முதல் போட்டியாளராக இந்த Bigg Boss தமிழ் 8ல் நுழைந்த பிக் பாஸ் reviewer ரவீந்தர் சந்திரசேகர், முதல் வாரத்திலேயே வெளியேறியுள்ளார். இந்த சீசனில் இவருடைய விளையாட்டு எப்படி அமையும் என்ற எதிர்பார்ப்பு அதிகமாக இருந்த நிலையில், முதல் போட்டியாளராக இவர் evict ஆகியுள்ளது ஆச்சரியமாக உள்ளது.
Bigg Boss தமிழ் 8ல் இதுவரை
5 வார நாட்களில் Bigg Boss தமிழ் 8 போட்டியாளர்கள் இந்த நிகழ்ச்சியில் பங்கேற்றது பற்றியும், இந்த முதல் வாரத்தில் இந்த சீசன் எப்படி அமைய போகிறது என்ற கணிப்பையும் ஓரளவுக்கு வளர்த்திருப்பார்கள். அப்படி முதல் வாரத்தில் சிலர் அவர்களின் முகமூடியை கழட்டி தெளிவாக விளையாட தொடங்கினாலும், பலர் மக்கள் தங்களை எப்படி கணக்கிடுவார்கள் என்ற எண்ணத்தில் போலியாக விளையாடி வருகிறார்கள்.
Bigg Boss தமிழ் 8 நாள் 6 -ல் முதல் வாரம் எப்படி இருந்தது?
சனிக்கிழமை இந்த வாரத்தில் நடந்த விஷயங்களை பற்றி பேசிய போட்டியாளர்கள், இந்த வாரம் நடந்த பேசப்படாத சண்டைகளையும், போட்டிகளையும் பற்றி பேசினார்கள். முதலில் விஜய் சேதுபதி அவர்கள் மக்களிடம் அவரின் anchoring எப்படி இருந்தது என்பதிற் கேட்டு தெரிந்துகொண்டார். அவர் கேட்கும் கேள்விகள் மக்களுக்கு ஏற்க முடிந்ததையும் தெரிந்து கொண்ட விஜய் சேதுபதி, பின்னர் போட்டியாளர்களை திரை வழியாக சந்தித்தார்.
இந்த வாரத்தில் பெரும்பாலும் அனைவராலும் பேசப்பட்ட விஷயம், ரவீந்தர் மற்றும் ரஞ்சித் திட்டமிட்டு நடத்திய Prank தான். அதை பற்றி சனிக்கிழமை எபிசோடில் பேசினாலும் சில விளக்கங்கள் கிடைக்காமல் இருந்ததால், மீண்டும் அந்த prank பற்றிய கேள்வியை முன்வைத்தார் விஜய் சேதுபதி.
பெண்கள் அணியிலிருந்து Spy ஆக ஆண்கள் அணிக்கு சென்ற பவித்ரா ஜனனி, இந்த பிராங்க் அணைகளில் சிலரை eviction பரிந்துரையில் இருந்து நிக்க செய்யப்பட்டது என்று தெரிந்தும் அவர்களுக்கு துணையாக இருந்தாரா? என்ற கேள்வியை கேட்டார் விஜய் சேதுபதி.
இதற்கு முதலில் ரவீந்தர் முந்திக்கொண்டு, ‘பவித்ரா இதை பற்றி திட்டம் போடும்போது தெளிவாக கேட்டார்’ என கூறினார். பின்னர் பவித்ராவிடம் இந்த கேள்வியை கேட்க, ஆவர் தெளிவான பதில் சொல்லாததால், அவரிடம் பெரிதாக விவாதிக்காமல், அவரை தேர்ந்தெடுத்து ஆண்கள் பக்கம் அனுப்பிய தர்ஷிகாவிடம் கேட்டனர்.
Prank என நினைத்து பவித்ரா இதை செய்திருந்தால் பரவாயில்லை என்றும், ஆனால் ஆண்கள் பக்கம் nominate ஆகியிருந்த ரவீந்தர், ரஞ்சித் மற்றும் அருண் அவர்களை காப்பாற்ற செய்த திட்டம் என தெரிந்தும் அவர்களுக்கு உடன் சென்றால் அது தவறு என கூறினார் தர்ஷிகா.
