Send your press releases to: [email protected]
