பெரிய திரைகளில் கண்டு கொண்டாடப்பட்டு வந்த உலக நாயகன் கமல்ஹாசன், Bigg Boss தமிழ் மூலம் சின்னத்திரைக்கு அறிமுகமாகி தொலைக்காட்சி வாயிலாக அனைவரின் உள்ளங்களிலும் இல்லங்களிலும் குடி புகுந்தார். 2017 ஆம் ஆண்டு துவங்கப்பட்ட இந்நிகழ்ச்சி ஏழு சீசன்களை கடந்து வெற்றிகரமாக எட்டாவது சீசனில் அடி எடுத்து வைக்க உள்ளது.
ஆகஸ்ட் 6-ஆம் தேதி நடிகர் கமல்ஹாசன் அவர்கள், அடுத்தடுத்த படங்களில் அவர் கமிட்டாகி உள்ள காரணத்தால் விஜய் டிவி தொலைக்காட்சியில் ஒளிபரப்பாகும் பிக் பாஸ் தமிழில் இனி அவர் தொகுத்து வழங்க இயலாது என்றும் அதிலிருந்து விலகிக் கொள்வதாகவும் அறிக்கை விட்டிருந்தார். இதை அடுத்து அவருக்கு பதிலாக மக்கள் செல்வன் விஜய் சேதுபதி தொகுத்து வழங்க உள்ளார். இதை குறித்த ப்ரோமோக்கள் வெளியாகி மிகுந்த எதிர்பார்ப்பை மக்களிடம் ஏற்படுத்தி உள்ளது.
Bigg Boss தமிழ் சீசன் – 8 போட்டியாளர்களின் பெயர்கள – முழு விவரம் இதோ
வரவிருக்கும் பிக் பாஸ் தமிழ் சீசன் 8-இல் கலந்துகொள்ள கூடிய போட்டியாளர்களின் விவரங்களை காணலாம்,
1) ஷாலின் ஜோயா
Image source – Instagram(@shalin_zoya)
தற்போது ஒளிபரப்பாகிக் கொண்டிருக்கும் குக்கு வித் கோமாளியில் பிரபலம் அடைந்த நடிகை ஷாலின் ஜோயா. மலையாள திரையுலகில் குழந்தை நட்சத்திரமாக அறிமுகமாகி, சின்னத்திரை மற்றும் வெள்ளித்திரையில் நடிகையாக ஜொலித்தார். அதன் பிறகு “The Family Act” என்ற திரைப்படத்தின் மூலம் இயக்குனர் அவதாரம் எடுத்திருக்கிறார்.
2) திவ்யா துரைசாமி
Image source – Instagram(@divya_duraisamy)
இந்த நிகழ்ச்சியில் பிரபலமான மற்றொரு நடிகை திவ்யா துரைசாமி ஆவார். செய்தி தொகுப்பாளர் ஆக பல தொலைக்காட்சிகளில் பனி புரிந்து உள்ளார். 2019-ல் ஹரிஷ் கல்யாண் நடித்த “இஸ்பேட் ராஜாவும் இதய ராணியும்” படத்தில் திவ்யா துரைசாமி நடிகையாக முதல் முறையாக தமிழ் சினிமாவில் அறிமுகமானார். தற்போது அவர் நடித்து வெளியான “வாழை” திரைப்படம் அவருக்கு ரசிகர்கள் மத்தியில் நல்ல வரவேற்பை பெற்று தந்தது.
3) குரேஷி
அதே நிகழ்ச்சியில் கோமாளியாக இருக்கும் குரேஷி, விஜய் டிவியில் இதற்கு முன் ஒளிபரப்பான “கலக்க போவது யாரு” சீசன் 5 டைட்டில் வின்னர் ஆவார். குக் வித் கோமாளியில் கோமாளியாக சீசன் 3-ல் இணைந்தார். அவரின் timing counter, கோமாளியாக ஒவ்வொரு வாரமும், எல்லா கதாபாத்திரத்துக்கு அவர் எடுக்கும் மெனக்கிடல் மக்களிடையே நல்ல வரவேற்பை பெற்றதை. இந்த ஆண்டு நடந்து முடிந்த 9th Annual Vijay Television Award-ல் “Favourite Comedian” விருதை பெற்றுள்ளார்.
