விகடன் தமிழ் தொலைக்காட்சிகளில் நம்பர் 1 சீரியல்களை தயாரிக்கும் வெற்றிக்கரமான நிறுவனம். ‘கோலங்கள்’, ‘திருமதி செல்வம்’, ‘தெய்வமகள்’ என சன் டிவியில் ஹிட் அடித்த பல சீரியல்களை தயாரித்தது விகடன். இதன்பிறகு சன் Tvக்கும், விகடன் நிறுவனத்துக்கும் செய்திகள் தொடர்பாக முட்டிக்கொள்ள, சன் டிவியில் இருந்து விகடன் வெளியேறியது.
விஜய் டிவிக்குச் சென்ற விகடன் ‘தமிழும் சரஸ்வதியும்’ என்கிற சீரியலை தயாரித்தது. இதற்கு சுமாரான வரவேற்பு கிடைத்தாலும் விஜய் டிவி விகடன் நிறுவனம் மேல் நம்பிக்கை வைத்து இன்னொரு ஸ்லாட் கொடுக்க, தமிழின் சூப்பர் டூப்பர் சீரியலை தயாரிக்கத் தொடங்கியது விகடன்.
ஆமாம்… இன்று ஒட்டுமொத்த தொலைக்காட்சி டிஆர்பிக்களிலும் நம்பர் 1 இடத்தில் இருக்கும் ‘சிறகடிக்க ஆசை’ விகடன் தயாரிப்புதான். ‘சிறகடிக்க ஆசை’ விகடன் நிறுவனத்தின் கதை என்பதோடு ஸ்டார் நெட்வொர்க் முழுக்க தற்போது இந்த தொடர் ரீமேக் செய்யப்பட்டு இந்தி, தெலுங்கு, மலையாளம், பெங்காலி எனப் பல மொழி பேசிக்கொண்டிருக்கிறது.
இதனால் தொலைக்காட்சி தயாரிப்பில் முதல் இடத்தில் இருக்கும் விகடனுடன் டீல் போட்டது ஜீ தமிழ். விகடனின் கதை எல்லாம் ஓகே ஆகி ஷூட்டிங் தொடங்க இருந்த நிலையில் ‘’விகடன் ஜீ தமிழில் சீரியல் தயாரிக்க கூடாது’’ என தடைப்போட்டுவிட்டது ஜியோ ஹாட்ஸ்டார் நிறுவனம். ‘’விஜய் டிவியிலேயே இன்னும் 2 சீரியல்கள் கூட நீங்கள் தயாரிக்கலாம். ஆனால் ஜீ தமிழுக்கு போகக்கூடாது’’ என சொல்லப்பட விகடன் நிறுவனமும் நல்லபிள்ளையாக விஜய் டிவி சொன்னதற்கு ஓகே சொல்லிவிட்டது.
இப்போது விகடன் தயாரிப்பதாக இருந்த சீரியலை அபிராமி திரையரங்க நிறுவனம் தயாரிக்கிறது. இந்த சீரியலில் ஹீரோவாக நடிக்க இருப்பது Vijay Tv பிரபலம்தான்!
Don't miss out on the Latest Updates! Join our official WhatsApp channel and follow us on, YouTube, Instagram, Facebook, and Twitter for Breaking News. Send your press releases to: [email protected]
