தமிழ் மொழியில் வித்தகராக, நேர்த்தியான தமிழ் நடையுடன் பேசி சமீபகாலமாக இணையத்திலும் நல்ல வரவேற்பு கிடைத்து, தனக்கென தனி பாதையை அமைத்து இப்போது யாரும் யாரும் எதிர்பார்க்காத ஒரு நிகழ்ச்சியில் பங்கேற்றுள்ளார் VJ Muthu Kumaran.
Bigg Boss தமிழ் 8 -ல் உங்களுக்கு பிடித்த போட்டியாளருக்கு வாக்களிக்க– இங்கே கிளிக் செய்யவும்
பிக் பாஸ் நிகழ்ச்சியில் பலதரப்பட்ட திறமையாளர்கள் பங்கேற்று, அவர்களின் திறனை வெளிப்படுத்தி வருவது வழக்கம். அதில் இதற்கு முன்னர் செய்தி வாசிப்பாளர் அனிதா சம்பத் பங்கேற்றார், இவரின் தமிழ் பேச்சுக்கு அந்த சீசனில் நல்ல வரவேற்பு கிடைத்தது. இவரை போல இந்த சீசனிலும் தமிழ் பேச்சாளர் Muthu Kumaran போட்டியாளராக அமைந்துள்ளார்.
Bigg Boss போட்டியாளர் VJ Muthu Kumaran யார்?
சிவகங்கை மாவட்டத்தில் நடுத்தர வர்க்கத்து குடும்பத்தில் பிறந்த இயல்பான நபர். சிறு வயது முதல் தன்னுடைய தாயின் உந்துதலில் பேரில் புத்தகம் படிக்கும் பழக்கத்தை கையில் எடுத்தவர், இன்றும் அந்த புத்தகங்களை கீழே வைக்காமல் தன்னுடைய வாழ்வியலில் ஒரு அங்கமாக அதை மாற்றி, எதிர்காலத்தையும் அதன் போக்கிலே எடுத்து செல்கிறார்.
Bigg Boss தமிழ் சீசன் – 8 போட்டியாளர்களின் பெயர்கள்!! மற்றும் புகைப்படம்.
Bigg Boss 8 நிகழ்ச்சிக்கு வருவதற்கு முன் இவர் சில YouTube சேனல்களில் குரல்வழி கலைஞராக பணியாற்ற தொடங்கினார். பின்னர் இவரின் தமிழ் பேச்சும், அவரின் கிராமத்து நடையும் இன்றைய இணையதள வீடியோக்களில் ஒலிக்கும் தமிழில் இருந்து மாறுபட்டு இருப்பது இவருக்கு பலமாக அமைந்தது.
இவரின் மொழி நடையாலும், நேர்த்தியான பேச்சாலும் சில காலத்திலேயே VJ வாக பல பிரபலங்களை நேர்காணல் செய்யும் வாய்ப்பு இவருக்கு கிடைத்தது. முக்கியமாக இவரின் மாறுபட்ட கேள்விகளாலும், எளிமையான பேச்சாலும் இவர் விரைவில் பரிட்சயமான முகமாக மாறினார்.
இவரின் திறமையை வெளிப்படுத்த கனகச்சிதமாக கிடைத்த வாய்ப்பு தான் விஜய் டிவியில் மீண்டு தொடங்கிய ‘தமிழ் பேச்சு எங்கள் மூச்சு’ என்ற பேச்சு போட்டியில் போட்டியிட்டார். இந்த நிகழ்ச்சியில் இவரின் முற்போக்கு சிந்தனைகளும், அனல் பறக்கும் பேச்சும் ரசிகர்களை கவர்ந்த மாதிரி நடுவர்களை கவர் தவறியது. ஆனாலும் இவர் இந்த நிகழ்ச்சியை விட்டு வெளியேறினாலும் இவருக்கான வாய்ப்புகள் தொடர்ந்தது.
தன்னுடைய இன்ஸ்டாகிராம் மற்றும் இதர சமூக வலைத்தளங்களில் இவரின் கருத்துக்களை பகிர்ந்துவந்த Muthu Kumaran, இப்போது புதிய பாதியான Bigg Boss நிகழ்ச்சியில் பங்கேற்கிறார். இதில் அவரின் குரல் வெளியே கேட்கும் அளவிற்கு தனிப்பட்டு ஒலிக்குமா? இல்லை இவரின் குரலை அடக்கி போட்டியில் தொடர திணறுவாரா என இன்னும் சில வாரங்களில் தெரியவரும்.