Image source – Instagram(@kuraishi_the_entertainner)
4) அஷ்வின்
குக் வித் கோமாளியில், குக் ஆக வந்து இறுதி போட்டியில் Runner Up ஆன நடிகர் அஷ்வின் இதில் பங்கேற்க உள்ளதாக தகவல் வெளியாகியுள்ளது. சின்னத்திரையில் 2015-ல் “ரெட்டை வால் குருவி” என்ற தொடரில் கதாநாயகனாக அறிமுகமாகி, 2017-ல் “நினைக்க தெரிந்த மனமே” என்ற தொடரிலும் நடித்து கலை துறைக்குள் நுழைந்தார். அதன் பின்னே ஜீ5-ல் “தந்துவிட்டேன் என்னை” வெப் தொடரில் நடித்துள்ளார். பல ஹிட் ஆல்பம் பாடல்களிலும் நடித்துள்ளார். “செம்பி, என்ன சொல்ல போகிறாய், ஆதித்யா வர்மா” போன்ற திரைப்படங்களில் நடித்துள்ளார்.
Image source – Instagram(@ashwin_kumar)
5) மா.கா.பா.
RJ-வாக துபாயில் உள்ள ரேடியோ மிர்ச்சியில் ஆறு வருடம் பணிபுரிந்து, அதன் பின்னே தொகுப்பாளராக சின்னத்திரைக்கு நுழைந்தார். விஜய் டிவியில் தொகுப்பாளரான மா.கா.பா. ஆனந்த், “சூப்பர் சிங்கர் (ஜூனியர், சீனியர்), கம்பெனி, அது இது எது, அண்ட கா கசம், Mr. & Mrs. சின்னத்திரை” என எந்த ஒரு ரியாலிட்டி ஷோவை எடுத்தாலும் அதில் தனது நகைச்சுவை மிகுந்த, சிறப்பான தொகுத்து வழங்கும் திறனை கொண்டு பல ரசிகர்களை சம்பாதித்து உள்ளார். அவரும் இந்த சீசன் பிக் பாஸ் தமிழ் வீட்டிற்குள் நுழைவார் என்று எதிர்பாக்கப்படுகிறது.
Image source – Instagram(@makapa_anand)
6) ஜெகன்
இதற்கு முன் விஜய் டிவியில் ஒளிபரப்பான “கடவுள் பாதி மிருகம் பாதி”, “Connexion” போன்ற ரியாலிட்டி ஷோஸ் தொகுத்து வழங்கி சின்னத்திரை தொலைக்காட்சியில் சிறந்த தொகுப்பாளராக இன்றளவும் கருதப்படுகிறார். அதன் பிறகு வெளியான “அயன், அனேகன், பையா,அம்புலி, பட்டத்து யானை, மரியான், கவண், இந்தியன் 2” திரைப்படங்களின் வாயிலாக புகழ் பெற்ற நடிகர் ஜெகனும் பங்கேற்க உள்ளார்.
Image source – Instagram(@actor_jagan)
7)பூனம் பாஜ்வா
2005-ல் தெலுங்கில் வெளியான “மோதட்டி சினிமா” படத்தின் மூலம் திரைத்துறையில் தனது பயணத்தை தொடங்கினார் நடிகை பூனம் பாஜ்வா. 2008-ல் இயக்குனர் ஹரி இயக்கத்தில் வெளியான “சேவல்” படத்தில் நடித்து தமிழ் சினிமாவுக்கும் அறிமுகமானார். 2010-ல் நடிகர் ஜீவாவுடன் “கச்சேரி ஆரம்பம்” படத்தில் கதாநாயகியாக நடித்து பிரபலமான நடிகை பூனம் பாஜ்வா என்பது குறிப்பிடத்தக்கது.
Image source – Instagram(@poonam_bajwa)
8) சோனியா அகர்வால்
முதலில் தெலுங்கு சினிமாவில் அறிமுகம் ஆனாலும் தமிழில் அவர் நடித்த “7ஜி rainbow colony, புதுப்பேட்டை, காதல் கொண்டேன், கோவில், மதுர, திருட்டு பயலே” போன்ற திரைப்படங்கள் அவரை சிறந்த நடிகையாக ரசிகர்கள் மத்தியில் மிளிரச்செய்தது. சில காலம் நடிப்பில் இருந்து விலகி, மீண்டும் 2011 ஆம் ஆண்டு முதல் தற்போது வரை பல மொழிகளில் பல திரைப்படங்கள் நடித்து வருகிறார்.
