பிரபல டிவி சேனலான சன் டிவியில் தினமும் பல சீரியல்கள் ஒளிபரப்பாகிக் கொண்டிருக்கிறது. இதில் பாப்புலரான சீரியல்களில் ஒன்று ‘மிஸ்டர் மனைவி’. இந்த சீரியல் கடந்த ஆண்டு (2023) மார்ச் 6-ஆம் தேதி முதல் தற்போது வரை 370 எபிசோடுகளை கடந்து ஒளிபரப்பாகிக் கொண்டிருக்கிறது.
இதில் ஷபானா, பவன் ரவீந்திரா லீட் ரோல்களில் நடிக்க, இதனை சுலைமான் இயக்கி வருகிறார். ‘அஞ்சலி தேவி’ என்ற ரோலில் வலம் வந்து ரசிகர்களிடம் லைக்ஸ் குவித்த நடிகை ஷபானா, கடந்த வாரம் இந்த சீரியலில் இருந்து விலகப்போவதாக தனது இன்ஸ்டாகிராம் பக்கத்தில் அதிகாரப்பூர்வமாக அறிவித்தார்.
இதனைத் தொடர்ந்து இவர் கர்ப்பமாக இருப்பதால் தான் இந்த முடிவை எடுத்ததாக தண்டோரா போடப்பட்டதுக்கும், மறுப்பு தெரிவித்து பதிவு போட்டிருந்தார். தற்போது, ‘மிஸ்டர் மனைவி’ சீரியலில் ஷபானாவுக்கு பதிலாக நடிக்க நடிகை தேப்ஜானி மோடக் கமிட்டாகியிருப்பதாக தகவல் வெளியாகியுள்ளது. இவர் சன் டிவியில் ஒளிபரப்பாகி வரும் ‘வானத்தைப்போல’ சீரியலிலும் நடித்து வருவது குறிப்பிடத்தக்கது.
