Zee Tamil சேனலில் விகடன் தயாரிக்க இருந்த புதிய சீரியலை அபிராமி நிறுவனம் தயாரிக்க இருப்பதோடு, விஜய் டிவி பிரபலம் நடிக்க இருப்பதாகவும் செய்தி வெளியிட்டிருந்தோம். அதன்படி அந்த சீரியலில் நடிக்க இருப்பது வேறு யாருமல்ல… கனா காணும் காலங்கள் சீரியல் மூலம் பிரபலமடைந்த இர்ஃபான்தான்.
சின்னத்திரையின் சூப்பர் ஸ்டாராக உயர்ந்த இர்ஃபான் பின்னர் விஜய் டிவியின் சரவணன் மீனாட்சி தொடரிலும் நடித்தார். அதன்பிறகு கேரம் விளையாட்டு தொடர்பாக எடுக்கப்பட்ட ‘சுண்டாட்டம்’ எனும் படத்தில் ஹீரோவாகவும் நடித்தார்.
சின்னத்திரையில் இருந்து சினிமாவுக்குப்போன இர்ஃபான் திடீரென மீடியாவில் இருந்து காணாமலும் போனார். ஹோட்டலில் இவர் சர்வராக வேலை செய்யும் வீடியோக்கள் வைரலாகி பரபரப்பானது. ‘’ஃப்ரெண்டு கடையில் நட்புக்காக வேலைபார்த்தேன்’’ என்ற இர்ஃபான் இப்போது மீண்டும் தொலைகாட்சி உலகத்துக்குள் வந்திருக்கிறார்.
ஜீ தமிழில் மே மாதவாக்கில் வெளியாகயிருக்கும் சீரியலில் ஹீரோவாக நடிக்கிறார் இர்ஃபான். இதன் ப்ரோமோ விரைவில் வெளியாகயிருக்கிறது.
Don't miss out on the Latest Updates! Join our official WhatsApp channel and follow us on, YouTube, Instagram, Facebook, and Twitter for Breaking News. Send your press releases to: [email protected]