Image source – Instagram(@sonia_agarwal)
9) அருண் பிரசாத்
விஜய் டிவியில் மிகப்பெரிய வெற்றி அடைந்த சீரியல் ஆன “பாரதி கண்ணம்மா”-வில் பாரதியாகவே வாழ்ந்த நடிகர் அருண் பிரசாத் இந்த சீசன் செல்வதற்கான வாய்ப்பு உள்ளதாக கூறப்பட்டு வருகிறது. சின்னத்திரைக்கு அறிமுகம் ஆவதற்கு முன்பே குறும்படங்களில் நடித்து ரசிகர்களுக்கு பரிட்சயமான நபராக மாறினார். “ஏனோ வானிலை மாறுதே, ஏதோ மாயம் செய்தாய், நிகழ் காலம், மதி மயங்கினேன்” என இவை அனைத்தும் இவரின் ஹிட்டான குறும்படங்கள். அதோடு 2017ல் “மேயாத மான்” திரைப்படத்தில் துணை நடிகர் ஆக நடித்து வெள்ளித்திரைக்கும் சென்றுள்ளார்.
Image source – Instagram(@arunprasath)
10) ttf வாசன்
இணையதள காலம் ஆன இந்த நூற்றாண்டில், நடிகர், நடிகை மட்டுமல்ல YouTube பிரபலங்களும் பிக் பாஸ் தமிழில் பங்கேற்பது புதிதல்ல. 4 மில்லியன் followers-ஐ கொண்டுள்ள “Twin Throttlers” என்ற YouTube சேனல் வைத்துள்ள TTF வாசனும் இந்த நிகழ்ச்சிக்கு வர வாய்ப்புள்ளதாக கூறப்படுகிறது. தனது YouTube சேனலில் பைக் ரைடிங் செய்து, அந்த காணொளியை பொழுதுபோக்கு மிக்க ஒன்றாக பதிவிடுவதே இவரின் தனித்துவம் என்று கூறப்படுகிறது. 2k கிட்ஸ் பலர் இவரது ஃபாலோவர்ஸ் ஆக இருந்து வருகின்றனர். சமீப காலங்களில் பல சர்ச்சைகளுக்கு உள்ளானவர் என்பது குறிப்பிடத்தக்கது.
Image source – Instagram(@ttfvasan)
11) Rj ஆனந்தி ஐயப்பன்
அவருக்கு அடுத்தபடியாக மற்றொரு Youtube பிரபலமான யூகிக்கப்படும் மற்றொரு போட்டியாளராக கருதப்படுகிறார். “The Book Show” என்ற youtube சேனலை நடத்தி வருகிறார் இதில் தமிழ் மற்றும் ஆங்கில மொழிகளில் வெளியிடப்படும் புத்தகங்களை ரிவ்யூ செய்வதும் அதை குறித்த கருத்துகளை பகிர்வதும் இவரது சேனலின் பிரதானமான கூறாக உள்ளது. Instagram மற்றும் YouTube இல் மிகச்சிறந்த influencer ஆக வலம் வருபவர்களில் இவரும் ஒருவர். அதோடு “கோமாளி, நெற்றிக்கண், பிகில், D Block, நண்பன் ஒருவன் வந்த பிறகு, தாராள பிரபு, மற்றும், Ctrl+Z” போன்ற வெற்றி பெற்ற திரைப்படங்களிலும் நடித்துள்ளார் என்பது இந்த நிகழ்ச்சியில் பங்கேற்க வாய்ப்புள்ளது என்பதை உறுதி செய்கிறது.
Image source – Instagram(@rjanadhi_iyappan)
12) நடிகை பிரிகிடா சாகா
‘ஆஹா கல்யாணம்’ என்ற வெப் சீரிஸில் பவி டீச்சர் என்ற கதாபாத்திரத்தில் நடித்து இணையத்தில் பிரபலமடைந்தார் நடிகை பிரிகிடா சாகா. வெள்ளித்திரையில் “வர்மா, வேலன், இரவின் நிழல், கருடன்” போன்ற படங்கள் இவர் நடித்து வெளியானவை. இயக்குனர் பார்த்திபன் எழுதி இயக்கிய “இரவின் நிழல்” படத்தில் கதாநாயகியாக நடித்த பிரிகிடா சாகா, அவரின் தனித்துவ நடிப்பிற்காக விமசகர்கள், மற்றும் ரசிகர்கள் மத்தியில் பாராட்டுகளை பெற்றார்.
