பெண்களை மையப்படுத்திய “Dhanam” என்ற புதிய மெகா சீரியல் விஜய் டிவியில் விரைவில் லான்ச் செய்யப்பட உள்ளது. இந்த தொடரின் லான்ச் ப்ரோமோ இன்று வெளியாகியுள்ளது. சற்று வித்யாசமான கதை திருப்பத்தை வைத்து வெளியான ப்ரோமோ ரசிகர்கள் மத்தியில் நல்ல வரவேற்பை பெற்றுள்ளது.
“Dhanam” – இரு கை பாரம் ஒரு கை தாங்குமா?
ப்ரோமோவின் தொடக்கத்தில் நாயகன் மற்றும் நாயகி இருவருக்கும் புதிதாக திருமணம் ஆனது காண்பிக்கப்படுகிறது. தனது குடும்பத்தில் இருக்கும் இரு தங்கை மற்றும் தம்பியின் எதிர்காலம் உறுதி செய்ய வேண்டும் என்ற தனது லட்சியத்தை தனது மனைவியிடம் கூறும் நாயகன். முழுமனதுடன் நாயகியும் ஏற்று கொள்ள, அடுத்த காட்சியில் கடன் காரர்கள் முன் அவமானம் படும் நாயகி அந்த நிமிடம் சமாளிக்க அருகில் இருக்கும் மாமியார் அவளின் வருகைக்கு பிறகே அனைத்து பிரச்சனையும் வந்ததாக குற்றம் சாட்டுகிறார். இறுதியில் பார்வையாளர்களுக்கு அதிர்ச்சி அளிக்கும் விதமாக நாயகன் மரணித்த பிறகு தனது கணவனின் லட்சியத்தை நிறைவேற்ற தனியாக போராடும் ஒரு பெண்ணின் கதையே “தனம்”. விஜய் டிவியில் இதுவரை ஒளிபரப்பாகும் மெகா தொடரில் காண்பிக்கப்படும் நாயகிகளில் இருந்து வித்யாசமாக இந்த தொடரின் கதாநாயகி ஆட்டோ ஓட்டுநராக காண்பிக்கபடுவது பாராட்டுக்குரியதாக இருக்கிறது.
இந்த ப்ரோமோவில் தொடரின் முன்னணி கதாபாத்திரத்தில் நடிக்கும் நடிகர்கள் யார் என்பது அறியமுடிகிறது.
- சத்யா தேவராஜன் – தனம்
- ஸ்ரீ – தனத்தின் கணவர்
- ரூபஸ்ரீ – மாமியார்
- ஐஷு ரவிச்சந்திரன் – தங்கை
முன்னணி மெகா தொடர் “பாக்கியலட்சுமி” இறுதி கட்டத்தை நெருங்குகின்ற நிலையில், புத்தம் புதிய தொடர் “Dhanam” அதற்கு மாற்றாக அமைய வாய்ப்புள்ளது. இதையடுத்து, பிப்ரவரி 17 ஆம் தேதி முதல் திங்கள் முதல் சனிக்கிழமை வரை மதியம் மூன்று மணிக்கு ஒளிபரப்பாக உள்ளது.
Don't miss out on the Latest Updates! Join our official WhatsApp channel and follow us on, YouTube, Instagram, Facebook, and Twitter for Breaking News. Send your press releases to: [email protected]