Bigg Boss தமிழ் 8 நாள் 6: முதல் வாரத்தில் evict ஆக போவது யார்?
6 பேரில் யார் eliminate ஆகிறார்?
கடந்த வாரத்தில் சௌந்தர்யா, ஜாக்குலின், அருண், ரஞ்சித், முத்துக்குமரன் மற்றும் ரவீந்தர் ஆகியோர் eviction பரிந்துரையில் இடம் பெற்றிருந்தனர். இவர்களில் கடைசியாக யார் வெளியேற வாய்ப்பு உள்ளதாக அவர்களிடமே கேட்ட விஜய் சேதுபதி, ரவீந்தர் மற்றும் ரஞ்சித் இடம் கேட்கவில்லை. இவர்கள் இருவரும் இந்த வாரம் தான் eliminate ஆகிடுவோம் என கூறியதால் மற்றவர்களிடம் கேட்டார்.
ஜாக்குலின் மற்றும் அருண் பெரிதாக யார் வெளியேறுவார் என தெரியவில்லை என்று கூற, சனிக்கிழமை வரையில் சுய தறிய தான் வெளியேறுவார் என நினைத்ததாக கூறினார் அருண். ஆனால் சௌந்தர்யாவின் ‘sound’ மக்களுக்கு கேட்டதாகவும், அவர் இந்த வரம் eliminate ஆகவில்லை என கூறினார். முதல் முறையாக இந்த வரம் Nomination Free Pass ஒன்றை வென்றார் அருண். அவரிடம் அந்த pass கொடுக்கப்பட்டு அவரும் இந்த வீட்டில் போட்டியாளராக தொடருவார் என கூறினார் விஜய் சேதுபதி.
அடுத்ததாக முத்துக்குமரன் காப்பாற்றப்பட்டார். இப்போது கடைசி மூன்று இடங்களில் ஜாக்குலின், ரஞ்சித் மற்றும் ரவீந்தர் ஆகியோர் இருக்க, விஜய் சேதுபதி கடைசியாக ரவீந்தர் உடைய பெயரை காட்டி, முதல் வாரத்தில் வெளியேறியுள்ள போட்டியாளர் ரவீந்தர் என தெரிவித்தார்.
வெளியே வந்து reviewer ஆக மாறிய ரவீந்தர்
முதல் வாரத்தில் evict செய்யப்பட்ட ரவீந்தர், வீட்டிற்குள் பெரிதாக போட்டியாளர்களிடம் உரையாடாமல், சிலருடன் மட்டும் பேசி வெளியேறினார். வெளியே விஜய் சேதுபதியிடம் நகைச்சுவையாக பேசிய ரவீந்தர், இந்த Bigg Boss தமிழ் 8 நிகழ்ச்சிக்கு வருவதற்கு முன் இந்த நிகழ்ச்சியை review செய்தார். அதனால் இன்று வெளியேறிய பின் நேரடியாக ஒரு review கொடுக்க கேட்டார் விஜய் சேதுபதி.
அதில் அதிரடியாக அர்னவ் மற்றும் தர்ஷா குப்தா ஆகியோர் இந்த Bigg Boss தமிழ் 8ல் Fake ஆக உள்ளனர், அதாவது பொய்யாக நடித்து வருகிறார்கள் என கூறினார். மேலும் முத்துக்குமரன் மற்றும் ஜாக்குலின் ஆகியோர் இந்த வீட்டில் பலமான போட்டியாளர்கள் என்ற எண்ணத்தில் அவர்களை உத்வேகப்படுத்தினார். இந்த வீட்டில் நேர்மையாகவும், உண்மையாகவும் இருப்பவர் சுனிதா என்றும், ஆண்கள் அணியினரை விட பெண்கள் அணியினரை குருவாக விமர்சித்து சென்றார்.
இந்த முதல் eviction நடந்து முடிந்த பின் இப்போது வீட்டில் 17 போட்டியாளர்கள் இருக்க, முதல் வாரத்தில் நடந்த நிகழ்வுகளால் பல போட்டியாளர்களின் முகமூடிகள் அவிழ்க்கப்பட்டுள்ளது. அதனால் இனிமேல் இந்த விளையாட்டு சூடு பிடிக்குமா என்று பொறுத்து இருந்து பார்க்கலாம்.