Image source – Instagram(@brigida_saga)
13) நடிகை சம்யுக்தா
“Katchi Sera” என்ற ஆல்பம் பாடல் மூலமாக இணையத்தில் வைரல் ஆனவர் நடிகை சம்யுக்தா. இவர் ஒரு ballet டான்சர் மற்றும் எழுத்தாளர். “OH மணப்பெண்ணே, ஜாக்சன் துரை: The Second Chapter” போன்ற திரைப்படங்கள், “சூழல் – The Vortex” என்ற வெப் சீரிஸ், மற்றும் 2024-ல் தெலுங்கில் வெளியான “Chaari 111” என்ற திரைப்படத்தில் கதாநாயகியாகவும் நடித்துள்ளார். “I hate you, Rajinikanth” போன்ற short பிலிம்களிலும் நடித்து நல்ல வரவேற்பை பெற்றுள்ளார்.
Image source – Instagram(@samyuktha_viswanathan)
14) VTV கணேஷ்
கணேஷ் ஜனார்தனன் என்ற இயற்பெயர் “விண்ணைத்தாண்டி வருவாயா” (VTV) திரைப்படத்தில் சிம்புவின் நண்பனாக நடித்து மிகப்பெரிய பிரபலம் ஆனதால் VTV கணேஷ் ஆக மாறியது. 2002-ல் நடிகர் அஜித் நடிப்பில் வெளியான “Red” படத்தில் சிறிய வேடத்தில் நடித்ததில் இருந்து, திரைத்துறையில் தனது பயணத்தை தொடங்கிய VTV கணேஷ் அவர்கள், 2024-ல் வெளியான தளபதி விஜய் நடிப்பில் வெளியான “தி கிரேட்டஸ்ட் ஆப் ஆல் டைம்” படம் வரை பணியாற்றிக் கொண்டு வருகிறார். யதார்த்தமான நடிப்பில் அவர் ஏற்படுத்தும் நகைச்சுவை காட்சிகள் பல ரசிகர்களை கவர்ந்துள்ளது. இதையடுத்து தற்போது ஒளிபரப்பாகி கொண்டிருக்கும் “குக் வித் கோமாளி”-ல் குக் ஆக பங்கேற்று தனக்கான ரசிகர்களை மேலும் உயர்த்தி கொண்டுள்ளார். தற்போது வெளியாகியுள்ள BB தமிழ் சீசன் 8 போட்டியாளர்கள் கணிப்பில் இவரும் பங்கேற்க வாய்ப்புள்ளதாக கூறப்படுகிறது.
Image source – Instagram(@vtvganeshnj)
இதுவரை நடந்த ஏழு பிக் பாஸ் தமிழ் சீசனில் வெற்றி பெற்ற டைட்டில் வின்னர்களின் பட்டியல்.
| பிக் பாஸ் தமிழ் சீசன் | டைட்டில் வின்னர் |
| சீசன் 1 | ஆரவ் நபீஸ் |
| சீசன் 2 | ரித்விகா |
| சீசன் 3 | முகேன் ராவ் |
| சீசன் 4 | ஆரி அர்ஜுனன் |
| சீசன் 5 | ராஜு ஜெயமோகன் |
| சீசன் 6 | மொஹம்மத் அசிம் |
| சீசன் 7 | அர்ச்சனா |
இவர்கள் தான் பிக் பாஸ் தமிழ் சீசன் 8-ல் எதிர்பார்க்கப்படும் போட்டியாளர்கள் என்று கூறப்படுகிறது. இன்னும் அதிகாரபூர்வ அறிவிப்பை விஜய் டிவி இன்னும் வெளியிடவில்லை என்பது குறிப்பிடத்தக்கது. தற்போது ஒளிபரப்பாகி கொண்டிருக்கும் குக்கு வித் கோமாளி நிகழ்ச்சி முடிந்த பிறகு, பிக் பாஸ் தமிழ் சீசன் 8 அக்டோபர் மாதம் தொடங்கப்படும் என்று கூறப்பட்டு வருகிறது.
