சன் டிவி, விஜய் டிவி, ஜீ தமிழ் போலவே கலைஞர் டிவியிலும் தற்போது ரியாலிட்டி ஷோ ஒளிபரப்பான வண்ணம் உள்ளது. அடுத்த முயற்சியாக சீரியல் மூலம் TRP ரேட்டிங்கில் தன்னை முன்னணியில் வைக்க கலைஞர் டிவி முயற்சியெடுத்துள்ளது. அது எந்த அளவு சாத்தியம் என பார்க்கலாம்.
சில நாட்களுக்கு முன்பு யாரும் எதிர்பாராத விதமாக கலைஞர் டிவியில் பவித்ரா சீரியல் ப்ரோமோ ஒன்று வெளியாகி கவனிக்க வைத்தது. சீரியலில் நாயகனாக பிக் பாஸ் நட்சத்திரம் கவிஞர் சினேகன் நடிக்கவுள்ளார். நாயகியாக செய்தி வாசிப்பாளர் அனிதா சம்பத் நடிக்கிறார்.
பாடலாசிரியராக பல பாடல்கள் எழுதி வந்த சினேகன் விஜய் டிவியில் ஒளிபரப்பான பிக்பாஸ் நிகழ்ச்சியில் பங்குபெற்று பிரபலமடைந்திருந்தார். பிக் பாஸ் நிகழ்ச்சிக்கு முன்பு ஓரளவு மட்டுமே பிரபலமான சினேகன் பிக் பாஸ் நிகழ்ச்சிக்கு பின்பு நாம் ரசித்த பல பாடல்களை எழுதியது இவர்தான் என தெரியவந்தது.
நாயகியான அனிதா சம்பத் செய்தி வாசிப்பாளராக தன்னை அடையாளப்படுத்திய பிறகு, பிக் பாஸ் நிகழ்ச்சியில் கலந்துகொண்டார். தெளிவான தமிழ் உச்சரிப்பு கொண்ட நடித்த அனிதா சம்பத் ஒரு சில படங்களில் நடிக்க வாய்ப்பு கிடைத்தது.
தற்போது கலைஞர் டிவியில் ஒளிபரப்பாகவுள்ள பவித்ரா சீரியலில் சினேகன் பாரதி கேரக்டரிலும், அனிதா சம்பத் பவானி கேரக்டரிலும் நடிக்கவுள்ளனர். இவர்களது காம்பினேஷன் புதிதாக உள்ளது.
மேலும் விஜய், ஜெயம் ரவி போன்ற நடிகர்களுக்கு அம்மாவாக நடித்த கீதா இந்த சீரியலில் அனிதா சம்பத்துக்கு அம்மாவாக நடிக்கிறார். சுந்தரா ட்ராவல்ஸ் திரைப்படத்தில் நடித்த நடிகை ராதா, காயத்ரி ஆக வில்லி கேரக்டரிலும் நடிக்கவுள்ளார்.
கிராமத்து கதைக்களத்தில் பெரிய வீட்டில் வாழும் பெண்ணாக அனிதா சம்பத்தும், அங்கு வேலை செய்யும் நபராக சினேகன் இருந்துவருகிறார். இவர்களுக்கு இடையே காதல் ஏற்படுகிறது.
சன் டிவியில் வெளியாக காத்திருக்கும் புத்தம்புது சீரியல் “புனிதா”
சீரியல் இயக்குனராக நினைத்தாலே இனிக்கும், யாரடி நீ மோஹினி போன்ற தொடர்களை இயக்கிய D. பிரியன் இயக்கவுள்ளார். கலைஞர் டிவியில் ஒளிபரப்பாகும் பவித்ரா சீரியல் வரும் நவம்பர் மாதம் 4 – ஆம் தேதி திங்கள் முதல் சனி வரை இரவு 8.30 மணிக்கு ஒளிபரப்பாகவுள்ளது. நவம்பர் 4 -ஆம் தேதி மட்டும் இரவு 7 முதல் 9 மணி வரை முன்னோட்டமாக ஒளிபரப்பாகவுள்ளது.
| சீரியல் பெயர் | பவித்ரா |
| ஒளிபரப்பு நேரம் | திங்கள் முதல் சனி வரை இரவு 8.30, |
| தொலைக்காட்சி | கலைஞர் டிவி |
| நடிகர்கள் | சினேகன், அனிதா சம்பத், கீதா, ராதா |
| இயக்குனர் | D. பிரியன் |
Don't miss out on the Latest Updates! Join our official WhatsApp channel and follow us on, YouTube, Instagram, Facebook, and Twitter for Breaking News. Send your press releases to: [email protected]
