விஜய் டிவியில் 2005 ஆம் ஆண்டு, தமிழ்நாட்டில் உள்ள பல இளைஞர்களின் நகைச்சுவை திறமையை வெளிக்கொணரும் “KPY” (Kalakka Povadhu Yaaru) என்ற ரியாலிட்டி ஷோ தொடங்கப்பட்டது. பெருவாரியான மக்கள் இந்த ஷோவிற்கு ஆதரவு கொடுத்த காரணத்தால், தொடர்ந்து மக்களின் ஆதரவுடன் பதினெட்டு வருடங்களில் 9 சீசன்கள் ஒளிபரப்பானது.
இறுதியாக 2020-ஆம் ஆண்டு ஒளிபரப்பான 9-வது சீசனில் ஜெயச்சந்திரன் title winner ஆக அறிவிக்கப்பட்டார்.
KPY Stars
KPY ஷோவில் கலந்து கொண்டு தற்போது தமிழ் சினிமா மற்றும் சின்னத்திரையில் பல சாதனைகளை படைத்து வரும் நட்சத்திரங்கள் சிவகார்த்திகேயன், மணிகண்டன், அசார், பாலா, குரேஷி, பழனி பட்டாளம், அமுதவாணன், அறந்தாங்கி நிஷா, ஆதவன் மற்றும் நவீன் என்று பட்டியலை அடுக்கிக் கொண்டே போகலாம்.
KPY நிகழ்ச்சியின் வெற்றியை தொடர்ந்து, அதில் சிறந்து விளங்கிய நகைச்சுவை கலைஞர்களை வைத்து “KPY Champions” என்ற மற்றொரு ரியாலிட்டி ஷோவை விஜய் டிவி நான்கு சீசன் நடத்தியது.
KPY Season 10
தற்போது, KPY Season 10 launching ப்ரோமோவை விஜய் டிவி அவர்களின் இன்ஸ்டாகிராம் மற்றும் YouTube தளங்களில் வெளியிட்டுள்ளது.
10-வது சீசனில் 9 ஜோடிகளாக contestants பங்கு பெறவுள்ளனர். நடுவர்களாக பங்கு பெரும் மதுரை முத்து, ராமர், புகழ், மற்றும் அமுதவாணன் இந்த புத்தம் புதிய சீசனை மேலும் fun-ஆக எடுத்து செல்வார்கள் என்று உறுதியாகக் கூறலாம். அறந்தாங்கி நிஷா மற்றும் சின்னத்திரை சீரியலில் கதாநாயகன் ஆக பிரபலம் அடைந்த வினோத் பாபு, KPY Season 10 தொகுப்பாளர்கள் என்பது ப்ரோமோவில் அறியமுடிகிறது.
வாரா வாரம் சிறப்பு விருந்தினர்கள் பங்கு பெறும் நிலையில், இந்த வார launch எபிசோடில் சிறப்பு விருந்தினராக நடிகர் சசிகுமார் பங்கு பெறவுள்ளார்.
வரும் ஞாயிறு, டிசம்பர் 1 ஆம் தேதி மதியம் 3 மணிக்கு KPY Season 10, முதல் எபிசோட் ஒளிபரப்பாகிறது.
அதே நேரத்தில் ஒளிபரப்பான “TIK TIK TIK” என்ற game show கடந்த வாரம் வெளியான 20-வது எபிசோடுடன் முதல் சீசன் முடிவுக்கு வந்தது. இந்த game ஷோவை “KPY” மற்றும் “குக் வித் கோமாளியில்” பங்கு பெற்று மக்கள் மத்தியில் பெரும் வரவேற்பை பெற்ற நகைச்சுவை கலைஞர் பாலா, பிரபல தொகுப்பாளினி kiki-யுடன் இணைந்து தொகுத்து வழங்கினார் என்பது குறிப்பிடத்தக்கது.
Don't miss out on the Latest Updates! Join our official WhatsApp channel and follow us on, YouTube, Instagram, Facebook, and Twitter for Breaking News. Send your press releases to: [email protected]
